Luka 6:30 - New Testament

³⁰ Yee nɔɔyʋ ɛsʋlʋmɩ-ŋ nabʋyʋ yɔ, taapɛm-ɩ. Yee nɔɔyʋ ɛkpaɣ ña-ñɩm yɔ, taapɔzɩ-ɩ se ɛcɛlɩ-ŋ-pʋ.

Luka 6:30 ပူးပေါင်းရင်းမြစ်များ

Maatiyee 18:35

Yesu tasɩ-wɛ heyuu se: «Ḿbʋ́ ɖɔɖɔ pʋwɛɛ. Yee mɩ-taa nɔɔyʋ etekpeɣ ɛ-taabalʋ nɛ ɛ-laŋɩyɛ tɩŋa yɔ, ḿbʋ́ man-Caa weyi ɛwɛ ɛsɔdaa yɔ, ɛkɔŋ-ɩ labʋ.»

Maatiyee 5:39

Ɛlɛ́, ma meheyiɣ-mɩ se: ɩtaakpa mi-koyindinaa kɩma. Yee nɔɔyʋ ɛcɛbɩ ñe-nesi kɩbanzɩ laɣzaɣ kadaŋa yɔ, kɛzɩ lɛɛka nɛ ɛtɛzɩ-kɛ cɛbʋ.

Maatiyee 6:12

Kpeɣ-ɖʋ ɖa-kɩwɛɛkɩm ɛzɩ ɖikpeɣu ɖɔɖɔ mbá payʋsɩnɩ-ɖʋ yɔ.

Luka 11:41

Pʋ-yɔɔ lɛ, pɩkɩlɩ ɖeu se ɩha kʋñɔndɩnaa mbʋ́ pʋwɛ mɩ-ñanzɩ nɛ mi-eyisi pa-taa yɔ. Ɩlabɩ ḿbʋ́ yɔ, nabʋyʋ ɛɛtasɩɣ-mɩ pisuu.

Luka 12:33

Ɩpɛdɩ mɩ-ñɩm nɛ ɩtayɩ kʋñɔndɩnaa pi-liidiye. Ɩwɛnɩ liidiye huyiŋ weyi ɩɩtʋlʋʋ wiɖiyi kaʋ yɔ nɛ ñɩm mbʋ́ pɩɩtɛŋ yɔ ɛsɔdaa ɖenɖe mɩ́láa ɛɛmɩlɩɣ nɛ pʋyʋ ɛɛpɩzɩɣ pɩwɛɛkɩ-pʋ kaʋ yɔ.

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 6:29

Yee nɔɔyʋ ɛcɛbɩ ña-laɣzaɣ kadaŋa yɔ, kɛzɩ lɛɛka nɛ ɛtɛzɩ-kɛ cɛbʋ. Yee nɔɔyʋ ɛmʋ ño-toko sɔsɔʋ yɔ, yele nɛ ɛtɛzɩ cikpeluu mʋ́ʋ.

Luka 6:31

Mbʋ́ ɩcaɣ se ɛyáa ɛlabɩ-mɩ yɔ, ɩlabɩ-wɛ ɖɔɖɔ ḿbʋ́ ɖeyi ɖeyi.

Luka 6:38

Ɩha lɛlaa nɛ Ɛsɔ ha-mɩ. Mbʋ́ ɩmaɣzɩɣna nɛ ɩɖʋʋ lɛlaa yɔ, ḿbʋ́ ɖɔɖɔ Ɛsɔ kɔŋ-mɩ maɣzɩnaʋ. Ɛɖʋʋ-mɩ nɛ eciɣdi nɛ pɩñɩɣ ɖeu nɛ pusu pɩwadɩ waaa.»

Tʋma Labʋ 20:35

Mawɩlɩ-mɩ pɩtɩŋa pɩ-taa se ḿbʋ́ pʋwɛɛ se ɩla tʋmɩyɛ nɛ ɩsɩnɩ kʋñɔndɩnaa nɛ ɖatɩŋa ɖɩtɔzɩ tɔm ndʋ́ Kɩpaɣlʋ Yesu maɣmaɣ yɔɔdaa yɔ tɩ-yɔɔ. Ńdʋ́ lɛ se: ‹Ɛyʋ haʋ lɛlʋ pʋyʋ yɔ, pɩlakɩ-ɩ leleŋ pɩŋŋ nɛ pɩkɩlɩ ɛzɩ pahaʋ ɛ-maɣmaɣ yɔ.› »

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

Efɛɛzɩ 4:28

Weyi ɛmɩlaɣ yɔ, ɛtaatasɩ mɩlʋ́ʋ. Ɛlɛ́, ɛñaɣ pana nɛ ɛla tʋmɩyɛ nɛ toovenim nɛ ɛ-maɣmaɣ e-nesi nɛ ehiɣ nɛ ɛha weyi ɛwɛ kʋñɔŋ taa yɔ.