Luka 5:30 - New Testament

³⁰ Peeɖe pɩtɛkɛdɩnɩ Farɩsɩ ñɩma nɛ paɣtʋ wɩlɩyaa mbá pɛkɛ pɔ-hɔɔlʋʋ taa ñɩma yɔ nɛ pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma mɩ nɛ tikee mʋyaa nɛ kɩwɛɛkɩm laɖaa lɛlaa ɩkpɛndɩ ɩtɔkɩ nɛ ɩñɔʋ?»

Luka 5:30 ပူးပေါင်းရင်းမြစ်များ

Maatiyee 5:46

Yee mbá pɔsɔɔlɩ-mɩ yɔ pe-ɖeke ɩsɔɔlʋʋ lɛ, kɩhɛyʋʋ ŋgʋ́ ɩɖaŋɩɣ Ɛsɔ cɔlɔ yɔ? Halɩ tikee mʋyaa maɣmaɣ ñɔsɔɔlʋʋ mbá pɔsɔɔlɩ-wɛ yɔ.

Maatiyee 9:11

Ŋgʋ́, Farɩsɩ ñɩma nabɛyɛ kana-wɛ ḿbʋ́. Peeɖe pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma nɛ mɩ-caa nɛ tikee mʋyaa nɛ kɩwɛɛkɩm laɖaa lɛlaa pɛkpɛndɩ nɛ pɔtɔkɩ?»

Maarkɩ 2:16

Alɩwaatʋ ńdʋ́ lɛ, Yuda ñɩma paɣtʋ wɩlɩyaa mbá pɛkɛ Farɩsɩ ŋgbɛyɛ taa ñɩma yɔ paawɛɛ. Pɛ-ɛsɩndaa Yesu nɛ kɩwɛɛkɩm laɖaa nɛ tikee mʋyaa pɔtɔkaɣ tɔɔnaɣ. Peeɖe pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma ɛ nɛ tikee mʋyaa nɛ kɩwɛɛkɩm laɖaa pɛkpɛndɩ pɔtɔkɩ?»

Maarkɩ 7:3

Ŋgʋ́, Farɩsɩ ñɩma nɛ Yuda ñɩma lɛlaa tɩŋa pɔɖɔkɩ pɔ-cɔzɔnaa sɔnzɩ. Sɔnzɩ ńzɩ́ sɩpɔzʋʋ se pasaŋ camɩyɛ nɛ pʋcɔ pɔtɔɔ.

Maarkɩ 9:16

Ɛlɛ́, ɛpɔzɩ ɛ-tɔmkpɛlɩkɩyaa se: «Ɛbɛ yɔɔ mɩ nɛ wɛ ɩhɔŋaɣnɩ ɖama tɔm ḿbʋ́?»

Luka 18:11

Peeɖe Farɩsɩ tʋ sɩŋaa nɛ ɛsɛɛ Ɛsɔ se: ‹Hayɩ Ɛsɔ! Mansaŋ-ŋ. Mbʋ́ pʋyɔɔ yɔ, mɛnfɛyɩ ɛzɩ lɛlaa mbá pamɩlɩɣ nɛ palakɩ ɛzaɣ́tʋ nɛ acɛyɛ yɔ. Mansaŋ-ŋ ɖɔɖɔ, mbʋ́ pʋyɔɔ yɔ, mɛnfɛyɩ ɛzɩ tikee mʋyʋ ɛnɛ yɔ.

Luka 19:7

Mbá patɩŋa pana ḿbʋ́ yɔ, pɩtamaɣ-wɛ nɛ pemidiɣ pa-taa pe-ɖeke se: «Halɩ ɛkʋyaa nɛ ewolo ɛsʋʋ kɩwɛɛkɩm laɖʋ tɛ!»

Luka 5:17

Kɩyakʋ nakʋyʋ Yesu wɩlaɣ Ɛsɔtɔm. Farɩsɩ ŋgbɛyɛ taa ñɩma nɛ paɣtʋ wɩlɩyaa mbá palɩnɩ Galilee nɛ Yudee pɛ-tɛtʋ tɩŋa taa nɛ Yeruusalɛm yɔ, paacaɣ ɛ-cɔlɔ. Kɩpaɣlʋ ɖoŋ kɛwɛ ɛ-yɔɔ se ɛla nɛ kʋdɔndɩnaa yɔɔ cɛ.

Luka 5:21

Ɛlɛ́, paɣtʋ wɩlɩyaa nɛ Farɩsɩ ñɩma papazɩ miduu pe-liŋ tɛɛ nɛ pɔpɔzʋʋ ɖama se: «Ɛnɛ ɛkɛ anɩ nɛ ɛwɛɛkɩɣ Ɛsɔ hɩɖɛ ḿbʋ́? Apɩzɩɣ nɛ ekpeɣ kɩwɛɛkɩm nɛ pɩtasɩnɩ Ɛsɔ?»

Luka 7:34

Piyele Ɛyʋ Pɩyalʋ ñɔkɔma nɛ ɛtɔkɩ nɛ ɛñɔʋ lɛ, ɩɖaɣnɩɣ yɔɔdʋʋ se: ‹Ɩnaɣʋ ɛyʋ ɛnɛ yɔ, tɔkɩyɛ nɛ ñɔtʋ pɔ-yɔɔ ɖeke ɛmaɣzɩɣ. Ɛkɛ ɖɔɖɔ tikee mʋyaa nɛ kɩwɛɛkɩm laɖaa lɛlaa pa-taabalʋ.›

Luka 7:39

Farɩsɩ tʋ weyi ɛya Yesu yɔ, ɛna ḿbʋ́ lɛ, ɛmaɣzɩ ɛ-taa se: «Yee abalʋ ɛnɛ ɛɛkɛ náyʋ yɔ, ɛɛsɩm halʋ weyi etukuuni-i ḿbʋ́ yɔ nɛ ɛzɩma mbʋ́ ɛ-wɛtʋ wɛɛ yɔ: ɛkɛ kɩwɛɛkɩm laɖʋ.»

Tʋma Labʋ 23:9

Peeɖe pasʋ you yɔɔ. Pɩkɛdaa lɛ, Farɩsɩ ñɩma hɔɔlʋʋ taa paɣtʋ wɩlɩyaa nabɛyɛ kʋyɩ nɛ pa nɛ wɛ pɔhɔŋnɩ ɖama tɔm nɛ pɔtɔ se: «Abalʋ ɛnɛ, ɖɩtana ɛ-kɩwɛɛkɩm nabʋyʋ kaʋ. Pʋtɔmaɣ yɔ, fezuu nakʋyʋ yaa Ɛsɔ tiyiyu nɔɔyʋ yɔɔdɩnɩnɩ-ɩ.»