Luka 8:2 - New Testament

² nɛ halaa mbá ɛɛlɩzɩ-wɛ aleewaa nesi taa nɛ ɛla nɛ pa-kʋdɔmɩŋ cɛ yɔ pasɩɣaɣ-ɩ. Halaa ḿbá yɔ: Maarɩɩ weyi payaɣ se Magdala tʋ nɛ ɛɛɖɔɔnɩ aleewaa lʋbɛ ɛ-wayɩ yɔ

Luka 8:2 ပူးပေါင်းရင်းမြစ်များ

Maatiyee 4:24

Peeɖe ɛ-hɩɖɛ sɛ Siirii ɛjaɖɛ tɩŋa taa. Pʋ-yɔɔ pakpakaɣ mbá pɛwɛnɩ kʋdɔmɩŋ ndɩ ndɩ yɔ patɩŋa nɛ mbá pʋcɔzʋʋ-wɛ yɔ: eliikenaa nɛ abom tɔlɩyaa nɛ kalɩkalasɩ nɛ powokini ɛ-cɔlɔ nɛ ɛlakɩ nɛ pɔ-yɔɔ cɛkɩ.

Maarkɩ 16:1

Kɩyakʋ kɩhɛzʋʋ ɖɛwa lɛ, Yoosi nɛ Yakubu po-ɖoo Maarɩɩ nɛ Magdala Maarɩɩ nɛ Saloomee powolo paya kɔyɛ sɔzɩŋ ñɩnɖɛ se powoni pataa Yesu yɔɔ.

Maarkɩ 16:9

Kujuka ŋgá ke-wiye tanaŋ cu Yesu fema yɔ, ɛlɩzɩ ɛ-tɩ nɛ ɛcalɩ wɩlʋʋ Magdala Maarɩɩ weyi ɛ-wayɩ ɛɛɖɔɔnɩ aleewaa lʋbɛ yɔ.

Luka 23:27

Ɛyáa samaɣ tɩŋaɣ ɛ-wayɩ pɩtɩɩfɛyɩ. Halaa mbá paawɛ ka-taa yɔ, pakʋwaɣ pa-tɩ nɛ wiluu nɛ patɩmɩɣ ɛ-yɔɔ.

Luka 23:49

Ɛlɛ́, Yesu ɛgbaɣdɩnaa tɩŋa nɛ halaa mbá patɩŋ-ɩ nɛ ɖooo Galilee yɔ, paba ñaasɩŋ poliŋ nɛ pɔcɔŋnɩ mbʋ́ pɩlakaɣ yɔ.

Luka 23:55

Halaa mbá paatɩŋ Yesu nɛ ɖooo Galilee yɔ, patɩŋ Yozɛɛfʋ nɛ powolo pana pɩlaʋ nɛ ɛzɩma mbʋ́ pɛhɛzɩ Yesu yɔ.

Luka 8:30

Peeɖe Yesu pɔzɩ abalʋ ɛnʋ se: «Payaɣ-ŋ se we?» Ecosi se payaɣ-m se: «You Laɖaa Tikaɣ.» Toovenim taa lɛ, aleewaa sakɩyɛ kɛwɛnɩ ɛ-wayɩ.

Yohanɛɛsɩ 19:25

Yesu ɖoo nɛ e-ɖoo neu halʋ ñɩnʋ nɛ Kloopaasɩ halʋ Maarɩɩ nɛ Magdala Maarɩɩ paasɩŋ ɛ-kaamaŋkaɣ cɔlɔ.

Tʋma Labʋ 1:14

nɛ Yesu ɖoo Maarɩɩ nɛ halaa nabɛyɛ nɛ Yesu newaa abalaa ñɩma patɩŋa payɩ paalabɩ nɔɔ kʋɖʋmaɣ nɛ pekpeɣliɣ tam nɛ pɛsɛɣ Ɛsɔ.