Luka 5:29 - New Testament

²⁹ Pʋwayɩ lɛ, Leevi la kazandʋ ɛ-tɛ nɛ ɛ́yáa Yesu nɛ tikee mʋyaa sakɩyɛ nɛ ɛyáa lɛlaa sakɩyɛ nɛ powolo pacaɣ tɔɔnaɣ ɖɩtɔɔyɛ.

Luka 5:29 ပူးပေါင်းရင်းမြစ်များ

Maatiyee 11:19

Ɛyʋ Pɩyalʋ ñɔkɔma nɛ ɛtɔkɩ nɛ ɛñɔʋ lɛ, ɩɖaɣnɩɣ yɔɔdʋʋ se: ‹Ɩnaɣʋ ɛyʋ ɛnɛ yɔ, tɔkɩyɛ nɛ ñɔtʋ pɔ-yɔɔ ɖeke ɛmaɣzɩɣ. Ɛkɛ ɖɔɖɔ tikee mʋyaa nɛ kɩwɛɛkɩm laɖaa lɛlaa pa-taabalʋ.› Ɛlɛ́, pasɩŋ Ɛsɔ lɔŋsɩnɖɛ nɛ ɛ-lakasɩ kɩbanzɩ.»

Maatiyee 5:46

Yee mbá pɔsɔɔlɩ-mɩ yɔ pe-ɖeke ɩsɔɔlʋʋ lɛ, kɩhɛyʋʋ ŋgʋ́ ɩɖaŋɩɣ Ɛsɔ cɔlɔ yɔ? Halɩ tikee mʋyaa maɣmaɣ ñɔsɔɔlʋʋ mbá pɔsɔɔlɩ-wɛ yɔ.

Maatiyee 9:10

Pɩkɛdaa lɛ, Yesu wolo ɖɩɣa nɛ ɛcaɣ tɔɔnaɣ ɖɩtɔɔyɛ. Tikee mʋyaa sakɩyɛ nɛ kɩwɛɛkɩm laɖaa lɛlaa paawɛ peeɖe nɛ pa nɛ ɩ nɛ ɛ-tɔmkpɛlɩkɩyaa pɔtɔkɩ tɔɔnaɣ.

Maatiyee 9:9

Pʋwayɩ lɛ, Yesu tasɩ wobu nɛ ɛsɩndaa nɛ ɛna abalʋ weyi payaɣ se Maatiyee yɔ, ɛcaɣ tikee ɖɩmʋyɛ. Peeɖe Yesu heyi-i se: «Kʋyɩ ŋtɩŋ-m!» Ɛ́lɛ́ kʋyɩ ɖɔɖɔ nɛ ɛtɩŋ-ɩ.

Maarkɩ 2:15

Pʋwayɩ lɛ, Yesu nɛ ɛ-tɔmkpɛlɩkɩyaa nɛ tikee mʋyaa sakɩyɛ nɛ lɛlaa mbá ɛyáa kpakaɣ-wɛ se pɛkɛ kɩwɛɛkɩm laɖaa yɔ, powolo Leevi tɛ nɛ pacaɣ tɔɔnaɣ ɖɩtɔɔyɛ. Pɩtɛ ɛyáa mbá patɩŋaɣ-ɩ yɔ, paaɖɔwa.

Luka 15:1

Nakʋyʋ wiye tikee mʋyaa nɛ kɩwɛɛkɩm laɖaa lɛlaa powobi Yesu cɔlɔ patɩŋa payɩ se panɩɩ ɛ-tɔm.

Yohanɛɛsɩ 12:2

Peeɖe palabɩ-ɩ tɔɔnaɣ nɛ Maarta wona. Lazaarɩ kɛwɛ mbá pa nɛ Yesu paacaɣ ɖɩtɔɔyɛ yɔ pa-taa.

1 Kɔrɛntɩ 10:27

Yee weyi ɛfɛyɩnɩ lidaʋ Krɩstʋ yɔɔ yɔ, ɛya-ŋ se ŋwolo ŋtɔɔ ɛ-tɛ nɛ ŋtalɩ yɔ, ŋpɩzɩɣ ŋtɔɔ mbʋ́ pɩtɩŋa pɔkɔŋnɩ-ŋ yɔ. Taapɔzɩ ña-tɩ tɔm natʋyʋ pʋ-yɔɔ nɛ pʋkɔɔ piliɣti-ŋ.