Luka 6:13 - New Testament

¹³ Kifema lɛ, ɛ́yáa ɛ-tɔmkpɛlɩkɩyaa nɛ ɛlɩzɩ pa-taa ɛyáa hiu nɛ naalɛ nɛ ɛ́yáa-wɛ se e-tiyiyaa.

Luka 6:13 ပူးပေါင်းရင်းမြစ်များ

Maatiyee 10:2

Mbá ɛlɩzaa nɛ ɛ́yáa-wɛ se e-tiyiyaa yɔ, ḿbá yɔ: kajalaɣ lɛ, Siimɔɔ weyi payaɣ ɖɔɖɔ se Pɩyɛ yɔ nɛ e-neu Andree nɛ Zebedee pɩyalaa Yakubu nɛ e-neu Yohanɛɛsɩ

Maatiyee 19:28

Peeɖe ecosi-wɛ se: «Toovenim lɛ, mankaɖɩɣ-mɩ se alɩwaatʋ ndʋ́ Ɛyʋ Pɩyalʋ ma mɔnkɔŋ mancaɣ men-kewiyaɣ kpelaɣ yɔɔ koboyaɣ taa yɔ, mbá mɩ ɩtɩŋaɣ ma-wayɩ yɔ, ɩkɔŋ caɣʋ awiya kpelisi hiu nɛ naalɛ yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ.

Maatiyee 9:36

Ɛna ɛyáa samaɣ lɛ, pɩlabɩ-ɩ pʋtɔdɩyɛ nɛ kɛ. Mbʋ́ pʋyɔɔ yɔ, pɩɩkɩlɩ-wɛ nɛ pekiitiɣ yem ɛzɩ heŋ weyi ɩfɛyɩnɩ ninɖiɣyu yɔ.

Maarkɩ 6:30

Pʋwayɩ lɛ, Yesu tiyiyaa pɩsɩ pekpeɣli ɛ-cɔlɔ nɛ pɛkɛdɩ-ɩ mbʋ́ pɩtɩŋa payɩ palaba yɔ nɛ tɔm ndʋ́ pawɩlaa yɔ.

Maarkɩ 6:7

Peeɖe ɛya ɛ-tɔmkpɛlɩkɩyaa hiu nɛ naalɛ nɛ ɛha-wɛ ɖoŋ se papɩzɩ pɔɖɔɔnɩ aleewaa nɛ etiyi-wɛ naalɛ naalɛ.

Luka 11:49

Pʋ-yɔɔ Ɛsɔ yɔɔdɩ mɩ-tɔm nɛ lɔŋsɩnɖɛ se: ‹Mentiyiɣni-wɛ ɛyáa nabɛyɛ nɛ náyaa. Ɛlɛ́, pakʋʋ pa-taa lɛlaa nɛ pɛwɛɛ lɛlaa wayɩ kaŋ kaŋ.›

Luka 22:30

Ɩkɔŋ caɣʋ awiya kpelisi yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ. Đɔɖɔ lɛ, mɔnkɔŋ-mɩ yaʋ nɛ ma nɛ mɩ ɖɩcaɣ nɛ ɖɩtɔɔ nɛ ɖɩñɔɔ men-Kewiyaɣ taa.»

Luka 6:14

Ḿbá yɔ: Siimɔɔ weyi ɛkʋm-ɩ hɩɖɛ se Pɩyɛ yɔ nɛ e-neu Andree nɛ Yakubu nɛ Yohanɛɛsɩ nɛ Filiipu nɛ Bartelemii

Yohanɛɛsɩ 4:33

Peeɖe tɔmkpɛlɩkɩyaa ḿbá pɔpɔzaɣ ɖama se: «Yaa nɔɔyʋ woni-i tɔɔnaɣ?»

Tʋma Labʋ 1:13

Patalaa lɛ, pakpa ɛsɔdaa kuduyuu ŋgʋ́ kɩ-taa paakpeɣlaɣ yɔ kɩ-taa. Mbá pekpeɣlaɣ kɩ-taa yɔ, ḿbá yɔ: Pɩyɛ nɛ Yohanɛɛsɩ nɛ Yakubu nɛ Andree nɛ Filiipu nɛ Tomaa nɛ Bartelemii nɛ Maatiyee nɛ Alfee pɩyalʋ Yakubu nɛ Siimɔɔ weyi payaɣ se Yɔɔ Kandɩyʋ yɔ nɛ Yakubu pɩyalʋ Yuudi

Efɛɛzɩ 2:20

Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Efɛɛzɩ 4:11

Krɩstʋ ɛnʋ ɛhanɩ nabɛyɛ se pɛkɛ e-tiyiyaa nɛ lɛlaa náyaa nɛ lɛlaa Laŋhɛzɩyɛ Tɔm susiyaa nɛ lɛlaa ɖiyiyaa nɛ lɛlaa Ɛsɔtɔm wɩlɩyaa.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

2 Pɩyɛ 3:2

Me-liu wɛɛ se ɩtɔzɩ tɔm ndʋ́ náyaa kiɖeɖema yɔɔdɩ ɖooo lɔŋ yɔ tɩ-yɔɔ. Ɩtɔzɩ ɖɔɖɔ paɣtʋ ndʋ́ Kɩpaɣlʋ weyi ɛkɛ ɖa-ñʋʋ yaɖʋ yɔ, ɛtɩŋnɩ e-tiyiyaa yɔɔ nɛ eheyi-mɩ se ɩla yɔ tɩ-yɔɔ.

Wɩlʋʋ 12:1

Pɩwɩlɩ kawɩlɩsɩ sɔsɔsɩ nasɩyɩ ɛsɔdaa: halʋ nɔɔyʋ, wɩsɩ huuzi ɛ-yɔɔ ɛzɩ toko esuwa yɔ nɛ ɛsɩŋ fenaɣ yɔɔ nɛ ɛpa hulaɣ nakɛyɛ. Kɔ-yɔɔ nɛ tɩɩnzɩ hiu nɛ naalɛ.

Wɩlʋʋ 18:20

Mbá mɩ ɩwɛ ɛsɔdaa yɔ, mɩ-taa ɛhʋlʋmɩ! Pɔyɔkɩ tɛtʋ ńdʋ́! Mɩ Ɛsɔ ñɩma nɛ Yesu tiyiyaa nɛ náyaa mɩ-taa ɛhʋlʋmɩnɩ tɩ-yɔkʋʋ! Mbʋ́ pʋyɔɔ yɔ, Ɛsɔ hʋnɩ-tʋ tɔm kɩdɛkɛdɩm mbʋ́ tɩlabɩ-mɩ yɔ tɩ-yɔɔ.

Wɩlʋʋ 21:14

Tɛtʋ ńdʋ́, ti-koloŋa kɛwɛnɩ tigila hiu nɛ naalɛ, pama a-yɔɔ Heɣa tiyiyaa hiu nɛ naalɛ hɩla.