Luka 9:60 - New Testament

⁶⁰ Peeɖe Yesu cosi-i se: «Yele sɩɖaa nɛ pepi pa-sɩɖaa. Ña lɛ, wolo ŋsusi ɛyáa Ɛsɔ Kewiyaɣ tɔm.»

Luka 9:60 ပူးပေါင်းရင်းမြစ်များ

Maatiyee 4:23

Yesu cɔwaɣ Galilee egeetiye tɩŋa taa payɩ nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ ndɩ ndɩ taa nɛ ɛlakɩ nɛ ajamaa ndɩ ndɩ nɛ kʋdɔndɩnaa ndɩ ndɩ patɩŋa pɔ-yɔɔ cɛkɩ.

Maatiyee 8:22

Yesu cosi-i se: «Kɔɔ ŋtɩŋ-m, yele sɩɖaa nɛ pepi pa-sɩɖaa.»

Luka 15:24

Mbʋ́ pʋyɔɔ yɔ, man-pɩyalʋ ɛnɛ, pʋwɛ ɛzɩ ɛsɩba nɛ efe yɔ. Eeleba nɛ manɖaɣnɩ-ɩ naʋ.› Peeɖe papazɩ kazandʋ tɔɔʋ.

Luka 15:32

Ɛlɛ́, pʋmʋnaa se ɖɩla kazandʋ nɛ laŋhʋlʋmɩyɛ. Mbʋ́ pʋyɔɔ yɔ, pʋwɛ ɛzɩ ñe-neu kasɩba nɛ efe yɔ, eeleba nɛ manɖaɣnɩ-ɩ naʋ.› »

1 Kɔrɛntɩ 9:16

Ŋgʋ́, Laŋhɛzɩyɛ Tɔm susuu tɛkɛnɩ-m mbʋ́ mankʋndʋʋna yɔ. Mbʋ́ pʋyɔɔ yɔ, Ɛsɔ ɖʋnɩ-m se monsusi-tʋ. Yee montosusi-tʋ yɔ, eyeki nɛ pɩnɩ-m siŋŋ.

Efɛɛzɩ 2:1

Mɩ lɛ, ɖooo lɛ, ɩɩsɩbɩ mɩ-kɩdɛkɛdɩm nɛ mɩ-kɩwɛɛkɩm pɔ-yɔɔ.

Efɛɛzɩ 2:5

Pʋ-yɔɔ efezi ɖa nɛ Krɩstʋ alɩwaatʋ ndʋ́ ɖɩɩsɩbɩ ɖa-kɩwɛɛkɩm yɔɔ ḿbʋ́ yɔ. Yee ḿbʋ́, lootiye yɔɔ ɛyabɩ mɩ-ñʋʋ.

1 Timootee 5:6

Ɛlɛ́, weyi ɛ́lɛ́ wɛɛ ɛlakɩ yem yem yɔ, paa ɛwɛ wezuu yɔ, ɛtɛm sɩbʋ.

2 Timootee 4:2

paa nʋmɔʋ ɛwɛɛ yaa kɩfɛyɩ yɔ, susi ɛyáa Ɛsɔtɔm nɛ ŋñɩɣ tɩ-yɔɔ niye nɛ ŋla nɛ petisi-tʋ nɛ ŋkalɩ-wɛ nɛ ŋsazɩ-wɛ nɛ ŋɖɔkɩ ñɔ-hɔyɛ tam ña-wɩlʋʋ taa.

2 Timootee 4:5

Piyele ña lɛ, ɖɔkɩ ña-tɩ camɩyɛ pɩtɩŋa pɩ-taa. Tisi nɛ ŋtɔɔ kʋñɔŋ, la Laŋhɛzɩyɛ Tɔm susuu tʋmɩyɛ, la tʋmɩyɛ nɖɩ́ Ɛsɔ ɖʋ-ŋ yɔ ɖɩtɩŋa.

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.