Luka 9:32 - New Testament

³² Alɩwaatʋ ńdʋ́ lɛ, Pɩyɛ nɛ ɛ-taabalaa paawɛ ɖom yɔɔ. Pefema lɛ, pana Yesu e-koboyaɣ taa, abalaa ḿbá pa-naalɛ pasɩŋ ɛ-cɔlɔ.

Luka 9:32 ပူးပေါင်းရင်းမြစ်များ

Maarkɩ 14:40

Ɛtasɩ pɩsʋʋ ɛ-tɔmkpɛlɩkɩyaa cɔlɔ lɛ, ɛmaɣnɩ-wɛ pɔɖɔŋ ɖou ɖɔɖɔ. Patapɩzɩ pacaɣnɩ pɛ-ɛsɛ nɛ paanaɣ se peheyi-i se we.

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

2 Pɩyɛ 1:16

Toovenim lɛ, pɩtɛkɛ mʋya wena ɛyáa maɣzɩɣ nɛ pamʋyʋʋ yɔ a-yɔɔ ɖɩtɩŋnaa nɛ ɖɩkɛdɩ-mɩ ɛzɩma mbʋ́ ɖa-Kɩpaɣlʋ Yesu Krɩstʋ kɔŋnɩ ɖoŋ yɔ. Mbʋ́ pʋyɔɔ yɔ, ɖa-maɣmaɣ ɖɩna e-koboyaɣ nɛ ɖɛ-ɛsɛ.

1 Yohanɛɛsɩ 3:2

Mɛ-ɛgbaɣdɩnaa! Lɛɛlɛɛyɔ ɖɩkɛ Ɛsɔ piya. Nɔɔyʋ tanadɩ mbʋ́ ɖɩkɔŋ kɛʋ yɔ. Ɛlɛ́, ɖɩsɩm se alɩwaatʋ ndʋ́ Yesu Krɩstʋ pɩsɩɣ ɛkɔɔ nɛ pana-ɩ yɔ, ɖɩwɛɣ ɛzɩ ɛwɛʋ yɔ, mbʋ́ pʋyɔɔ yɔ, ɖɩnaɣ-ɩ ɛzɩ ɛwɛʋ yɔ.