Luka 3:14 - New Testament

¹⁴ Sɔɔjanaa ñɔpɔzɩ-ɩ ḿbʋ́ ɖɔɖɔ se: «Nɛ ɖa yɔ, ɛbɛ pʋmʋnaa se ɖɩla?» Ecosi-wɛ se: «Ɩtaakpa nɔɔyʋ nɛ ɩmʋ e-liidiye yaa ɩtaacɛtɩnɩ nɔɔyʋ taa yem. Ɛlɛ́, mɩ-laŋa ɩhʋlʋmɩnɩ mbʋ́ pɛhɛyɩɣ-mɩ yɔ.»

Luka 3:14 ပူးပေါင်းရင်းမြစ်များ

Maatiyee 8:5

Pʋwayɩ lɛ, Yesu kʋyɩ se ewoki Kapɛrnayum. Ɛsʋwaɣ tɛtʋ ńdʋ́ tɩ-taa lɛ, Room sɔɔja sɔsɔ nɔɔyʋ wolo ɛ-cɔlɔ nɛ etendi-i se:

Luka 19:8

Ɛlɛ́, Zaacee kʋyɩ nɛ eheyi Yesu se: «Kɩpaɣlʋ! Meheyiɣ-ŋ se mantayɩɣ ma-ñɩm tam naalɛ nɛ mankpaɣ hɔɔlʋʋ maha kʋñɔndɩnaa. Yee maamuli nɔɔyʋ nɛ mɔntɔɔ e-liidiye yɔ, mɛhɛyɩ-ɩ ɖɩ-tam naanza.»

Luka 3:10

Peeɖe ɛyáa samaɣ pɔzɩ-ɩ se: «Ɛzɩma pʋwɛɛ se ɖɩla yɔ?»

Luka 3:13

Peeɖe ecosi-wɛ se: «Ɩtaapɔzɩ ɛyáa nɛ pɩɖɛɛ mbʋ́ paɖʋwa se pɛhɛyɩ yɔ pʋ-yɔɔ.»

Tʋma Labʋ 10:7

Ɛsɔ tiyiyu weyi ɛyɔɔdɩnɩ Kɔɔrnɛɛyɩ yɔ, ɛɖɛwa lɛ, ɛ́lɛ́ tɩkʋsɩ ɛ-tʋmlaɖaa naalɛ nɛ ɛ-sɔɔjanaa mbá ɛ nɛ wɛ pamalɩnɩ ɖama yɔ pa-taa lɛlʋ weyi ɛlakɩ mbʋ́ Ɛsɔ liu wɛɛ yɔ

Filiipu 2:15

Ɩla ḿbʋ́ nɛ pataana kawanaɣ nakɛyɛ mɩ-yɔɔ nɛ ɩwɛɛ cɩɖɩcɩɖɩ nɛ ɩkɛ Ɛsɔ piya nzɩ́ paanaɣ sɩ-yɔɔ kɩwɛɛkɩm nabʋyʋ yɔ kedeŋa yɔɔ cɩnɛ ɛyáa azaɣ́a nɛ kɩtatʋʋzɩŋ pɛ-hɛkʋ taa. Mɩ lɛ ñalɩmɩyɛ pɛ-hɛkʋ taa ɛzɩ ɛsɔdaa tɩɩnzɩ yɔ.

Filiipu 4:11

Pɩtɛkɛ se nabʋyʋ tɛɖɩɣ-m yɔɔ mɔyɔɔdʋʋ ḿbʋ́. Toovenim lɛ, mamalɩsɩ man-tɩ se paa ɛbɛ taa mɛwɛɛ yɔ, pɩtaacɛyɩ-m.

Tiiti 2:3

Halaa akpadɩyaa lɛ, heyi paba se pacaɣ wezuu ɛzɩ pʋmʋnaʋ se Ɛsɔ ñɩma ɛcaɣ yɔ. Pɩtamʋnɩ se pɛwɛɛkɩɣ ɛyáa hɩla yaa pɛkɛ sʋlʋm yomaa. Ɛlɛ́, pʋwɛɛ se patasɩ ɛyáa tɔm kɩbandʋ.

Wɩlʋʋ 12:10

Peeɖe manɩɣ puholuuni ɛsɔdaa ɖoŋ se: «Lɛɛlɛɛyɔ, ñʋʋ yabʋ alɩwaatʋ talaa! Pɩtalaa se ɖɛ-Ɛsɔ ɛwɩlɩ e-Kewiyaɣ ɖoŋ! Pɩtalaa ɖɔɖɔ se Weyi Ɛlɩzaa Yɔ, ɛwɩlɩ ɛ-abalɩtʋ. Mbʋ́ pʋyɔɔ yɔ, potuzi weyi ɛkʋyaɣ ɖa-taabalaa yɔɔ wɩsɩ nɛ ɖoó ɖɛ-Ɛsɔ ɛsɩndaa yɔ nɛ ɛsɔdaa nɛ pɛpɛɖɩ-ɩ kedeŋa yɔɔ.