Luka 8:18 - New Testament

¹⁸ Pʋ-yɔɔ lɛ, ɩɖɔkɩ mɩ-tɩ camɩyɛ nɛ ɛzɩma mbʋ́ ɩnɩɣ Ɛsɔtɔm yɔ. Mbʋ́ pʋyɔɔ yɔ, pʋwɛ ɛzɩ pɔtɔŋʋʋ se: «Weyi ɛwɛna, pɔsɔzɩ-ɩ nɛ weyi ɛ́lɛ́ fɛyɩna yɔ, halɩ pɛtɛzɩɣ lɛɣʋ mbʋ́ ɛmaɣzɩɣ se ɛwɛna yɔ.»

Luka 8:18 ပူးပေါင်းရင်းမြစ်များ

Maatiyee 13:12

Mbʋ́ pʋyɔɔ yɔ, pʋwɛ ɛzɩ pɔtɔŋʋʋ se: ‹Weyi ɛwɛna yɔ, pɔsɔzʋʋ-ɩ nɛ pʋɖɔɔ-ɩ nɛ weyi ɛ́lɛ́ fɛyɩna yɔ, halɩ pɛtɛzɩɣ lɛɣʋ mbʋ́ ɛmaɣzɩɣ se ɛwɛna yɔ.›

Maatiyee 25:29

Mbʋ́ pʋyɔɔ yɔ, weyi ɛwɛna pʋɖɔɔ yɔ, pɔsɔzʋʋ-ɩ nɛ puhuuni-i. Ɛlɛ́, weyi ɛ́lɛ́ fɛyɩnɩ pʋyʋ yɔ, halɩ pɛtɛzɩɣ lɛɣʋ mbʋ́ ɛmaɣzɩɣ se ɛwɛna yɔ.

Maarkɩ 13:14

Pʋwayɩ lɛ, Yesu tasɩ-wɛ heyuu se: «Alɩwaatʋ natʋyʋ ɩkɔŋ naʋ tɛyɔkɩyʋ weyi ɛtatʋʋzɩ Ɛsɔ ɛsɩndaa kpem yɔ, ɛsɩŋ ɖenɖe pɩtamʋnɩ se ɛsɩŋ yɔ. Weyi ɛkalɩɣ tɔm ńdʋ́ yɔ, pʋwɛɛ se ɛmaɣzɩ nɛ ɛnɩɩ tɩ-tɔbʋʋ camɩyɛ. Alɩwaatʋ ńdʋ́ tɩtalaa lɛ, mbá pɛwɛ Yudee egeetiye taa yɔ, pese pakpanɩ pʋŋ taa.

Luka 19:26

Peeɖe wiyaʋ ɛnʋ ecosi-wɛ se: ‹Meheyiɣ-mɩ se weyi ɛwɛna yɔ, pɔsɔzʋʋ-ɩ nɛ pʋɖɔɔ-ɩ. Ɛlɛ́, weyi ɛ́lɛ́ fɛyɩnɩ pʋyʋ yɔ, halɩ pɛtɛzɩɣ lɛɣʋ mbʋ́ ɛmaɣzɩɣ se ɛwɛna yɔ.

Luka 9:44

«Ɩɖɔkɩ tɔm ndʋ́ meheyiɣ-mɩ lɛɛlɛɛyɔ yɔ camɩyɛ. Pɔkɔŋ Ɛyʋ Pɩyalʋ kpaʋ nɛ paɖʋzɩ ɛyáa nesi taa.»

Yohanɛɛsɩ 15:2

Ɛsɛtɩɣ pilinzi nzɩ́ sɩwɛ mɔ-yɔɔ nɛ sɩɩlʋlʋʋ yɔ nɛ piyele ɛñɔɔzɩ nzɩ́ sɩlʋlʋʋ yɔ camɩyɛ nɛ sɩtɛzɩ lʋlʋʋ.

Tʋma Labʋ 10:33

Kpaagbaa ḿbʋ́ lɛ, mankʋsɩ ɛyáa se pɔkɔɔ paya-ŋ. Pɩlabɩ-m leleŋ se ŋkɔma. Lɛɛlɛɛyɔ, ɖatɩŋa ɖɩwɛ cɩnɛ Ɛsɔ ɛsɩndaa nɛ ɖiwelesiɣ se ɖɩnɩɩ ndʋ́ ɛnʋ Kɩpaɣlʋ etiyi-ŋ se ŋkɔɔ ŋheyi-ɖʋ yɔ.»

Tʋma Labʋ 17:11

Peeɖe Yuda ñɩma lɩmaɣza kɛwɛ ɖeu nɛ pɩkɩlɩ Tesalooniki ñɩma, mbʋ́ pʋyɔɔ yɔ, paatisi Ɛsɔtɔm nɛ pa-laŋɩyɛ tɩŋa pilim. Paa ɖooye pañɩnaɣ Ɛsɔtɔm Takayaɣ taa se pana se tɔm ndʋ́ Pɔɔlɩ yɔɔdʋʋ yɔ, tɩkɛ toovenim na.

Room 12:3

Lootiye nɖɩ́ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ́, ɛwɛnɩ lɩmaɣza wena amaɣnaa yɔ. Paa weyi ɛsɩɩnɩ lidaʋ ŋgʋ́ Ɛsɔ ha-ɩ yɔ kɩ-kámaɣ́ yɔɔ.

1 Kɔrɛntɩ 14:37

Yee mɩ-taa nɔɔyʋ ɛmaɣzɩɣ se ɛkɛ náyʋ yaa ɛwɛnɩ Fezuu Kiɖeɖeu kʋjɔʋ yɔ, pʋwɛɛ se ɛtɩlɩ se ndʋ́ mama-mɩ lɛɛlɛɛyɔ yɔ, tɩkɛ Kɩpaɣlʋ paɣtʋ.

1 Kɔrɛntɩ 3:18

Nɔɔyʋ ɛtaacɛtɩ ɛ-tɩ yem. Yee mɩ-taa nɔɔyʋ ɛmaɣzɩɣ se ɛwɛnɩ kedeŋa lɔŋsɩnɖɛ yɔ, pʋdʋ ɛpɩsɩ ɛzɩ kɩmɛlɛŋ yɔ. Peeɖe ɛkɛɣ lɔŋsɩnɖʋ toovenim taa.

1 Kɔrɛntɩ 8:2

Weyi ɛmaɣzɩɣ se ɛsɩm nabʋyʋ yɔ, ɛtasɩmda nɛ pɩtalɩ ɛzɩ pʋpɔzʋʋ se ɛtɩlɩ yɔ.

Filiipu 3:4

Ŋgʋ́, ma ɖɔɖɔ manpɩzaɣ se mantaa ma-maɣmaɣ man-tɩ. Yee nabɛyɛ ɛmaɣzɩɣ se papɩzɩɣ pataa pa-maɣmaɣ pa-tɩ liu yɔ, mɛwɛnɩ waɖɛ nɛ pɩkɩlɩ-wɛ.

Ebree 2:1

Pʋyɔɔ pʋwɛɛ se ɖɛ-ɛsɩyɛ ɛsɛɛnɩ tɔm ndʋ́ ɖɩnɩwa yɔ nɛ pɩkɩlɩ ɛzɩ pɩtɩɩ yɔ nɛ ɖɩtaakɔɔ ɖile nʋmɔʋ.