Luka 3:7 - New Testament

⁷ Yohanɛɛsɩ yɔɔdaɣ ḿbʋ́ lɛ, ɛyáa samaɣ woki ɛ-cɔlɔ nɛ ɛlakɩ-wɛ lɩm sɔʋ sɔnzɩ. Peeɖe eheyi-wɛ se: «Đʋmaa mɩ! Aheyi-mɩ se ise Ɛsɔ pana wena akɔŋ-mɩ kpanaʋ yɔ?

Luka 3:7 ပူးပေါင်းရင်းမြစ်များ

Maatiyee 12:34

Đʋmaa mɩ! Ɩtɛm kɛʋ ɛyáa azaɣ́a lɛ, ɛzɩma ɩpɩzɩɣ ɩyɔɔdɩ tɔm kɩbandʋ yɔ? Mbʋ́ pʋyɔɔ yɔ, tɔm ndʋ́ tɩhaɣ ɛyʋ taa yɔ, ńdʋ́ lɩɣnɩ ɛ-nɔɔ taa.

Maatiyee 23:33

Đʋmaa mɩ! Ɛzɩma ɩlakɩ nɛ Ɛsɔ ɛtaakʋ mɩ-tɔm nɛ ɛɖʋ-mɩ kʋñɔŋ maatɛŋ taa?

Maatiyee 3:6

nɛ paa weyi ɛyɔɔdʋʋ ɛ-kɩwɛɛkɩm mbʋ́ ɛlaba yɔ nɛ Yohanɛɛsɩ ɛnʋ ɛlakɩ-wɛ lɩm sɔʋ sɔnzɩ Yɔɔrdaŋ pɔɔ taa.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Tʋma Labʋ 13:10

nɛ eheyi-i se: «Cɛtɩyʋ ña, ŋcɛtɩɣ ɛyáa tɩŋa! Kañadʋ ña weyi ŋŋcaɣ se ŋna pʋyʋ kʋtʋʋzʋ ñɛ-ɛsɩndaa kpem yɔ! Đooye ŋcaɣ se ŋyele Kɩpaɣlʋ nɩmaŋ wɛɛkʋʋ?

1 Tesalooniki 1:10

se ɩɖaŋ ɛ-Pɩyalʋ weyi ɛlɩɣnɩ ɛsɔdaa se ɛkɔɔ yɔ. Ɛnʋ lɛ Yesu weyi efezi-i nɛ sɩɖaa taa yɔ. Ɛnʋ lɩzɩɣnɩ-ɖʋ Ɛsɔ pana wena akɔŋ-ɖʋ kpanaʋ yɔ a-taa.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.

1 Yohanɛɛsɩ 3:8

Weyi ɛ́lɛ́ ñɛwɛɛ nɛ ɛlakɩ kɩwɛɛkɩm yɔ, ɛkɛ eleeu ñɩnʋ. Mbʋ́ pʋyɔɔ yɔ, ɛnʋ wɛna nɛ ɛlakɩ kɩwɛɛkɩm ɖooo ɛzɩ Ɛsɔ labʋ kedeŋa yɔ. Pʋ-yɔɔ Ɛsɔ Pɩyalʋ kɔm kedeŋa yɔɔ se ɛwɛɛkɩ mbʋ́ eleeu ɛnʋ ɛlaba yɔ.