Luka 5:20 - New Testament

²⁰ Peeɖe Yesu nawa se pɛwɛnɩ lidaʋ ɛ-yɔɔ nɛ eheyi kalɩkalaɣ ŋ́gá se: «Man-taabalʋ! Menkpeɣ-ŋ ña-kɩwɛɛkɩm.»

Luka 5:20 ပူးပေါင်းရင်းမြစ်များ

Maatiyee 9:2

Ɛtalaa lɛ, ɛnaɣ ɛyáa nabɛyɛ, powokaɣnɩ kalɩkalaɣ nakɛyɛ ɛ-cɔlɔ, kɛhɛnɩ ka-ñalʋʋ yɔɔ. Powokaɣnɩ-kɛ se ɛla nɛ kɔ-yɔɔ cɛ. Ɛnawa se ɛyáa ḿbá pɛwɛnɩ lidaʋ ɛ-yɔɔ lɛ, eheyi kalɩkalaɣ ŋ́gá se: «Man-taabalʋ! Đɔkɩ ña-tɩ, mbʋ́ pʋyɔɔ yɔ, menkpeɣ-ŋ ña-kɩwɛɛkɩm.»

Maatiyee 9:5

Yee meheyi kalɩkalaɣ ŋ́gá se menkpeɣ-kɛ ka-kɩwɛɛkɩm yaa kakʋyɩ kɔɖɔ, tɩ-naalɛ tɩ-taa lɛ, ndʋ́ tɩfɛyɩ kaɖɛ?

Maarkɩ 2:5

Yesu nawa se ɛyáa ḿbá pɛwɛnɩ lidaʋ ɛ-yɔɔ lɛ, eheyi kalɩkalaɣ ŋ́gá se: «Man-taabalʋ! Menkpeɣ-ŋ ña-kɩwɛɛkɩm.»

Luka 7:48

Peeɖe Yesu heyi halʋ ɛnʋ se: «Menkpeɣ-ŋ ña-kɩwɛɛkɩm.»

Yohanɛɛsɩ 2:25

Pɩtaapɔzɩ se pacazɩ-ɩ heyuu ɛyáa tɔm. Mbʋ́ pʋyɔɔ yɔ, ɛ-maɣmaɣ ɛsɩm mbʋ́ pʋwɛ pa-taa yɔ.

Yohanɛɛsɩ 5:14

Pʋwayɩ lɛ, Yesu wolo Ɛsɔ ɖɩɣa taa nɛ ɛmaɣnɩ abalʋ weyi ɛ-yɔɔ cɛba ḿbʋ́ yɔ. Peeɖe eheyi-i se: «Welesi ŋnɩɩ, lɛɛlɛɛyɔ, ñɔ-yɔɔ cɛba. Taatasɩ kɩwɛɛkɩm labʋ nɛ nabʋyʋ tasɩ-ŋ labʋ nɛ pɩkɩlɩ ḿbʋ́.»

Tʋma Labʋ 11:23

Ɛtalaa lɛ, ɛna ɛzɩma mbʋ́ Ɛsɔ labɩ lootiye mbá pɛwɛnɩ lidaʋ Krɩstʋ yɔɔ yɔ nɛ ɛ-taa hʋlʋmɩ nɛ ɛsazɩ patɩŋa payɩ se pɔ́ɖɔ́kɩ Kɩpaɣlʋ nɛ laŋɩyɛ kʋɖʋmɖɩyɛ kpam.

Tʋma Labʋ 14:9

Abalʋ ɛnʋ ewelesaɣ tɔm ndʋ́ Pɔɔlɩ yɔɔdaɣ yɔ. Ɛ́lɛ́ cɔnɩ-ɩ pɩŋŋ lɛ, ɛna se ɛwɛnɩ lidaʋ Ɛsɔ yɔɔ se ɛpɩzɩɣ ɛla nɛ ɛ-yɔɔ cɛ.

2 Kɔrɛntɩ 2:10

Yee nɔɔyʋ ɛyʋsaa nɛ ikpeɣ-i yɔ, ma ɖɔɖɔ menkpeɣiɣ-i. Ma lɛ, yee pɩɩwɛɛ se menkpeɣ nɔɔyʋ yɔ, mɛntɛm-ɩ kpeɣu mɩ-yɔɔ ɛzɩ pʋmʋnaʋ se mala Krɩstʋ ɛsɩndaa yɔ.

Koloosi 3:13

Ɩɖɔkɩ ɖama camɩyɛ nɛ ikpeɣiɣ ɖama. Yee nɔɔyʋ ɛyʋsɩnɩ-ŋ yɔ, pʋwɛɛ se ŋkpeɣ-i ɛzɩ Kɩpaɣlʋ kpeɣu-mɩ ɖɔɖɔ yɔ.

Yakubu 2:18

Ɛlɛ́, yee nɔɔyʋ ɛtɔm se: «ɛwɛnɩ lidaʋ Ɛsɔ yɔɔ nɛ ma malakɩ lakasɩ kɩbanzɩ yɔ» mɔnpɔzʋʋ pʋdʋ se: «Wɩlɩ-m ɛzɩma mbʋ́ ŋwɛnɩ lidaʋ Ɛsɔ yɔɔ nɛ ŋŋlakɩ lakasɩ kɩbanzɩ yɔ nɛ ma mawɩlɩ-ŋ ɛzɩma mbʋ́ mɛwɛnɩ lidaʋ ɛ-yɔɔ yɔ nɛ ma-lakasɩ kɩbanzɩ yɔ.»