Luka 7:13 - New Testament

¹³ Kɩpaɣlʋ na lelu ɛnʋ lɛ, pɩlabɩ-ɩ pʋtɔdɩyɛ nɛ eheyi-i se: «Taawii!»

Luka 7:13 ပူးပေါင်းရင်းမြစ်များ

Maarkɩ 8:2

«Ɛyáa panɛ, pɛwɛ-m pʋtɔdɩyɛ. Ɩcɔnɩ ɩna, kɩyakɩŋ naadozo yɔ pɛwɛ mɔn-cɔlɔ cɩnɛ. Lɛɛlɛɛyɔ pɛfɛyɩnɩ nabʋyʋ se pɔtɔɔ.

Luka 10:1

Pʋwayɩ lɛ, Kɩpaɣlʋ tasɩ lɩzʋʋ ɛ-tɔmkpɛlɩkɩyaa taa ɛyáa nɩɩnʋwa nɛ nɩɩlɛ nɛ naalɛ nɛ etiyi-wɛ naalɛ naalɛ se pɛɖɛɛ-ɩ nɔɔ nɛ powolo tɛtʋ ndɩ ndɩ nɛ hɔɔlɩŋ weyi ɩ-taa ɛɖʋwa se ewoki yɔ pa-taa.

Luka 11:1

Nakʋyʋ wiye Yesu sɛɣaɣ Ɛsɔ ɖoli nɔɔyʋ. Ɛtɛma lɛ, ɛ-tɔmkpɛlɩkɩyaa taa nɔɔyʋ pɔzɩ-ɩ se: «Kɩpaɣlʋ! Wɩlɩ-ɖʋ Ɛsɔ sɛʋ ɖɔɖɔ ɛzɩ Yohanɛɛsɩ wɩlʋʋ ɛ-tɔmkpɛlɩkɩyaa yɔ.»

Luka 11:39

Kɩpaɣlʋ na ɛ-lɩmaɣza ḿbʋ́ lɛ, eheyi-i se: «Farɩsɩ ñɩma mɩ! Ɩwɛ ɛzɩ mbá pañalɩɣ pa-ñanzɩ nɛ pe-eyisi sɩ-wayɩ ɖeke nɛ paañalɩɣ sɩ-taa yɔ. Ɩcaɣ se mɩ-yɔɔ ɛwɛɛ ɖeu, ŋgʋ́ mɩlɩm nɛ kañatʋ pa-lɩmaɣza suni mɩ-taa ɖo.

Luka 12:42

Ɛlɛ́, ɛpɩsɩnɩ-ɩ se: «Akɛ tʋmlaɖʋ kɩbanʋ weyi ɛwɛ lɛɣtʋ yɔ? Ɛnʋ lɛ weyi ɛ-caa yekini-i ɖɩɣa se ɛcɔŋnɩ kɔ-yɔɔ nɛ ɛcɛlɩɣ tʋmlaɖaa lɛlaa tɔɔnaɣ alɩwaatʋ ndʋ́ pʋmʋnaa yɔ.

Luka 13:15

Peeɖe Kɩpaɣlʋ cosi-i se: «Tɛɛ nɛ pʋ-yɔɔ ñɩma mɩ! Ɩɩtʋlʋʋ mɩ-naŋ yaa mɩ-kpaŋasɩ kɩyakʋ kɩhɛzʋʋ wiye nɛ iwona se pɔñɔɔ lɩm naa we?

Luka 17:5

Yesu tɛm yɔɔdʋʋ ḿbʋ́ lɛ, e-tiyiyaa heyi-i se: «Kɩpaɣlʋ! Yele nɛ ɖɩtɛzɩ lidaʋ wɛnaʋ.»

Luka 17:6

Peeɖe ecosi-wɛ se: «Yee ɩɩwɛnɩ lidaʋ ñɩɩɩ ɛzɩ piye nɖɩ́ ɖɩkɩlɩ kɔzʋʋ yɔ yɔ, ɩpɩzaɣ se iheyi tɩʋ sɔsɔʋ kʋnɛ se: ‹Kpɛzɩ ŋwolo ŋsɩŋ teŋgu taa!› Nɛ kɩla ḿbʋ́ ɖɔɖɔ.»

Luka 18:6

Peeɖe Kɩpaɣlʋ heyi-wɛ se: «Iwelesi camɩyɛ nɛ ɩnɩɩ tɔm ndʋ́ wiyaʋ ɛzaɣ́ʋ ɛnɛ ɛyɔɔdaa yɔ.

Luka 19:8

Ɛlɛ́, Zaacee kʋyɩ nɛ eheyi Yesu se: «Kɩpaɣlʋ! Meheyiɣ-ŋ se mantayɩɣ ma-ñɩm tam naalɛ nɛ mankpaɣ hɔɔlʋʋ maha kʋñɔndɩnaa. Yee maamuli nɔɔyʋ nɛ mɔntɔɔ e-liidiye yɔ, mɛhɛyɩ-ɩ ɖɩ-tam naanza.»

Luka 22:61

Kuko ḿbʋ́ lɛ, Kɩpaɣlʋ kisi nɛ ɛcɔnɩ Pɩyɛ nɛ ɛ́lɛ́ tɔzɩ tɔm ndʋ́ eeheyi-i se: «Pʋcɔ kalɩmɔʋ koo sɔnɔ lɛ, ŋkpɛzɩɣ tam naadozo se ŋtasɩm-m» yɔ tɩ-yɔɔ.

Luka 24:3

Pasʋ kɩ-taa lɛ, patana Kɩpaɣlʋ Yesu tomnaɣ.

Luka 24:34

nɛ pɔtɔŋ se: «Kɩpaɣlʋ fema toovenim nɛ ɛlɩzɩ ɛ-tɩ ɛwɩlɩ Siimɔɔ.»

Luka 7:12

Pɔñɔtɩnɩ-tʋ lɛ, pakatɩ ɛyáa samaɣ nakɛyɛ, kowokaɣnɩ sɩɖʋ nɔɔyʋ pim, ɛɛkɛ lelu nɔɔyʋ pɩɣa ɛgbamɩyɛ.

Luka 7:14

Peeɖe Yesu woba etukuni sɩɖʋ kpataya nɛ sɩɣlɩyaa sɩŋ nɛ ɛtɔ se: «Evebu ña! Meheyiɣ-ŋ se ŋkʋyɩ!»

Luka 7:19

Etiyi-wɛ Kɩpaɣlʋ cɔlɔ se pɔpɔzɩ-ɩ se: «Ña lɛ Ñʋʋ Yaɖʋ weyi paayɔɔdɩ ɛ-tɔm se ɛkaɣ kɔm yɔ, yaa nɔɔyʋ wɛnɩ wayɩ?»

Luka 8:52

Ɛyáa tɩŋa wilaɣ nɛ patɩmɩɣ. Ɛlɛ́, Yesu heyi-wɛ se: «Ɩtaawii! Pɩɣa ŋ́gá, koɖou kuɖou, katɩsɩ kɩsɩbʋ.»

Yohanɛɛsɩ 11:2

Maarɩɩ ɛnʋ ɛɛpɩyɩnɩ Kɩpaɣlʋ naŋgbanzɩ yɔɔ tɩlaaɖɩ nɛ ɛhɛzɩnɩ ɛ-ñɔsɩ. E-neu Lazaarɩ pɩwɩɣaɣ.

Yohanɛɛsɩ 11:3

Pʋ-yɔɔ halaa ḿbá pa-naalɛ petiyaa se peheyi Yesu se: «Kɩpaɣlʋ! Pɩwɩɣ weyi ŋsɔɔlɩ-ɩ yɔ.»

Yohanɛɛsɩ 20:13

Peeɖe pɔpɔzɩ-ɩ se: «Đɔ-kɔɔ! Pɩlabɩ ɛzɩma nɛ ŋwiliɣ ḿbʋ́?» Ecosi-wɛ se: «Palɩzɩ man-Kɩpaɣlʋ nɛ maanaɣ ɖenɖe pasɩ-ɩ yɔ.»

Yohanɛɛsɩ 20:15

Peeɖe ɛ́lɛ́ pɔzɩ-ɩ se: «Đɔ-kɔɔ! Pɩlabɩ ɛzɩma nɛ ŋwiliɣ ḿbʋ́? Anɩ ŋñɩnɩɣ?» Ɛmaɣzaɣ se kaɖaɣ yɔɔ cɔnɩyʋ pɔzʋʋnɩ-ɩ ḿbʋ́. Pʋ-yɔɔ eheyi-i se: «Đajaa! Yee ñalɩzɩnɩ-ɩ yɔ, ŋheyi-m ɖenɖe ŋsɩ-ɩ yɔ nɛ mowolo mankpaɣ-ɩ.»

Yohanɛɛsɩ 4:1

Peheyi Farɩsɩ ñɩma se: «Yesu tɔmkpɛlɩkɩyaa kɩlɩ Yohanɛɛsɩ ñɩma ɖɔʋ. Ɛyáa mbá ɛlakɩ-wɛ lɩm sɔʋ sɔnzɩ yɔ, pakɩlɩ Yohanɛɛsɩ ñɩma ɖɔʋ ɖɔɖɔ!» Toovenim lɛ, pɩtɛkɛ Yesu lakaɣnɩ ɛyáa lɩm sɔʋ sɔnzɩ, ɛlɛ́ ɛ-tɔmkpɛlɩkɩyaa lakaɣnɩ-wɛ-sɩ. Yesu nɩwa se tɔm ńdʋ́ʋ́ ɛyáa yɔɔdʋʋ lɛ, ɛkʋyɩ Yudee egeetiye taa nɛ ɛpɩsɩ Galilee ñɩnɖɛ taa.

Yohanɛɛsɩ 6:23

Ɛlɛ́, kpɩyɩŋ lɛɛŋ ñaalɩnɩ Tiberiyaadɩ tɛtʋ taa nɛ ɩtalɩ ɖenɖe Kɩpaɣlʋ kasam Ɛsɔ tindine yɔɔ nɛ pɔtɔɔ-ɖɩ yɔ.

1 Kɔrɛntɩ 7:30

Mbá pewiliɣ yɔ, pacaɣ wezuu ɛzɩ paawiliɣ yɔ. Mbá pɛwɛ laŋhʋlʋmɩyɛ taa yɔ, pacaɣ wezuu ɛzɩ pɛfɛyɩ laŋhʋlʋmɩyɛ taa yɔ nɛ mbá payakɩ yɔ, paba ñacaɣ wezuu ɛzɩ pɩtɛkɛ ḿbá tɩnɩ mbʋ́ payaba yɔ.

1 Tesalooniki 4:13

Taabalaa! Sɩɖaa tɔm taa lɛ, ɖe-liu fɛyɩ se ɩwɛɛ kaatɩlɩtʋ taa nɛ piyele mɩ-ɛsɛ kɔɔ añɩŋ ɛzɩ lɛlaa mbá paataɣ pʋyʋ liu yɔ.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Ebree 4:15

Mbʋ́ pʋyɔɔ yɔ, cɔjɔnaa ñʋndɩnaa taa sɔsɔ ɛnʋ, ɛtɛkɛ weyi ɛɛpɩzɩɣ se ɛsɩnɩ-ɖʋ ɖɛ-ɛjandʋ taa yɔ: pɩtakɩ-ɩ ɛzɩ ɖa yɔ pɩtɩŋa pɩ-taa. Ɛlɛ́, ɛtala kɩwɛɛkɩm nabʋyʋ.