Luka 9:11 - New Testament

¹¹ Ɛlɛ́, ɛyáa samaɣ nɩɩ nɛ kakʋyɩ katɩŋ pa-wayɩ. Katalaa lɛ, Yesu mʋ-kɛ nɛ eheyi-kɛ Ɛsɔ Kewiyaɣ tɔm nɛ ɛla nɛ mbá pɩɩwɛnɩ-wɛ yɔ pɔ-yɔɔ cɛ.

Luka 9:11 ပူးပေါင်းရင်းမြစ်များ

Maatiyee 12:15

Pɩkɛdaa lɛ, Yesu nɩɩ se pacaɣ pakʋ-ɩ. Pʋ-yɔɔ ɛkʋyɩ peeɖe nɛ etuzi ɛ-tɩ nɛ ɛyáa sakɩyɛ tɩŋ ɛ-wayɩ nɛ ɛla nɛ kʋdɔndɩnaa tɩŋa yɔɔ cɛ.

Maatiyee 14:14

Yesu lɩ kpɩyʋʋ taa nɛ ɛna ɛyáa pɩtɩɩfɛyɩ ḿbʋ́ lɛ, pɔ-tɔm labɩ-ɩ pʋtɔdɩyɛ nɛ ɛla nɛ kʋdɔndɩnaa mbá powonaa yɔ, pɔ-yɔɔ cɛ.

Maatiyee 21:31

Peeɖe Yesu pɔzɩ-wɛ se: «Sɩ-naalɛ sɩ-taa lɛ, ŋgá kalabɩ mbʋ́ ka-caa liu wɛɛ yɔ?» Pocosi-i se: «Kajalaɣ ñɩŋga.» Ɛlɛ́, eheyi-wɛ se: «Toovenim lɛ, mankaɖɩɣ-mɩ se tikee mʋyaa nɛ halaa mbá pɛpɛdɩɣ pa-tɩ yɔ, pɛlɛyɩɣ-mɩ sʋʋ Ɛsɔ Kewiyaɣ taa.

Maatiyee 21:43

[Yee pɩcɩbɩ nɔɔyʋ nɛ ɛtɔlɩ pɩyɛ ńɖɩ́ ɖɩ-yɔɔ yɔ, ɛmɩzɩɣ kpɛdɛɛɛ. Yee pɩcɩbɩ nɔɔyʋ nɛ ɖɩtɔlɩ ɛ-yɔɔ yɔ, ɖɩnaŋɩɣ-ɩ naŋa naŋa.]» Pʋ-yɔɔ meheyiɣ-mɩ se: mbá mɩ pɩɩwɛɛ se ɩkɛ Ɛsɔ Kewiyaɣ taa ñɩma yɔ, ɩɩtasɩɣ kɛʋ. Ɛlɛ́, mbá palakɩ mbʋ́ Ɛsɔ liu wɛɛ yɔ, ḿbá kɛɣnɩnɩ ka-taa ñɩma.

Luka 1:53

Ɛha kʋñɔndɩnaa ñɩm sakɩyɛ nɛ piyele ɛɖɔɔnɩ ñɩm tɩnaa nɛ pɛɖɛɛ nesi kpɛɖɛ yeɣ yeɣ.

Luka 5:31

Yesu cosi-wɛ se: «Pɩtɛkɛ alaafɩya tɩnaa pʋpɔzʋʋ se powolo fɛɖaa tɛ, kʋdɔndɩnaa pʋpɔzʋʋ se powolo.

Luka 8:1

Pʋwayɩ lɛ, Yesu cɔɔ tɛtʋ sɔsɔtʋ nɛ cikpetu pa-taa nɛ esusuu Ɛsɔ Kewiyaɣ Laŋhɛzɩyɛ Tɔm. Alɩwaatʋ ńdʋ́ lɛ, ɛ-tɔmkpɛlɩkɩyaa hiu nɛ naalɛ

Luka 8:10

Peeɖe ecosi-wɛ se: «Ɛsɔ Kewiyaɣ tɔm wɛ mɛsaɣ tɛɛ. Ɛlɛ́ mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ. Piyele lɛlaa yɔ, panɩɣ-tʋ lɛ, tɩkɛnɩ-wɛ aduwa. Pɩlakɩ ḿbʋ́ se: ‹Pɔcɔnɩ camɩyɛ, ɛlɛ́, pataana nɛ pewelesi camɩyɛ, ɛlɛ́, pataanɩɩ pʋ-tɔbʋʋ.› »

Luka 9:10

Pʋwayɩ lɛ, Yesu tiyiyaa pɩsɩ ɛ-cɔlɔ nɛ pɛkɛdɩ-ɩ mbʋ́ palaba yɔ pɩtɩŋa. Ɛlɛ́, ɛ nɛ wɛ powolo pacaɣ ɖoli nɔɔyʋ pe-ɖeke tɛtʋ ndʋ́ payaɣ se Bɛtsayɩda yɔ tɩ-cɔlɔ.

Luka 9:12

Wɩsɩ caɣaɣ kpem lɛ, ɛ-tɔmkpɛlɩkɩyaa hiu nɛ naalɛ ḿbá powolo ɛ-cɔlɔ nɛ peheyi-i se: «Heyi ɛyáa samaɣ se kowolo tɛtʋ cikpetu taa nɛ ɖɩsɩ nzɩ́ sɩmalɩnɩ cɩnɛ yɔ sɩ-taa nɛ pehiɣ ɖɩsʋyɛ nɛ tɔɔnaɣ. Mbʋ́ pʋyɔɔ yɔ, ɖɩwɛ ñɩtʋ taa.»

Luka 9:2

Pʋwayɩ lɛ, etiyi-wɛ se powolo posusi Ɛsɔ Kewiyaɣ tɔm nɛ pala nɛ kʋdɔndɩnaa yɔɔ cɛ.

Yohanɛɛsɩ 4:34

Ɛlɛ́, Yesu heyi-wɛ se: «Mɔn-tɔɔnaɣ lɛ se mala mbʋ́ weyi etiyi-m yɔ e-liu wɛɛ yɔ nɛ mala tʋmɩyɛ nɖɩ́ ɛɖʋ-m yɔ nɛ mɛntɛm-ɖɩ.»

Yohanɛɛsɩ 6:37

Ɛyáa mbá patɩŋa man-Caa cɛlɩɣ-m yɔ, pɔkɔŋ mɔn-cɔlɔ, maakiziɣ pa-taa nɔɔyʋ kaʋ.

Tʋma Labʋ 28:31

Esusaɣ Ɛsɔ Kewiyaɣ tɔm nɛ ɛwɩlɩɣ ɛyáa Kɩpaɣlʋ Yesu Krɩstʋ tɔm kaalɛyɩtʋ yem fɛɛɛ.

Room 10:14

Ɛlɛ́, ɛzɩma papɩzɩɣ payaa-ɩ se ɛsɩnɩ-wɛ nɛ pɛfɛyɩnɩ lidaʋ ɛ-yɔɔ? Ɛzɩma papɩzɩɣ pɛwɛnɩ lidaʋ ɛ-yɔɔ nɛ patanɩɩ ɛ-tɔm nɔɔyʋ cɔlɔ? Ɛzɩma papɩzɩɣ panɩɩ ɛ-tɔm nɛ nɔɔyʋ tosusi-tʋ?

Room 10:17

Pʋ-yɔɔ lɛ, lidaʋ lɩɣnɩ tɔm ndʋ́ ɛyʋ welesiɣ yɔ tɩ-cɔlɔ. Tɔm ndʋ́ ewelesiɣ yɔ lɛ Krɩstʋ tɔm ndʋ́ posusuu yɔ.

Room 15:3

Mbʋ́ pʋyɔɔ yɔ, Krɩstʋ tanɩɩnɩ mbʋ́ pɩkɛdɩnɩ ɛ-maɣmaɣ yɔ. Ɛlɛ́, pɩtalɩ-ɩ e-wezuu caɣʋ taa ɛzɩ pamaʋ Ɛsɔtɔm Takayaɣ taa se: «Tʋtʋ ndʋ́ patʋ ña Ɛsɔ yɔ, tɩpɩsɩ mɔ-yɔɔ» yɔ.

2 Timootee 4:2

paa nʋmɔʋ ɛwɛɛ yaa kɩfɛyɩ yɔ, susi ɛyáa Ɛsɔtɔm nɛ ŋñɩɣ tɩ-yɔɔ niye nɛ ŋla nɛ petisi-tʋ nɛ ŋkalɩ-wɛ nɛ ŋsazɩ-wɛ nɛ ŋɖɔkɩ ñɔ-hɔyɛ tam ña-wɩlʋʋ taa.

Ebree 4:16

Pʋ-yɔɔ lɛ, pʋwɛɛ se ɖɩñɔtɩnɩ Ɛsɔ kewiyaɣ kpelaɣ kaalɛyɩtʋ, kɔ-cɔlɔ lootiye wɛɛ. Đɩlabɩ ḿbʋ́ yɔ, ɛnaɣ ɖa-pʋtɔdɩyɛ nɛ ɛlabɩ-ɖʋ lootiye nɛ ɛsɩnɩ-ɖʋ alɩwaatʋ ndʋ́ pʋpɔzʋʋ yɔ.