Luka 9:51 - New Testament

⁵¹ Alɩwaatʋ wɩzɩ talʋʋ se Yesu ɛkpa ɛsɔdaa. Pʋ-yɔɔ ɛɖʋwa kpem se ewoki Yeruusalɛm.

Luka 9:51 ပူးပေါင်းရင်းမြစ်များ

Maarkɩ 16:19

Kɩpaɣlʋ Yesu tɛm ɛ-tɔmkpɛlɩkɩyaa yɔɔdɩnaʋ ḿbʋ́ lɛ, pɩkpazɩ-ɩ ɛsɔdaa yem nɛ ɛcaɣ Ɛsɔ cɔlɔ lone kɩbanɖɛ taa.

Luka 12:50

Pʋwɛɛ se mansʋʋ kʋñɔŋ taa ɛzɩ pamɩɩsʋʋ ɛyʋ lɩm yɔ. Ɩna ɛzɩma mbʋ́ mɛwɛɣ ɛsɛñɩŋɩyɛ taa nɛ pʋkɔɔ pɩsɩɩnɩ alɩwaatʋ ndʋ́ pɩlabɩ ḿbʋ́ yɔ!

Luka 13:22

Pʋwayɩ lɛ, Yesu woki Yeruusalɛm. Ewokaɣ lɛ, ɛɖɔŋnɩ Ɛsɔtɔm susuu tɛtʋ sɔsɔtʋ nɛ cikpetu ndʋ́ ndʋ́ ɛtɩŋaɣnɩ tɩ-taa yɔ.

Luka 17:11

Yesu kʋyaa se ewoki Yeruusalɛm lɛ, ɛtɩŋnɩ Samaarɩɩ nɛ Galilee pa-ageeta taa.

Luka 18:31

Pɩkɛdaa lɛ, Yesu kɛsɩ ɛ-tɔmkpɛlɩkɩyaa hiu nɛ naalɛ nɛ eheyi-wɛ se: «Ɩna, ɖɩkpaɣ Yeruusalɛm. Peeɖe Ɛyʋ Pɩyalʋ tɔm ndʋ́ tɩtɩŋa payɩ náyaa kamawa yɔ, tɩkɔŋ labʋ.

Luka 19:11

Ɛyáa welesaɣ ndʋ́ Yesu yɔɔdaɣ yɔ. Peeɖe ɛtasɩ-wɛ tuuu eduuye. Toovenim lɛ se pɔñɔtɩnɩ Yeruusalɛm, nɛ ɛyáa maɣzɩɣ se Ɛsɔ kewiyaɣ kɔŋ kpaagbaa nɛ pana-kɛ nɛ pɛ-ɛsɛ. Pʋ-yɔɔ etuu-wɛ eduuye se:

Luka 19:28

Yesu tɛm yɔɔdʋʋ ḿbʋ́ lɛ, ɛɖɛɛ ɛyáa samaɣ nɔɔ se ewoki Yeruusalɛm.

Luka 24:51

Ɛwazaɣ pɔ-yɔɔ ḿbʋ́ lɛ, pʋkʋsɩ-ɩ pɔ-cɔlɔ peeɖe yem nɛ pɩkpazɩ-ɩ ɛsɔdaa.

Luka 9:57

Yesu nɛ ɛ-tɔmkpɛlɩkɩyaa pɛɖɛɣaɣ lɛ, nɔɔyʋ heyi-i se: «Paa le ŋwoki yɔ, mantɩŋɩɣ-ŋ.»

Yohanɛɛsɩ 13:1

Kifeŋaɣ se pɔtɔɔ Paska Kazandʋ. Ɛlɛ́, Yesu na se ɛ-alɩwaatʋ talaa se ɛkʋyɩ kedeŋa kanɛ kɔ-yɔɔ nɛ ewolo ɛ-Caa cɔlɔ. Ɛɛsɔɔlɩ ɛ-ñɩma mbá pɛwɛ kɔ-yɔɔ yɔ kámaɣ́ fɛyɩ.

Yohanɛɛsɩ 16:28

Caa cɔlɔ malɩnaa nɛ mɔnkɔɔ kedeŋa yɔɔ. Lɛɛlɛɛyɔ, mankʋyʋʋ kɔ-yɔɔ nɛ manpɩsɩ ɛ-cɔlɔ.»

Yohanɛɛsɩ 16:5

Yesu tasɩ yɔɔdʋʋ se: «Lɛɛlɛɛyɔ, mowoki weyi etiyi-m yɔ ɛ-cɔlɔ nɛ mɩ-taa nɔɔyʋ ɛɛpɔzʋʋ-m se: ‹Le ŋwoki?›

Yohanɛɛsɩ 17:11

Maatasɩɣ wɛʋ kedeŋa yɔɔ, ɛlɛ́, ḿbá ñɛwɛ kɔ-yɔɔ. Ma lɛ, mɔnkɔŋ ñɔ-cɔlɔ. Ɛsɔ Caabiyuu! Ño-ɖoŋ taa lɛ, ɖɔkɩ-wɛ nɛ pala nɔɔ kʋɖʋmaɣ ɛzɩ ma nɛ ŋ ɖɩlabʋ yɔ.

Yohanɛɛsɩ 6:62

Yee ḿbʋ́ lɛ, ɛzɩma pɩkaɣ labʋ alɩwaatʋ ndʋ́ ɩnaɣ Ɛyʋ Pɩyalʋ kitiɣ ɛkpa ɖenɖe ɛɛwɛɛ yɔ?

Tʋma Labʋ 1:2

nɛ pʋkɔɔ pɩsɩɩnɩ kɩyakʋ ŋgʋ́ Ɛsɔ kpazɩ-ɩ ɛsɔdaa yɔ. Ɛɛlɩzɩ ɛyáa nabɛyɛ se pɛkɛ e-tiyiyaa, nɛ pʋcɔ Ɛsɔ kpazɩ-ɩ ɛsɔdaa lɛ, ɛtɩŋnɩ Fezuu Kiɖeɖeu ɖoŋ yɔɔ nɛ ɛɖʋ-wɛ paɣtʋ.

Tʋma Labʋ 1:9

Yesu tɛm yɔɔdʋʋ ḿbʋ́ lɛ, pɩkpazɩ-ɩ ɛsɔdaa yem nɛ pɔcɔŋnɩ-ɩ ḿbʋ́ nɛ ɛsɔmɩnʋʋ nakʋyʋ wolo kuhuuzi ɛ-yɔɔ nɛ patatasɩ-ɩ naʋ.

Efɛɛzɩ 1:20

Ɛnʋ ɛlabɩnɩ tʋmɩyɛ Krɩstʋ taa nɛ efezini-i sɩɖaa taa nɛ ɛcaɣzɩ-ɩ ɛ-cɔlɔ lone kɩbanɖɛ taa ɛsɔdaa.

Filiipu 3:14

Pʋ-yɔɔ malʋkɩ se mantalɩ tɩnaɣ yɔɔ nɛ mamʋ kɩhɛyʋʋ ŋgʋ́ Ɛsɔ tɩŋnɩ Krɩstʋ Yesu yɔɔ nɛ ɛ́yáa-ɖʋ nɛ ɛsɔdaa se ɖɩmʋ yɔ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 6:20

Đɔ-yɔɔ Yesu ɖɛ nɔɔ nɛ ɛsʋʋ ɖɩ-taa nɛ ɛpɩsɩ cɔjɔnaa ñʋʋdʋ tam ɛzɩ Mɛlkisedɛɛkɩ yɔ.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.