Luka 9:19 - New Testament

¹⁹ Pocosi-i se: «Nabɛyɛ tɔŋ se ña lɛ Lɩm Sɔʋ Sɔnzɩ Laɖʋ Yohanɛɛsɩ. Lɛlaa se náyʋ Elii lɩnɩnɩ ɛsɔdaa nɛ etii. Lɛlaa ñɔtɔŋ se ɖooo lɔŋ taa náyaa taa nɔɔyʋ femna.»

Luka 9:19 ပူးပေါင်းရင်းမြစ်များ

Maatiyee 14:2

Peeɖe eheyi ɛ-tʋmlaɖaa se: «Lɩm Sɔʋ Sɔnzɩ Laɖʋ Yohanɛɛsɩ weyi ɛɛsɩba yɔ, ɛ-tɔm pɔyɔɔdʋʋ, ɛnʋ femna. Ḿbʋ́ yebina nɛ ɛwɛnɩ Ɛsɔ ɖoŋ nɛ ɛlakɩ hama lakasɩ ḿbʋ́.»

Maatiyee 3:1

Alɩwaatʋ ńdʋ́ʋ́ Lɩm Sɔʋ Sɔnzɩ Laɖʋ Yohanɛɛsɩ pazɩ susuu Ɛsɔtɔm Yudee lakʋ taa.

Maarkɩ 6:14

Alɩwaatʋ ńdʋ́ʋ́ Yesu hɩɖɛ sɛ paa le nɛ wiyaʋ Eroodi nɩɩ ɛ-taŋ nɛ ɛyáa lɛlaa tɔŋ se: «Lɩm Sɔʋ Sɔnzɩ Laɖʋ Yohanɛɛsɩ femna. Mbʋ́ pʋyɔɔ yɔ, ɛwɛnɩ ɖoŋ nɛ ɛlakɩ Ɛsɔ hama lakasɩ.»

Maarkɩ 6:15

Lɛlaa se: «Náyʋ Elii weyi paaɖaŋaa yɔ, ɛnʋ kɔmna» nɛ lɛlaa ñɔtɔŋ ɖɔɖɔ se: «Lɔndaa náyaa taa nɔɔyʋ.»

Luka 9:18

Nakʋyʋ wiye Yesu sɛɣaɣ Ɛsɔ e-ɖeke nɛ ɛ-tɔmkpɛlɩkɩyaa wɛɛ ɛ-cɔlɔ. Peeɖe ɛpɔzɩ-wɛ se: «Ɛyáa maɣzɩɣ se ma lɛ anɩ?»

Luka 9:20

Ɛlɛ́, Yesu pɔzɩ-wɛ se: «Mɩ yɔ, mɩhʋʋ se ma lɛ anɩ?» Ɛlɛ́, Pɩyɛ cosi-i se: «Ña lɛ Weyi Ɛsɔ Lɩzaa Yɔ.»

Yohanɛɛsɩ 1:21

Peeɖe patasɩ-ɩ pɔzʋʋ se: «Ña lɛ anɩ kpem? Ña lɛ Elii yaa we?» Ecosi se: «Aayɩ.» Peeɖe patasɩ-ɩ pɔzʋʋ se: «Ña lɛ náyʋ weyi ɖɩɖaŋaa yɔ yaa we?» Ecosi se: «Aayɩ.»

Yohanɛɛsɩ 1:25

Paba pɔzɩnɩ-ɩ se: «Ŋtɛkɛ Weyi Ɛsɔ Lɩzaa Yɔ yaa náyʋ weyi ɖɩɖaŋaa yɔ yaa Elii lɛ, pɩlabɩ ɛzɩma nɛ ŋlakɩ ɛyáa lɩm sɔʋ sɔnzɩ?»

Yohanɛɛsɩ 7:40

Ɛyáa samaɣ taa nabɛyɛ nɩ tɔm ndʋ́ ɛyɔɔdɩ ḿbʋ́ yɔ lɛ, pɔtɔ se: «Toovenim, ɛnɛ lɛ náyʋ weyi pɩɩwɛɛ se ɛkɔɔ yɔ!»

Yohanɛɛsɩ 9:17

Ɛlɛ́, Farɩsɩ ñɩma tasɩ pɔzʋʋ abalʋ ɛnʋ se: «Nɛ ña yɔ, ŋyɔɔdʋʋ weyi ekuli ñɛ-ɛsɛ yɔ ɛ-tɔm se we?» Ecosi-wɛ se: «Ɛkɛ náyʋ.»