Luka 6:20 - New Testament

²⁰ Pʋwayɩ lɛ, Yesu cɔnɩ ɛ-tɔmkpɛlɩkɩyaa nɛ eheyi-wɛ se: «Mbá mɩ ɩkɛ kʋñɔndɩnaa yɔ, ihiɣ mɩ-tɩ! Mbʋ́ pʋyɔɔ yɔ, ɩkɛ Ɛsɔ Kewiyaɣ taa ñɩma.

Luka 6:20 ပူးပေါင်းရင်းမြစ်များ

Maatiyee 11:5

yʋlʋmaa naɣ, tala tɩnaa ɖɔŋ camɩyɛ, canasɩ yɔɔ cɛkɩ, ndamaa nɩɣ, sɩɖaa feŋ nɛ posusuu kʋñɔndɩnaa Laŋhɛzɩyɛ Tɔm.

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Maatiyee 5:1

Yesu na ɛyáa samaɣ ḿbʋ́ lɛ, ɛkpa piyaɣ nakɛyɛ yɔɔ nɛ ɛcaɣ. Peeɖe ɛ-tɔmkpɛlɩkɩyaa woba ɛ-cɔlɔ

Luka 12:32

Yesu tasɩ ɛ-tɔmkpɛlɩkɩyaa heyuu se: «Mbá mɩ ɩtɔɖɔɔ yɔ, ɩtaasɔɔndɩ. Mbʋ́ pʋyɔɔ yɔ, mɩ-Caa sɔɔlaa se ɩsʋʋ e-Kewiyaɣ taa.

Luka 13:28

Peeɖe pɔlɔʋ-mɩ nɛ awayɩ nɛ ɩma kubusi nɛ ɩsalɩ mi-kela. Alɩwaatʋ ńdʋ́ʋ́ ɩnaɣ Abraham nɛ Izaakɩ nɛ Yakɔɔbʋ nɛ náyaa tɩŋa payɩ pɛwɛ Ɛsɔ Kewiyaɣ taa fɛɛɛ.

Luka 14:15

Yesu yɔɔdɩ ḿbʋ́ lɛ, mbá paawɛ peeɖe yɔ, pa-taa lɛlʋ heyi-i se: «Weyi ɛkaɣ tɔɔʋ tɔɔnaɣ Ɛsɔ Kewiyaɣ taa yɔ, ehiɣ ɛ-tɩ!»

Luka 16:25

Ɛlɛ́, Abraham cosi-i se: ‹Man-sayɩ! Tɔzɩ se Lazaarɩ lakaɣ kʋñɔŋ kedeŋa yɔɔ lɛ, ñaawɛɛ ŋtɔkɩ leleŋ. Lɛɛlɛɛyɔ Lazaarɩ laŋɩyɛ ñɛhɛ cɩnɛ lɛ, ñalakɩ kʋñɔŋ.

Luka 4:18

«Kɩpaɣlʋ lɩzɩ-m nɛ ɛha-m e-Fezuu Kiɖeɖeu. Toovenim, ɛlɩzɩ-m nɛ etiyi-m se monsusi kʋñɔndɩnaa Laŋhɛzɩyɛ Tɔm. Etiyi-m se meheyi salaka tɩnaa se pɛwɛ pa-tɩ yɔɔ! Meheyi ɖɔɖɔ yʋlʋmaa se pɔkɔŋ pɛ-ɛsɛ kuluu! Etiyi-m se moholi ajamaa mbá panazɩɣ-wɛ yɔ.

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

2 Kɔrɛntɩ 6:10

Papɩsɩɣ ɖɔ-hɔ, ɛlɛ́, ɖɩwɛ laŋhʋlʋmɩyɛ taa paa ɖooye. Đɩwɛ ɛzɩ kʋñɔndɩnaa yɔ, ɛlɛ́, ɖiyeki nɛ ɛyáa sakɩyɛ hikiɣ pa-tɩ Ɛsɔ nʋmɔʋ taa. Đɩwɛ ɛzɩ mɛnfɛyɩpʋyʋwaa yɔ, ŋgʋ́ ɖɩwɛnɩ pɩtɩŋa payɩ.

2 Kɔrɛntɩ 8:2

Pɩtakɩ-wɛ nɛ kʋñɔmɩŋ siŋŋ, ɛlɛ́, pa-laŋa hʋlʋmɩ siŋŋ nɛ pahanɩ pa-laŋa tɩŋa pilim. Ŋgʋ́, pɛkɛ kʋñɔndɩnaa kpem.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

1 Tesalooniki 1:6

Ḿbʋ́ yebina nɛ ɩtɩŋ ɖa nɛ Kɩpaɣlʋ ɖa-nʋmɔʋ. Alɩwaatʋ ndʋ́ itisi Laŋhɛzɩyɛ Tɔm yɔ, ɩtɔɔ kʋñɔŋ siŋŋ. Ɛlɛ́, Fezuu Kiɖeɖeu kasɩnɩ-mɩ nɛ ɩwɛɛ laŋhʋlʋmɩyɛ taa.

2 Tesalooniki 1:5

Ḿbʋ́ wɩlɩɣnɩ se Ɛsɔ tɔm hʋʋ tʋʋzaa. Pɩlabɩ ḿbʋ́ se ɩmʋnɩ e-Kewiyaɣ ŋgá kɔ-yɔɔ ɩtɔkɩ kʋñɔŋ yɔ ka-taa ñɩma.

Yakubu 1:12

Weyi ɛɖɔkʋʋ ɛ-tɩ takʋʋ taa yɔ, ehiɣ ɛ-tɩ! Mbʋ́ pʋyɔɔ yɔ, ɛtɛŋ wɩlʋʋ ɛ-tɩ ɖɔkʋʋ lɛ, Ɛsɔ cɛlɩ-ɩ ɛ-kɩhɛyʋʋ: ŋ́gʋ́ lɛ wezuu maatɛŋ. Ŋ́gʋ́ ɛɖʋwa se ɛhɛyɩɣ mbá pɔsɔɔlɩ-ɩ yɔ.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!