Luka 7:34 - New Testament

³⁴ Piyele Ɛyʋ Pɩyalʋ ñɔkɔma nɛ ɛtɔkɩ nɛ ɛñɔʋ lɛ, ɩɖaɣnɩɣ yɔɔdʋʋ se: ‹Ɩnaɣʋ ɛyʋ ɛnɛ yɔ, tɔkɩyɛ nɛ ñɔtʋ pɔ-yɔɔ ɖeke ɛmaɣzɩɣ. Ɛkɛ ɖɔɖɔ tikee mʋyaa nɛ kɩwɛɛkɩm laɖaa lɛlaa pa-taabalʋ.›

Luka 7:34 ပူးပေါင်းရင်းမြစ်များ

Maatiyee 11:19

Ɛyʋ Pɩyalʋ ñɔkɔma nɛ ɛtɔkɩ nɛ ɛñɔʋ lɛ, ɩɖaɣnɩɣ yɔɔdʋʋ se: ‹Ɩnaɣʋ ɛyʋ ɛnɛ yɔ, tɔkɩyɛ nɛ ñɔtʋ pɔ-yɔɔ ɖeke ɛmaɣzɩɣ. Ɛkɛ ɖɔɖɔ tikee mʋyaa nɛ kɩwɛɛkɩm laɖaa lɛlaa pa-taabalʋ.› Ɛlɛ́, pasɩŋ Ɛsɔ lɔŋsɩnɖɛ nɛ ɛ-lakasɩ kɩbanzɩ.»

Maatiyee 5:46

Yee mbá pɔsɔɔlɩ-mɩ yɔ pe-ɖeke ɩsɔɔlʋʋ lɛ, kɩhɛyʋʋ ŋgʋ́ ɩɖaŋɩɣ Ɛsɔ cɔlɔ yɔ? Halɩ tikee mʋyaa maɣmaɣ ñɔsɔɔlʋʋ mbá pɔsɔɔlɩ-wɛ yɔ.

Maatiyee 9:11

Ŋgʋ́, Farɩsɩ ñɩma nabɛyɛ kana-wɛ ḿbʋ́. Peeɖe pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma nɛ mɩ-caa nɛ tikee mʋyaa nɛ kɩwɛɛkɩm laɖaa lɛlaa pɛkpɛndɩ nɛ pɔtɔkɩ?»

Luka 11:37

Yesu tɛm yɔɔdʋʋ lɛ, Farɩsɩ tʋ nɔɔyʋ yaa-ɩ se ewolo ɛ-tɛ nɛ ɛtɔɔ tɔɔnaɣ. Ewoba lɛ, ɛcaɣ tɔɔnaɣ ɖɩtɔɔyɛ.

Luka 14:1

Kɩyakʋ kɩhɛzʋʋ nakʋyʋ wiye Farɩsɩ ñɩma sɔsɔ nɔɔyʋ ya Yesu ɛ-tɛ se ewolo ɛtɔɔ tɔɔnaɣ nɛ mbá paawɛ peeɖe yɔ, pɛwɛɛ pefeŋiɣ-i.

Luka 15:2

Peeɖe Farɩsɩ ñɩma nɛ paɣtʋ wɩlɩyaa pa-taa wɩnɩ-ɩ nɛ pɔyɔɔdʋʋ pa-taa pe-ɖeke se: «Ɩna ɛzɩma mbʋ́ ɛ nɛ kɩwɛɛkɩm laɖaa pɛkpɛndaa pɔtɔkɩ yɔ!»

Luka 19:7

Mbá patɩŋa pana ḿbʋ́ yɔ, pɩtamaɣ-wɛ nɛ pemidiɣ pa-taa pe-ɖeke se: «Halɩ ɛkʋyaa nɛ ewolo ɛsʋʋ kɩwɛɛkɩm laɖʋ tɛ!»

Luka 5:29

Pʋwayɩ lɛ, Leevi la kazandʋ ɛ-tɛ nɛ ɛ́yáa Yesu nɛ tikee mʋyaa sakɩyɛ nɛ ɛyáa lɛlaa sakɩyɛ nɛ powolo pacaɣ tɔɔnaɣ ɖɩtɔɔyɛ.

Luka 7:33

Ḿbʋ́ pʋwɛɛ: ‹Lɩm Sɔʋ Sɔnzɩ Laɖʋ Yohanɛɛsɩ kɔma, ɛɛtɔkɩ tɔɔnaɣ, ɛɛñɔʋ sʋlʋm. Ɛlɛ́, ɩtɔŋ se ekem aleewaa.›

Luka 7:35

Ɛlɛ́, mbá patɩŋa palakɩ mbʋ́ Ɛsɔ liu wɛɛ yɔ, pa-lakasɩ wɩlɩɣnɩ se Ɛsɔ ɛnʋ, ɛwɛnɩ lɔŋ siŋŋ.»

Luka 7:36

Nakʋyʋ wiye Farɩsɩ tʋ nɔɔyʋ ya Yesu se ewolo ɛ-tɛ nɛ pɔtɔɔ tɔɔnaɣ. Ɛlɛ́, Yesu wolo nɛ ɛcaɣ tɔɔnaɣ ɖɩtɔɔyɛ.

Yohanɛɛsɩ 12:2

Peeɖe palabɩ-ɩ tɔɔnaɣ nɛ Maarta wona. Lazaarɩ kɛwɛ mbá pa nɛ Yesu paacaɣ ɖɩtɔɔyɛ yɔ pa-taa.

Yohanɛɛsɩ 2:2

Paaya Yesu nɛ ɛ-tɔmkpɛlɩkɩyaa kazandʋ ńdʋ́ ti-ɖeɖe.