Luka 8:42 - New Testament

⁴² Mbʋ́ pʋyɔɔ yɔ, ɛ-pɩɣa peliɣa caɣ sɩbʋ. Ŋgʋ́, ke-ɖeke koŋ ɛwɛna. Kɛwɛnɩ ɛzɩ pɩnzɩ hiu nɛ naalɛ yɔ. Yesu kʋyaa se ewoki lɛ, ɛyáa samaɣ ñɩkɩɣ-ɩ cenje.

Luka 8:42 ပူးပေါင်းရင်းမြစ်များ

Maarkɩ 5:24

Peeɖe ɛ nɛ Yesu pakpaɣ nʋmɔʋ se powoki ɛ-tɛ. Pɛɖɛɣaɣ lɛ, ɛyáa sakɩyɛ tɩŋɩɣ pa-wayɩ nɛ pañɩkɩɣ ɖama nɛ pɛkpɛndɩɣnɩ Yesu.

Luka 7:12

Pɔñɔtɩnɩ-tʋ lɛ, pakatɩ ɛyáa samaɣ nakɛyɛ, kowokaɣnɩ sɩɖʋ nɔɔyʋ pim, ɛɛkɛ lelu nɔɔyʋ pɩɣa ɛgbamɩyɛ.

Luka 8:41

Pɩkɛdaa lɛ, Ɛsɔ ɖɩsɛyɛ naɖɩyɛ taa ñʋʋdʋ sɔsɔ weyi payaɣ se Yayiruusi yɔ, ɛtalɩ eluŋ Yesu tɛɛ nɛ ewini-i se ewolo ɛ-tɛ.

Luka 8:43

Halʋ nɔɔyʋ kɛwɛ pa-taa peeɖe ɖɔɖɔ. Calɩm kɛwɛɛ pikpeŋni-i nɛ pɩcɛyɩɣ-ɩ pɩŋŋ pɩnzɩ hiu nɛ naalɛ yɔ. Halʋ ɛnʋ, e-liidiye tɩŋa tɛmnɩ fɛɖaa tɛ. Ɛlɛ́, nɔɔyʋ tapɩzɩ ɛla nɛ ɛ-yɔɔ cɛ.

Luka 8:45

Ɛlɛ́, Yesu pɔzɩ ɛyáa se: «Atukuni-m?» Patɩŋa pɛkpɛzɩ se patana nɛ Pɩyɛ pɔzɩ-ɩ se: «Wɩlɩyʋ! Ɛyáa samaɣ ñɩkɩɣ-ŋ nɛ ŋtasɩɣ pɔzʋʋ se atukuni-ŋ?»

Room 5:12

Ɛyʋ kʋɖʋm koŋ yɔɔ pɩtɩŋnaa nɛ kɩwɛɛkɩm sʋʋ kedeŋa taa: ɛnʋ lɛ Aɖam. Sɩm ñatɩŋnɩ kɩwɛɛkɩm yɔɔ nɛ pʋbʋ ñasʋʋ ɖɔɖɔ nɛ pʋkʋʋ ɛyáa tɩŋa, mbʋ́ pʋyɔɔ yɔ, patɩŋa payɩ palabɩ kɩwɛɛkɩm.