Luka 9:44 - New Testament

⁴⁴ «Ɩɖɔkɩ tɔm ndʋ́ meheyiɣ-mɩ lɛɛlɛɛyɔ yɔ camɩyɛ. Pɔkɔŋ Ɛyʋ Pɩyalʋ kpaʋ nɛ paɖʋzɩ ɛyáa nesi taa.»

Luka 9:44 ပူးပေါင်းရင်းမြစ်များ

Maatiyee 16:21

Alɩwaatʋ ńdʋ́ʋ́ Yesu pazɩ ɛ-tɔmkpɛlɩkɩyaa yɔɔdɩnaʋ nɛ ɛkaɖɩ-wɛ se pʋwɛɛ se ewolo Yeruusalɛm nɛ ɛtɔɔ kʋñɔŋ siŋŋ Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pe-nesi taa nɛ pakʋ-ɩ nɛ ɛsɩ nɛ kɩyakɩŋ naadozo wiye lɛ, Ɛsɔ fezi-i.

Maatiyee 26:2

«Ɩnawa se pɩkazɩ kɩyakɩŋ naalɛ se pɔtɔɔ Yuda ñɩma Paska Kazandʋ. Alɩwaatʋ ńdʋ́ tɩ-taa pɔkɔŋ kpaʋ Ɛyʋ Pɩyalʋ nɛ paɖʋzɩ-ɩ koyindinaa nesi taa nɛ paba kam-ɩ kaamaŋkaɣ yɔɔ.»

Maarkɩ 8:31

Yesu wɩlaɣ ɛ-tɔmkpɛlɩkɩyaa se peɖiɣzini se ɛnʋ Ɛyʋ Pɩyalʋ lɛ, pʋwɛɛ se ɛtɔɔ kʋñɔŋ siŋŋ nɛ Yuda ñɩma sɔsaa nɛ cɔjɔnaa sɔsaa nɛ pa-paɣtʋ wɩlɩyaa pekizi ɛ-tɔm nɛ pakʋ-ɩ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i.

Maarkɩ 9:31

Mbʋ́ pʋyɔɔ yɔ, ɛwɩlaɣ ɛ-tɔmkpɛlɩkɩyaa. Eheyaɣ-wɛ se: «Pɔkɔŋ kpaʋ Ɛyʋ Pɩyalʋ nɛ paɖʋzɩ-ɩ ɛyáa nesi taa nɛ pakʋ-ɩ nɛ ɛsɩ. Kɩyakɩŋ naadozo wiye lɛ, Ɛsɔ fezi-i.»

Luka 1:66

Mbá patɩŋa panɩ tɔm ńdʋ́ yɔ, pamaɣzɩ pɩŋŋ nɛ pɔpɔzʋʋ pa-tɩ se: «Ɛbɛ pɩɣa pɩcɩɩcɩyɩm ɛnɛ ɛkaɣ kɛʋ?» Meheyiɣ-mɩ se Kɩpaɣlʋ ɖoŋ kɛwɛ kɔ-yɔɔ siŋŋ.

Luka 18:31

Pɩkɛdaa lɛ, Yesu kɛsɩ ɛ-tɔmkpɛlɩkɩyaa hiu nɛ naalɛ nɛ eheyi-wɛ se: «Ɩna, ɖɩkpaɣ Yeruusalɛm. Peeɖe Ɛyʋ Pɩyalʋ tɔm ndʋ́ tɩtɩŋa payɩ náyaa kamawa yɔ, tɩkɔŋ labʋ.

Luka 2:19

Ɛlɛ́, Maarɩɩ ɖɔkɩ tɔm ńdʋ́ tɩtɩŋa payɩ nɛ ɛmaɣzɩɣ tɩ-yɔɔ siŋŋ.

Luka 2:51

Pʋwayɩ lɛ, pa nɛ ɩ pakʋyɩ papɩsɩ pɛ-tɛ Nazarɛɛtɩ. Yesu ɛnʋ, ɛñaŋ ɛ-caa nɛ e-ɖoo camɩyɛ. Mbʋ́ pɩtɩŋa payɩ pɩlaba yɔ, pʋwɛɛ e-ɖoo taa nɛ ɛtɔzʋʋ pʋ-yɔɔ paa ɖooye.

Luka 24:44

Ɛlɛ́, eheyi-wɛ se: «Mbʋ́ pʋ-tɔm maaheyi-mɩ alɩwaatʋ ndʋ́ ma nɛ mɩ ɖɩɩwɛɛ yɔ, ḿbʋ́ labɩnɩ ɛzʋnɔ yɔ. Mbʋ́ pʋyɔɔ yɔ, pɩɩwɛɛ se mɔn-tɔm ndʋ́ tɩtɩŋa paama Mooyiizi nɛ náyaa nɛ keɣsi maɖaa pa-takayɩsɩ taa yɔ, tɩla.»

Luka 9:22

Ɛtasɩ-wɛ heyuu se pʋwɛɛ se Ɛyʋ Pɩyalʋ ɛla kʋñɔŋ siŋŋ. Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pɔkɔŋ kizuu ɛ-tɔm nɛ pakʋ-ɩ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i nɛ sɩm taa.

Yohanɛɛsɩ 16:31

Peeɖe Yesu pɔzɩ-wɛ se: «Ɩtɔŋ se lɛɛlɛɛyɔ ɩwɛnɩ lidaʋ mɔ-yɔɔ yaa?

Yohanɛɛsɩ 16:4

Ɛlɛ́, meheyi-mɩ ḿbʋ́ se yee pɔkɔm palakɩ ḿbʋ́ lɛ, ɩtɔzɩ se maatɛm-mɩ-tʋ heyuu. Mantaaheyi-mɩ tɔm ńdʋ́ ɖooo ɛzɩ manpazʋʋ man-tʋmɩyɛ labʋ yɔ, mbʋ́ pʋyɔɔ yɔ, ma nɛ mɩ ɖɩɩwɛna.»

Yohanɛɛsɩ 19:11

Yesu pɩsɩnɩ-ɩ se: «Ŋfɛyɩnɩ ɖoŋ nɩɩyɩ mɔ-yɔɔ nɛ pɩtasɩnɩ weyi Ɛsɔ ha-ŋ nɛ ɛsɔdaa yɔ. Ḿbʋ́ yebina nɛ weyi ɛkpa-m nɛ ɛkɔnɩ ñɔ-cɔlɔ yɔ, ɛ-kɩwɛɛkɩm kɩlɩ ña-ñɩmbʋ.»

Tʋma Labʋ 2:23

Ɛnʋ paɖʋzɩ mi-nesi taa ɛzɩ Ɛsɔ kamaɣzʋʋ nɛ ɛɖʋ ɖooo lɔŋ yɔ nɛ ɩtɩŋnɩ mbá paaɖɔŋ paɣtʋ yɔɔ nɛ pakam-ɩ kaamaŋkaɣ yɔɔ yɔ pɔ-yɔɔ nɛ ɩkʋ-ɩ nɛ ɛsɩ.

Ebree 2:1

Pʋyɔɔ pʋwɛɛ se ɖɛ-ɛsɩyɛ ɛsɛɛnɩ tɔm ndʋ́ ɖɩnɩwa yɔ nɛ pɩkɩlɩ ɛzɩ pɩtɩɩ yɔ nɛ ɖɩtaakɔɔ ɖile nʋmɔʋ.