Luka 9:1 - New Testament

¹ Nakʋyʋ wiye Yesu kpeɣli ɛ-tɔmkpɛlɩkɩyaa hiu nɛ naalɛ nɛ ɛha-wɛ ɖoŋ nɛ abalɩtʋ se pɔɖɔɔnɩnɩ aleewaa tɩŋa nɛ pala nɛ kʋdɔndɩnaa yɔɔ cɛ.

Luka 9:1 ပူးပေါင်းရင်းမြစ်များ

Maatiyee 16:19

Mɔnkɔŋ-ŋ cɛlʋʋ Ɛsɔ Kewiyaɣ nɔnɔɔ ñɩma: mbʋ́ ŋkiziɣ se pataala tataa cɩnɛ yɔ, Ɛsɔ kiziɣ se pataalabɩ-pʋ ɖɔɖɔ, nɛ mbʋ́ ŋtisiɣ se pala tataa cɩnɛ yɔ, etisiɣ se palabɩ-pʋ ɖɔɖɔ.»

Maatiyee 4:24

Peeɖe ɛ-hɩɖɛ sɛ Siirii ɛjaɖɛ tɩŋa taa. Pʋ-yɔɔ pakpakaɣ mbá pɛwɛnɩ kʋdɔmɩŋ ndɩ ndɩ yɔ patɩŋa nɛ mbá pʋcɔzʋʋ-wɛ yɔ: eliikenaa nɛ abom tɔlɩyaa nɛ kalɩkalasɩ nɛ powokini ɛ-cɔlɔ nɛ ɛlakɩ nɛ pɔ-yɔɔ cɛkɩ.

Maatiyee 8:9

Ma lɛ, ma-ñʋʋ yɔɔ ñɩma wɛɛ nɛ mañaŋ-wɛ. Ɛlɛ́, mɛn-tɛɛ ñɩma wɛɛ ɖɔɖɔ. Meheyi pa-taa nɔɔyʋ se ewolo peeɖe yɔ yɔ, ewoki. Maya lɛlʋ se ɛkɔɔ yɔ, ɛkɔŋ ɖɔɖɔ. Meheyi man-tʋmlaɖʋ se ɛla nabʋyʋ yɔ, ɛ́lɛ́ ñalakɩ-pʋ ɖɔɖɔ.»

Luka 10:1

Pʋwayɩ lɛ, Kɩpaɣlʋ tasɩ lɩzʋʋ ɛ-tɔmkpɛlɩkɩyaa taa ɛyáa nɩɩnʋwa nɛ nɩɩlɛ nɛ naalɛ nɛ etiyi-wɛ naalɛ naalɛ se pɛɖɛɛ-ɩ nɔɔ nɛ powolo tɛtʋ ndɩ ndɩ nɛ hɔɔlɩŋ weyi ɩ-taa ɛɖʋwa se ewoki yɔ pa-taa.

Luka 10:19

Iwelesi nɛ ɩnɩɩ, maha-mɩ ɖoŋ se ɩɖɔ ɖʋmaa nɛ pɩcasɩ pɔ-yɔɔ nɛ ɩwa Kañadʋ ɖoŋ tɩŋa payɩ. Pʋyʋ nɔɔyʋ ɛɛlakɩ-mɩ.

Yohanɛɛsɩ 14:12

Toovenim lɛ, mankaɖɩɣ-mɩ se: weyi ɛtaɣ-m liu yɔ, ɛlakɩ ɖɔɖɔ tʋma wena malakɩ yɔ. Halɩ ɛlakɩ nɛ pɩkɩlɩ ḿbʋ́, mbʋ́ pʋyɔɔ yɔ, mowoki mɛwɛɛ man-Caa cɔlɔ.

Tʋma Labʋ 1:8

Ɛlɛ́, alɩwaatʋ ndʋ́ Fezuu Kiɖeɖeu tiki mɩ-yɔɔ yɔ, ihikiɣ ɖoŋ nɛ ɩkɛ ma-aseɣɖe tɩnaa Yeruusalɛm tɛtʋ taa nɛ Yudee nɛ Samaarɩɩ pa-ageeta taa nɛ kedeŋa kpeekpe yɔɔ.»

Tʋma Labʋ 3:16

Yesu ɛnʋ, e-ɖoŋ nɛ ɛ-yɔɔ lidaʋ wɛnaʋ peyebina nɛ abalʋ weyi ɩsɩm-ɩ nɛ ɩnaɣ-ɩ yɔ, ɛkpa ɖoŋ. Lidaʋ ŋgʋ́ ɛwɛnɩ Yesu yɔɔ yɔ kiyebina nɛ ɛ-yɔɔ cɛ camɩyɛ ɛzɩ mɩtɩŋa ɩnaɣʋ-ɩ ɛzʋnɔ yɔ.

Tʋma Labʋ 4:30

Wɩlɩ ño-ɖoŋ nɛ ŋla hama lakasɩ nɛ ŋwɩlɩ kawɩlɩsɩ nɛ kʋdɔndɩnaa yɔɔ cɛ. La ḿbʋ́ nɛ ña-tʋmlaɖʋ Yesu nɔɔ.»

Tʋma Labʋ 9:34

Ɛlɛ́, eheyi-i se: «Enee! Yesu Krɩstʋ yeki nɛ ña-kʋdɔŋ cɛ, kʋyɩ ŋkpiyi ña-ñalʋʋ.» Kpaagbaa ḿbʋ́ lɛ, Enee kʋyɩ.