Luka 6:22 - New Testament

²² Yee ɛyáa ɛpaɖɩɣ-mɩ yaa, pekiziɣ-mɩ yaa, patʋʋ-mɩ yaa, pɛwɛɛkɩɣ mɩ-hɩla Ɛyʋ Pɩyalʋ yɔɔ yɔ, ihiɣ mɩ-tɩ!

Luka 6:22 ပူးပေါင်းရင်းမြစ်များ

Maatiyee 10:18

Pɔkɔŋ-mɩ yaʋ ajɛya ñʋndɩnaa nɛ awiya sɔsɔna pɛ-tɛ mɔ-yɔɔ se ɩkɛ aseɣɖe tɩnaa pa nɛ mbá pɛtɛkɛ Yuda ñɩma yɔ pɔ-cɔlɔ.

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 10:39

Weyi ɛñɩnɩɣ se ɛcaɣ wezuu tam yɔ, ɛtɛŋnɩ-kʋ lesuu. Weyi ɛ́lɛ́ sɩkɩ mɔ-yɔɔ yɔ, ɛcakɩ wezuu tam.»

Luka 20:15

Peeɖe pakpa-ɩ palɩzɩ-ɩ nɛ hayɩm ḿbʋ́ pʋ-wayɩ nɛ pakʋ-ɩ. Tɔɔ! Hayɩm tʋ ɛnʋ, ɛbɛ ɛlakɩ ɛ-tʋmlaɖaa ḿbá?

Luka 21:17

Mbʋ́ pʋyɔɔ yɔ, ɛyáa tɩŋa kaɣ-mɩ paɖʋʋ mɔ-yɔɔ.

Luka 6:21

Mbá mɩ ñɔɔsɩ wɩɣ-mɩ lɛɛlɛɛyɔ yɔ, ihiɣ mɩ-tɩ! Mbʋ́ pʋyɔɔ yɔ, ɩkɔŋ haɣʋ! Mbá mɩ iwiɣ lɛɛlɛɛyɔ yɔ, ihiɣ mɩ-tɩ! Mbʋ́ pʋyɔɔ yɔ, ɩkɔŋ woŋuu.

Yohanɛɛsɩ 12:42

Paa ḿbʋ́ yɔ, Yuda ñɩma awiya maɣmaɣ taa sakɩyɛ kɛwɛnɩ lidaʋ Yesu yɔɔ. Ɛlɛ́, Farɩsɩ ñɩma yɔɔ lɛ, pataasusuu-tʋ. Pɩtɛkɛ ḿbʋ́, paɖaŋɩɣ-wɛ se pataatasɩ wobu Ɛsɔ ɖɩsɛyɛ taa.

Yohanɛɛsɩ 16:2

Pɔkɔŋ-mɩ ɖaŋʋʋ se ɩtaatasɩ wobu Ɛsɔ ɖɩsɛyɛ naɖɩyɛ taa. Halɩ alɩwaatʋ natʋyʋ kɔŋ nɛ mbá pakʋʋ-mɩ yɔ, pamaɣzɩ se Ɛsɔ tʋmɩyɛ palakɩ ḿbʋ́.

Yohanɛɛsɩ 17:14

Mawɩlɩ-wɛ ñɔ-tɔm nɛ kedeŋa ñɩma paɖɩɣ-wɛ, mbʋ́ pʋyɔɔ yɔ, pa nɛ wɛ patakaa lɩmaɣza ɛzɩ ma nɛ kedeŋa ñɩma ḿbá ɖɩwɛʋ nɛ ɖɩtakaa lɩmaɣza yɔ.

Yohanɛɛsɩ 7:7

Kedeŋa ñɩma ɛɛpaɖɩɣ-mɩ, ɛlɛ́, ma papaɖɩɣ. Mbʋ́ pʋyɔɔ yɔ, malɩzɩɣ aseɣɖe se mbʋ́ palakɩ yɔ, pɩfɛyɩ ɖeu.

Yohanɛɛsɩ 9:34

Ɛlɛ́, papɩsɩnɩ-ɩ se: «Đooo ɛzɩ palʋlʋʋ-ŋ yɔ, kɩwɛɛkɩm taa ŋwɛ ñatɩŋa pilim. Ñacaɣnɩ se ŋkpɛlɩkɩ-ɖʋ lɛɣtʋ naa we?» Peeɖe pɔɖɔɔnɩ-ɩ Ɛsɔ ɖɩsɛyɛ taa.

Tʋma Labʋ 22:22

Ɛyáa samaɣ welesaɣnɩ Pɔɔlɩ nɛ pʋkɔɔ pɩsɩɩnɩ alɩwaatʋ ndʋ́ ɛyɔɔdɩ tɔm pee ana yɔ. Peeɖe papazɩ kubusi mabʋ se: «Abalʋ ɛnɛ, pakʋsɩ-ɩ kedeŋa yɔɔ! Pɩtamʋnɩ se ɛtasɩ caɣʋ wezuu!»

Tʋma Labʋ 24:5

Abalʋ ɛnɛ, ɛkɛ kɩdɛkɛdʋʋ: ɛwɛɛ eyozuu Yuda ñɩma tɩŋa kedeŋa kpeekpe yɔɔ. Ɛkɛ Nazarɛɛtɩ ñɩma ŋgbɛyɛ ɛzaɣ́ʋ ñʋʋdʋ.

Tʋma Labʋ 9:16

Ma-maɣmaɣ mɔnkɔŋ-ɩ wɩlʋʋ ɛzɩma mbʋ́ pʋwɛɛ se ɛtɔɔ kʋñɔŋ mɔ-yɔɔ yɔ.»

Yakubu 1:12

Weyi ɛɖɔkʋʋ ɛ-tɩ takʋʋ taa yɔ, ehiɣ ɛ-tɩ! Mbʋ́ pʋyɔɔ yɔ, ɛtɛŋ wɩlʋʋ ɛ-tɩ ɖɔkʋʋ lɛ, Ɛsɔ cɛlɩ-ɩ ɛ-kɩhɛyʋʋ: ŋ́gʋ́ lɛ wezuu maatɛŋ. Ŋ́gʋ́ ɛɖʋwa se ɛhɛyɩɣ mbá pɔsɔɔlɩ-ɩ yɔ.

1 Pɩyɛ 3:14

Paa nɔɔyʋ ɛtɩɩɖʋʋ-mɩ kʋñɔŋ se ɩlakɩ mbʋ́ pʋtʋʋzaa yɔ yɔ, ɩkɔŋ hiɣu mɩ-tɩ! Sɔɔndʋ ɛtaakpa-mɩ nɛ ɛyáa. Pɩtaaliɣti-mɩ ɖɔɖɔ.