Luka 9:16 - New Testament

¹⁶ Pʋwayɩ lɛ, Yesu kpaɣ tindine hɔɔlasɩ kagbaanzɩ ńzɩ́ nɛ kpakpasɩ ńzɩ́ sɩ-naalɛ nɛ ɛkpazɩ ɛ-ɛsɛ ɛsɔdaa nɛ ɛsɛɛ pʋ-yɔɔ Ɛsɔ nɛ ɛcɩyɩ nɛ ɛcɛlɩ ɛ-tɔmkpɛlɩkɩyaa se patayɩ ɛyáa samaɣ ŋ́gá.

Luka 9:16 ပူးပေါင်းရင်းမြစ်များ

Maatiyee 14:19

Powonaa lɛ, eheyi ɛyáa tɩŋa payɩ se pacaɣ ñɩtʋ yɔɔ. Peeɖe ɛkpaɣ tindine hɔɔlasɩ kagbaanzɩ ńzɩ́ nɛ kpakpasɩ ńzɩ́ sɩ-naalɛ nɛ ɛkpazɩ ɛ-ɛsɛ ɛsɔdaa nɛ ɛsɛɛ pʋ-yɔɔ Ɛsɔ nɛ ɛcɛdɛlɩ nɛ ɛcɛlɩ ɛ-tɔmkpɛlɩkɩyaa nɛ patayɩ ɛyáa tɩŋa payɩ

Maatiyee 15:36

Pacaɣaɣ lɛ, ɛkpaɣ tindine hɔɔlasɩ lʋbɛ ńzɩ́ nɛ kpakpasɩ cikpesi ńzɩ́ nɛ ɛsɛɛ Ɛsɔ pʋ-yɔɔ nɛ ɛcɩyɩ nɛ ɛcɛlɩ ɛ-tɔmkpɛlɩkɩyaa nɛ patayɩ-wɛ.

Maarkɩ 7:34

Ɛtɛma lɛ, ɛkpazɩ ɛ-ɛsɛ ɛsɔdaa nɛ emuzi nɛ ɛtɔ se: «Efata.» Pʋ-tɔbʋʋ se: «Tʋlɩ.»

Luka 22:19

Pʋwayɩ lɛ, ɛkpaɣ tindine nɛ ɛsɛɛ ɖɩ-yɔɔ Ɛsɔ nɛ ɛcɩyɩ-ɖɩ nɛ ɛcɛlɩ-wɛ se: «Pʋnɛ lɛ mon-tomnaɣ [ŋgá paha mɩ-yɔɔ yɔ. Ɩmʋ ɩtɔɔ nɛ ɩtɔzʋʋnɩ mɔ-yɔɔ.»

Luka 24:30

Pɩkɛdaa lɛ, ɛ nɛ wɛ pacaɣ tɔɔnaɣ ɖɩtɔɔyɛ nɛ ɛkpaɣ tindine nɛ ɛsɛɛ ɖɩ-yɔɔ Ɛsɔ nɛ ɛcɩyɩ-ɖɩ nɛ ɛcɛlɩ-wɛ.

Luka 9:15

Ɛ-tɔmkpɛlɩkɩyaa caɣzɩ patɩŋa payɩ ḿbʋ́ ɖɔɖɔ.

Luka 9:17

Patɩŋa pɔtɔɔ pahaɣ nɛ pokuu hɔɔlasɩ nzɩ́ sɩkazaa yɔ ɖɔkɩŋ hiu nɛ naalɛ.

Yohanɛɛsɩ 6:11

Peeɖe ɛkpaɣ tindine nɛ ɛsa Ɛsɔ ɖɩ-yɔɔ nɛ ɛtayɩ-ɖɩ ɛyáa ḿbá. Pʋwayɩ lɛ, ɛla ḿbʋ́ ɖɔɖɔ kpakpasɩ yɔɔ nɛ ɛtayɩ-wɛ nɛ pɔtɔɔ nɛ pe-liu sɩ.

Yohanɛɛsɩ 6:23

Ɛlɛ́, kpɩyɩŋ lɛɛŋ ñaalɩnɩ Tiberiyaadɩ tɛtʋ taa nɛ ɩtalɩ ɖenɖe Kɩpaɣlʋ kasam Ɛsɔ tindine yɔɔ nɛ pɔtɔɔ-ɖɩ yɔ.

Tʋma Labʋ 27:35

Pɔɔlɩ tɛm yɔɔdʋʋ ḿbʋ́ lɛ, ɛkpaɣ tindine nɛ ɛsɛɛ ɖɩ-yɔɔ Ɛsɔ patɩŋa pɛ-ɛsɩndaa nɛ ɛcɩyɩ-ɖɩ nɛ ɛpazɩ tɔɔʋ.

Room 14:6

Weyi ɛmaɣzɩɣ se kɩyakʋ nakʋyʋ kɩlɩ lɛɛŋ yɔ, ɛlakɩ ḿbʋ́ se ɛɖʋ Kɩpaɣlʋ hɩɖɛ. Weyi ɛ́lɛ́ tɔkɩ paa tɔɔnaɣ ŋgá yɔ, ɛcaɣ ɖɔɖɔ se ɛɖʋ Kɩpaɣlʋ hɩɖɛ. Mbʋ́ pʋyɔɔ yɔ, ɛsaŋ Ɛsɔ tɔɔnaɣ ŋgá ɛtɔwaa yɔ kɔ-yɔɔ. Weyi ɛɛtɔkɩ tɔɔnasɩ nasɩyɩ yɔ, ɛlakɩ ḿbʋ́ se ɛɖʋ Kɩpaɣlʋ hɩɖɛ ɖɔɖɔ. Ɛsaŋ ɖɔɖɔ Ɛsɔ tɔɔnaɣ ŋgá ɛtɔwaa yɔ kɔ-yɔɔ.

1 Kɔrɛntɩ 10:30

Yee manpɩzɩɣ se mansa Ɛsɔ mbʋ́ mɔntɔkɩ yɔ pʋ-yɔɔ lɛ, pɩlabɩ ɛzɩma ɛyáa kʋyʋʋ mɔ-yɔɔ mbʋ́ pʋ-yɔɔ mansaŋ-ɩ yɔ?

1 Kɔrɛntɩ 11:24

nɛ ɛsɛɛ ɖɩ-yɔɔ Ɛsɔ lɛ, ɛcɩyɩ-ɖɩ nɛ ɛtɔ se: «Pʋnɛ lɛ mon-tomnaɣ ŋgá paha mɩ-yɔɔ yɔ. Ɩtɔɔ-ɖɩ nɛ ɩtɔzʋʋnɩ mɔ-yɔɔ.»