Luka 8:13 - New Testament

¹³ Mbá paba wɛ ɛzɩ ɛwaɣ ŋgá kɔ-yɔɔ pee tɔlaa yɔ, panɩɣ-tʋ lɛ, petisi kpaagbaa nɛ laŋhʋlʋmɩyɛ. Ɛlɛ́, paayeki se tɩlabɩ-wɛ tʋmɩyɛ camɩyɛ. Pɛwɛɣnɩ lidaʋ tɩ-yɔɔ alɩwaatʋ pazɩ nɛ pʋkɔɔ pɩtakɩɣ-wɛ lɛ, pɔlɔ-kʋ.

Luka 8:13 ပူးပေါင်းရင်းမြစ်များ

Maarkɩ 6:20

Wiyaʋ Eroodi seɣaɣ Yohanɛɛsɩ nɛ ɛɖaŋɩɣ ɛ-yɔɔ. Mbʋ́ pʋyɔɔ yɔ, ɛsɩm-ɩ se ɛkɛ Ɛsɔ ñɩnʋ weyi ɛtʋʋzaa yɔ. Ɛyɔɔdʋʋ tɔm nɛ Eroodi nɩɣ lɛ, pɩcɛyɩɣ-ɩ. Ŋgʋ́, e-liu kɛwɛɛ se ewelesini-i siŋŋ.

Luka 8:12

Ɛyáa nabɛyɛ wɛɛ, panɩɣ Ɛsɔtɔm ńdʋ́ lɛ, Satanɩ tɩŋ ɛhɔɔzɩ-tʋ pa-taa se pataakɔɔ petisi nɛ pehiɣ ñʋʋ yabʋ. Ḿbá wɛnɩ ɛzɩ nʋmɔʋ nɔɔ ɖenɖe pee tɔlaa yɔ.

Luka 8:14

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, lɩmaɣza wena akʋʋ ɛyáa yɔ nɛ ñɩm nɛ kedeŋa yɔɔ wondu sɔɔlʋʋ paɖɩɣ-wɛ nʋmɔʋ nɛ paawɛɣnɩ kɛzɛɣa.

Yohanɛɛsɩ 15:2

Ɛsɛtɩɣ pilinzi nzɩ́ sɩwɛ mɔ-yɔɔ nɛ sɩɩlʋlʋʋ yɔ nɛ piyele ɛñɔɔzɩ nzɩ́ sɩlʋlʋʋ yɔ camɩyɛ nɛ sɩtɛzɩ lʋlʋʋ.

Yohanɛɛsɩ 15:6

Weyi ɛtɛkpɛndɩ mɔ-yɔɔ tam yɔ, pɔlɔ-ɩ nɛ awayɩ ɛzɩ piliŋa yɔ nɛ ɛwɩlɩ. Pilinzi nzɩ́ sɩwɩlaa yɔ, pɔtɔzʋʋ-sɩ nɛ paɖʋ miŋ taa nɛ sɩñaɣ.

Yohanɛɛsɩ 5:35

Yohanɛɛsɩ lɛ, ɛ́lɛ́ ñaawɛ ɛzɩ kanɖʋ ŋgʋ́ pɔsɔba nɛ kɩ-ñalɩmɩyɛ ñalɩ mɩ-yɔɔ yɔ. Pʋ-yɔɔ mɩ-laŋa hʋlʋmɩnɩ ñalɩmɩyɛ ńɖɩ́ alɩwaatʋ pazɩ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

1 Kɔrɛntɩ 15:2

Yee ɩɖɔkɩ-tʋ ḿbʋ́ camɩyɛ kpam ɛzɩ monsusuu-mɩ-tʋ yɔ yɔ, tɩyakɩ mɩ-ñʋʋ. Pɩtɛkɛ ḿbʋ́, lidaʋ ŋgʋ́ ɩɩwɛnɩ alɩwaatʋ ndʋ́ monsusi-mɩ-tʋ yɔ, kɩɩwazɩɣ-mɩ pʋyʋ.

Galaatɩ 3:1

Galaatɩ ñɩma kɩmɛlɛmɩŋ mɩ! Ahɔkɩ-mɩ fadɩŋ nɛ ɩwɛɛ ḿbʋ́? Ŋgʋ́, palɩzɩ-mɩ mbʋ́ pʋ-yɔɔ Yesu Krɩstʋ sɩbɩ kaamaŋkaɣ yɔɔ yɔ pʋ-tɔm taa kpayɩ kpayɩ.

Galaatɩ 3:4

Ɩmaɣzɩɣ se ɩtɔɔ kʋñɔmɩŋ ɩnʋ falaa yaa we? Pɩɩpɩzɩɣ pɩla ḿbʋ́.

Efɛɛzɩ 3:17

Ḿbʋ́ yekina nɛ pɩtɩŋnɩ lidaʋ ŋgʋ́ ɩwɛna yɔ kʋ-yɔɔ nɛ Krɩstʋ wɛɛ mɩ-laŋa taa nɛ ɩtɛzɩ pɩʋ sɔɔlɩm taa siŋŋ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Koloosi 2:7

Ɩka lila ɛ-yɔɔ nɛ ɩpaɣlɩ nɛ ɩtɛzɩ pɩʋ mi-lidaʋ wɛnaʋ taa ɛzɩ pawɩlʋʋ-mɩ yɔ. Đɔɖɔ lɛ, ɩsam-ɩ siŋŋ.

1 Tesalooniki 3:5

Me-liu wɛ ḿbʋ́ kpem nɛ pɩɩsaŋ lɛ, mɛntɛzɩ tiyuu Timootee se ɛkɔɔ nɛ mana se ɩwɛnɩ lidaʋ mbʋ́? Mbʋ́ pʋyɔɔ yɔ, sɔɔndʋ kpaɣaɣ-m se takɩyʋ ɛtaakɔɔ ɛtakɩ-mɩ nɛ tʋmɩyɛ nɖɩ́ ɖɩlaba yɔ, ɖɩpɩsɩ falaa ñɩnɖɛ.

1 Timootee 1:19

nɛ ŋwɛnɩ lidaʋ Ɛsɔ yɔɔ ḿbʋ́ nɛ ña-lɩmaɣza caɣ a-ɖeɖe. Nabɛyɛ lɩmaɣza taacaɣ a-ɖeɖe nɛ pa-laŋa wɛɛ kpɩzɩŋ nɛ lidaʋ ŋgʋ́ paawɛna yɔ kɩla asayʋʋ.

Ebree 10:39

Đa lɛ, ɖɩfɛyɩ mbá papɩsɩɣnɩ pa-tɩ nɛ wayɩ se pele yɔ pa-taa. Ɛlɛ́, ɖɩwɛnɩ lidaʋ Ɛsɔ yɔɔ se ɖa-ciyamnaa ehiɣ ñʋʋ yabʋ.

Yakubu 2:26

Toovenim lɛ, ɛzɩma mbʋ́ ɛyʋ ɛfɛyɩnɩ fezuu, ɛsɩba yɔ, ḿbʋ́ ɖɔɖɔ yee nɔɔyʋ ɛwɛnɩ lidaʋ Ɛsɔ yɔɔ nɛ ɛɛlakɩ lakasɩ kɩbanzɩ yɔ, e-lidaʋ ŋ́gʋ́ kɩsɩba.

2 Pɩyɛ 2:20

Đa-Kɩpaɣlʋ Yesu Krɩstʋ lɛ ɖa-ñʋʋ yaɖʋ. Toovenim lɛ, yee ɛyáa ɩsɩm-ɩ nɛ peyele kedeŋa yɔɔ cɩnɛ ɛzaɣ́tʋ lakasɩ nɛ pɛtɛ paɖaɣnɩ pɩsʋʋ sɩ-taa nɛ sɩwabɩ-wɛ yɔ, pɛwɛɣ pʋtɔdɩyɛ kpem nɛ pɩkɩlɩ paawɛʋ kajalaɣ taa yɔ.

2 Pɩyɛ 2:22

Mbʋ́ pɩlabɩ-wɛ yɔ, pɩwɩlɩɣ se eduuye nɖɩ́ potuwaa se: «Haɣ pɩsaa kɔtɔkɩ kɔ-tɔtʋ» nɛ lɛɛɖɛ nɖɩ́ potuwaa ɖɔɖɔ se: «Patɩtɛm afa lɩm sɔʋ lɛ, ɛɖaɣnɩ pɩsʋʋ ɛsʋzɩ ɛ-tɩ ahɔya taa» yɔ, akɛ toovenim.

1 Yohanɛɛsɩ 2:19

Pɩtɛ ɛyáa ḿbá, ɖɛ-hɛkʋ taa palɩnaa, ɛlɛ́, pataakɛ ɖa-ñɩma siŋŋ. Toovenim lɛ, yee paakɛ ɖa-ñɩma yɔ, paawɛ ɖɛ-hɛkʋ taa. Pɩlabɩ ḿbʋ́ se ɛyáa ɛna se patɩŋa pataakɛ ɖa-ñɩma siŋŋ.

Yuudi 1:12

Ɛyáa ḿbá, alɩwaatʋ ndʋ́ ikpeɣliɣ ɖama nɛ ɩkpɛndɩɣ ɩtɔkɩ tɔɔnaɣ se pɩwɩlɩ se ɩsɔɔlɩ ɖama yɔ, pa-lakasɩ kpaɣ-mɩ fɛyɛ. Mbʋ́ pʋyɔɔ yɔ, pɛɖɛlɛsɩɣ niye alɩwaatʋ ndʋ́ pɔtɔkɩ kazandʋ yɔ, fɛyɛ ɛɛkpaɣ-wɛ. Pamaɣzɩɣ pa-maɣmaɣ pa-tɩ yɔɔ ɖeke. Pɛwɛ ɛzɩ mɩndʋ ndʋ́ heɣlim kpakɩɣ nɛ tiiyeki se tɛʋ ɛnɩɩ yɔ. Pɛwɛ ɖɔɖɔ ɛzɩ tɩŋ weyi ɩɩlʋlʋʋ pee nɛ halɩ pɩkpɛndɩnɩ ɩ-lʋlʋʋ alɩwaatʋ yɔ. Pɛwɛ ɛzɩ tɩŋ weyi ɩwɩlaa nɛ pɛkpɛzɩ-ɩ yɔ.