Luka 7:29 - New Testament

²⁹ Izrɛɛlɩ ɛjaɖɛ taa ɛyáa tɩŋa welesaɣ Yohanɛɛsɩ tɔm, halɩ pɩkpɛndɩnɩ tikee mʋyaa maɣmaɣ. Pʋ-yɔɔ petisaa nɛ palabɩ-wɛ lɩm sɔʋ sɔnzɩ. Palabɩ ḿbʋ́ nɛ pɩwɩlɩ se Ɛsɔ tʋʋzaa.

Luka 7:29 ပူးပေါင်းရင်းမြစ်များ

Maatiyee 5:46

Yee mbá pɔsɔɔlɩ-mɩ yɔ pe-ɖeke ɩsɔɔlʋʋ lɛ, kɩhɛyʋʋ ŋgʋ́ ɩɖaŋɩɣ Ɛsɔ cɔlɔ yɔ? Halɩ tikee mʋyaa maɣmaɣ ñɔsɔɔlʋʋ mbá pɔsɔɔlɩ-wɛ yɔ.

Luka 20:6

Ŋgʋ́, ɖɩtɔm se: ‹Ɛyáa tiyini-i› yɔ, ɛyáa samaɣ tɩŋa yakɩ-ɖʋ pɛɛ nɛ ɖɩsɩ. Mbʋ́ pʋyɔɔ yɔ, kɛtɛm sɩm se Yohanɛɛsɩ kɛkɛ náyʋ.»

Luka 3:12

Pɩkpɛndɩnɩ tikee mʋyaa nɛ powolo ɛ-cɔlɔ se ɛlabɩ-wɛ lɩm sɔʋ sɔnzɩ nɛ pɔpɔzɩ-ɩ se: «Wɩlɩyʋ, ɛbɛ pʋmʋnaa se ɖɩla?»

Luka 7:28

Yesu tasɩ yɔɔdʋʋ se: «Mankaɖɩɣ-mɩ se ɖooo yɔ, patalʋlɩdɩ nɔɔyʋ nɛ ɛkɩlɩ Yohanɛɛsɩ ɛnʋ. Paa ḿbʋ́ yɔ, weyi ɛwɛ Ɛsɔ Kewiyaɣ taa nɛ patakpaɣ-ɩ payaa pʋyʋ yɔ, ɛ́lɛ́ kɩlɩ-ɩ.

Luka 7:35

Ɛlɛ́, mbá patɩŋa palakɩ mbʋ́ Ɛsɔ liu wɛɛ yɔ, pa-lakasɩ wɩlɩɣnɩ se Ɛsɔ ɛnʋ, ɛwɛnɩ lɔŋ siŋŋ.»

Tʋma Labʋ 18:25

Ɛɛkpɛlɩkɩ Kɩpaɣlʋ wayɩ tɩŋʋʋ tɔm camɩyɛ nɛ ɛwɛnɩ kpekpeka nɛ esusuu Yesu tɔm nɛ ɛwɩlɩɣ-tʋ tɩ-nasɩ taa. Ɛlɛ́, Yohanɛɛsɩ lɩm sɔʋ sɔnzɩ ɖeke tɔm ɛɛsɩma.

Tʋma Labʋ 19:3

Ɛlɛ́, Pɔɔlɩ tasɩ-wɛ pɔzʋʋ se: «Sɔnzɩ nzɩ́ palabɩ-mɩ yɔ?» Pocosi-i se: «Yohanɛɛsɩ lɩm sɔʋ sɔnzɩ palabɩ-ɖʋ.»

Room 10:3

Toovenim lɛ, patakpaɣ ɛzɩma mbʋ́ Ɛsɔ pɩsɩɣ ɛyáa kʋtʋʋzaa yɔ nɛ payaa pʋyʋ nɛ pa-maɣmaɣ pañɩnɩɣ mbʋ́ paala nɛ papɩsɩ kʋtʋʋzaa yɔ. Pʋ-yɔɔ pɔtɔɖɔ ɛzɩma mbʋ́ Ɛsɔ pɩsɩɣ ɛyáa kʋtʋʋzaa yɔ pʋ-yɔɔ.

Wɩlʋʋ 15:3

Peteɣaɣ hendu ndʋ́ Ɛsɔ tʋmlaɖʋ Mooyiizi ketewa yɔ. Ńdʋ́ ɖɔɖɔ Heɣa ketewa. Ńdʋ́ lɛ se: «Kɩpaɣlʋ Ɛsɔ, Đoŋ Tɩŋa Tʋ! Tʋma wena ŋlakɩ yɔ, apaɣlaa kpem, pɩfɛyɩ yɔɔdʋʋ! Ajɛya Wiyaʋ! Ña-nʋmɔŋ tʋʋzaa, ɩnʋ lɛ nʋmɔŋ siŋŋ.

Wɩlʋʋ 16:5

Peeɖe manɩ Ɛsɔ tiyiyu weyi ɛcɔŋnɩ lɩm yɔɔ yɔ, ɛyɔɔdaɣ se: «Weyi ña ŋwɛɛ nɛ ŋŋwɛɛ yɔ, ŋtʋʋzaa. Weyi ña ŋwɛ cɩɖɩcɩɖɩ yɔ, mbʋ́ ŋlaba ɛzʋnɔ nɛ ŋhʋʋnɩ ɛyáa yɔ, pʋtʋʋzaa.