Luka 9:30 - New Testament

³⁰ Kpaagbaa ḿbʋ́ lɛ, abalaa naalɛ nabɛyɛ lɩ nɛ pa nɛ ɩ palakɩ lɩmaɣza. Ḿbá lɛ Mooyiizi nɛ Elii.

Luka 9:30 ပူးပေါင်းရင်းမြစ်များ

Luka 1:17

Ka-maɣmaɣ kɛwɛɣnɩ náyʋ Elii lɩmaɣza nɛ e-ɖoŋ nɛ kɛɖɛɛ Kɩpaɣlʋ ɛnʋ nɔɔ nɛ kɛkpɛndɩ caanaa nɛ pe-piya nɛ kokuli kaañamtʋ tɩnaa ɛsɛ nɛ papɩsɩ kʋtʋʋzaa nɛ kɔñɔɔzɩ ɛjaɖɛ taa ñɩma ɖeu nɛ paɖaŋ Kɩpaɣlʋ ɛnʋ kpam.»

Luka 24:27

Pʋwayɩ lɛ, ɛkɛdɩ-wɛ ɖenɖe ɖenɖe paama ɛ-tɔm Ɛsɔtɔm Takayaɣ taa yɔ nɛ ɛlɩzɩ-wɛ tɩ-tɔbʋʋ. Ɛpazɩnɩ Mooyiizi takayɩsɩ nɛ ɛkɔɔ ɛtɛzɩnɩ náyaa ñɩnzɩ tɩŋa.

Luka 24:44

Ɛlɛ́, eheyi-wɛ se: «Mbʋ́ pʋ-tɔm maaheyi-mɩ alɩwaatʋ ndʋ́ ma nɛ mɩ ɖɩɩwɛɛ yɔ, ḿbʋ́ labɩnɩ ɛzʋnɔ yɔ. Mbʋ́ pʋyɔɔ yɔ, pɩɩwɛɛ se mɔn-tɔm ndʋ́ tɩtɩŋa paama Mooyiizi nɛ náyaa nɛ keɣsi maɖaa pa-takayɩsɩ taa yɔ, tɩla.»

Luka 9:19

Pocosi-i se: «Nabɛyɛ tɔŋ se ña lɛ Lɩm Sɔʋ Sɔnzɩ Laɖʋ Yohanɛɛsɩ. Lɛlaa se náyʋ Elii lɩnɩnɩ ɛsɔdaa nɛ etii. Lɛlaa ñɔtɔŋ se ɖooo lɔŋ taa náyaa taa nɔɔyʋ femna.»

Luka 9:29

Ɛsɛɣaɣ Ɛsɔ lɛ, ɛ-ɛsɩndaa lɛɣzɩ nɛ e-wondu hʋlʋmɩ layɩ layɩ nɛ tiɖeɣ miŋ yem pelu pelu.

Luka 9:31

Paawɛ Ɛsɔ koboyaɣ taa nɛ pa nɛ Yesu pɔyɔɔdʋʋ ɛzɩma mbʋ́ ɛtɛzɩɣ ɛ-tʋmɩyɛ nɛ sɩm Yeruusalɛm yɔ pʋ-tɔm.

Yohanɛɛsɩ 1:17

Toovenim lɛ, Mooyiizi yɔɔ Ɛsɔ tɩŋnaa nɛ ɛɖʋ-ɖʋ paɣtʋ. Ɛlɛ́, Yesu Krɩstʋ yɔɔ ɛtɩŋnaa nɛ ɛlabɩ-ɖʋ lootiye nɛ ɛwɩlɩ-ɖʋ toovenim.