Luka 9:52 - New Testament

⁵² Peeɖe etiyi nabɛyɛ se pɛɖɛɛ-ɩ nɔɔ nɛ powolo Samaarɩɩ egeetiye taa nɛ pɔñɔɔzɩ-ɩ mbʋ́ pʋpɔzʋʋ-ɩ yɔ pɩtɩŋa. Patalaa lɛ, pasʋʋ tɛtʋ cikpetu natʋyʋ taa se pala ḿbʋ́.

Luka 9:52 ပူးပေါင်းရင်းမြစ်များ

Maatiyee 10:5

Yesu tiyi ɛ-tɔmkpɛlɩkɩyaa hiu nɛ naalɛ ɛjaɖɛ taa. Pʋcɔ pɛɖɛɛ lɛ, ɛkam pa-ñʋŋ taa siŋŋ se: «itaawolo hɔɔlɩŋ weyi ɩ-taa mbá pɛtɛkɛ Yuda ñɩma yɔ, pɛwɛɛ yɔ. Ɩtaasʋʋ Samaarɩɩ egeetiye hɔɔlʋʋ nakʋyʋ taa ɖɔɖɔ.

Luka 10:1

Pʋwayɩ lɛ, Kɩpaɣlʋ tasɩ lɩzʋʋ ɛ-tɔmkpɛlɩkɩyaa taa ɛyáa nɩɩnʋwa nɛ nɩɩlɛ nɛ naalɛ nɛ etiyi-wɛ naalɛ naalɛ se pɛɖɛɛ-ɩ nɔɔ nɛ powolo tɛtʋ ndɩ ndɩ nɛ hɔɔlɩŋ weyi ɩ-taa ɛɖʋwa se ewoki yɔ pa-taa.

Luka 10:33

Ɛ́lɛ́ ɖɛwa lɛ, Samaarɩɩ tʋ nɔɔyʋ wokaɣ nʋmɔʋ. Ɛtalɩ abalʋ ɛnʋ ɛ-cɔlɔ nɛ ɛna-ɩ ḿbʋ́ lɛ, pɩlabɩ-ɩ pʋtɔdɩyɛ pɩŋŋ.

Luka 17:11

Yesu kʋyaa se ewoki Yeruusalɛm lɛ, ɛtɩŋnɩ Samaarɩɩ nɛ Galilee pa-ageeta taa.

Luka 17:16

Katalɩ Yesu cɔlɔ lɛ, koluŋ ɛ-tɛɛ nɛ kɛsɛɛ-ɩ. Ŋgʋ́, kaakɛ Samaarɩɩ tʋ.

Luka 7:27

Yohanɛɛsɩ ɛnʋ, ɛ-tɔm Ɛsɔ yɔɔdaa nɛ pama ɛ-Takayaɣ taa se: ‹Na! Mancalɩɣ men-tiyiyu tiyuu nɛ ɛñɔɔzɩ ña-nʋmɔʋ.› »

Yohanɛɛsɩ 4:4

Pʋcɔ ewolo Galilee lɛ, pɩɩwɛɛ se ɛtɩŋnɩ Samaarɩɩ egeetiye taa.

Yohanɛɛsɩ 4:5

Ɛɖɛɣaɣ lɛ, ɛtalɩ Samaarɩɩ egeetiye taa tɛtʋ ndʋ́ payaɣ se Siicaarɩ yɔ tɩ-taa. Tɩwɛ hayɩm mbʋ́ Yakɔɔbʋ ha ɛ-pɩyalʋ Yozɛɛfʋ yɔ pʋ-cɔlɔ.

Yohanɛɛsɩ 4:9

Peeɖe halʋ ɛnʋ ɛpɔzɩ-ɩ se: «Ŋkɛ Yuda tʋ lɛ, ŋcalɩ se we nɛ ŋsʋlʋmʋʋ-m lɩm?» Halʋ ɛnʋ, ɛpɔzɩ-ɩ ḿbʋ́, mbʋ́ pʋyɔɔ yɔ, Samaarɩɩ ñɩma nɛ Yuda ñɩma paacaɣ ɖama.

Yohanɛɛsɩ 8:48

Yesu yɔɔdɩ ḿbʋ́ lɛ, Yuda ñɩma pɔzɩ-ɩ se: «Đɩfɛyɩnɩ toovenim se ɖɩyɔɔdɩ se ŋkɛ Samaarɩɩ tʋ nɛ ŋtɛ ŋke aleewaa naa we?»