Luka 6:34 - New Testament

³⁴ Yee ɩkɩndɩɣ mbá ɩɖaŋɩɣ se paahɛyɩ-mɩ pu-lone taa yɔ pe-ɖeke lɛ, kʋjɔʋ ŋgʋ́ ɩɖaŋɩɣ se Ɛsɔ ɛlabɩ-mɩ yɔ? Halɩ kɩwɛɛkɩm laɖaa maɣmaɣ ñakɩndɩɣ pa-taabalaa lɛlaa se paahɛyɩ-wɛ ɖɔɖɔ ɛzɩ paakɩndʋʋ-wɛ yɔ.

Luka 6:34 ပူးပေါင်းရင်းမြစ်များ

Maatiyee 5:42

Ɩha mbá pasʋlʋmʋʋ-mɩ yɔ nɛ ɩkɩndɩ mbá pɔkɔŋ se ɩkɩndɩ-wɛ yɔ.»

Luka 6:33

Yee mbá palakɩ-mɩ camɩyɛ yɔ pe-ɖeke ɩlakɩ camɩyɛ lɛ, kʋjɔʋ ŋgʋ́ ɖɔɖɔ ɩɖaŋɩɣ se Ɛsɔ ɛlabɩ-mɩ yɔ? Halɩ kɩwɛɛkɩm laɖaa maɣmaɣ ñalakɩ ḿbʋ́.

Luka 6:35

Mɩ lɛ, pʋwɛɛ se ɩsɔɔlɩ mi-koyindinaa nɛ ɩla ɛyáa camɩyɛ. Ɩkɩndɩ-wɛ, ɛlɛ́, ɩtaaɖaŋ se paahɛyɩ-mɩ. Peeɖe ɩmʋʋ kɩhɛyʋʋ sɔsɔʋ nɛ pɩwɩlɩ se ɩkɛ Ɛsɔ Caabiyuu piya. Mbʋ́ pʋyɔɔ yɔ, ɛlakɩ mbá pɛfɛyɩnɩ ɛsɩmɩyɛ yɔ nɛ kañadɩnaa camɩyɛ lakasɩ.