Luka 3:11 - New Testament

¹¹ Ecosi-wɛ se: «Nɔɔyʋ ɛwɛnɩ tokonaa naalɛ yɔ, ɛpasɩ lɛɛkʋ nɛ ɛha weyi ɛfɛyɩna yɔ. Yee nɔɔyʋ ɛwɛnɩ tɔɔnaɣ yɔ, ɛha ɖɔɖɔ weyi ɛfɛyɩna yɔ.»

Luka 3:11 ပူးပေါင်းရင်းမြစ်များ

Maatiyee 25:40

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: alɩwaatʋ ndʋ́ ɩlabɩ-pʋ mɛ-ɛyáa mbá patakpaɣ-wɛ payaa pʋyʋ yɔ pa-taa nɔɔyʋ yɔ, man-tɩ tɩŋa ɩlaba.›

Luka 11:41

Pʋ-yɔɔ lɛ, pɩkɩlɩ ɖeu se ɩha kʋñɔndɩnaa mbʋ́ pʋwɛ mɩ-ñanzɩ nɛ mi-eyisi pa-taa yɔ. Ɩlabɩ ḿbʋ́ yɔ, nabʋyʋ ɛɛtasɩɣ-mɩ pisuu.

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 19:8

Ɛlɛ́, Zaacee kʋyɩ nɛ eheyi Yesu se: «Kɩpaɣlʋ! Meheyiɣ-ŋ se mantayɩɣ ma-ñɩm tam naalɛ nɛ mankpaɣ hɔɔlʋʋ maha kʋñɔndɩnaa. Yee maamuli nɔɔyʋ nɛ mɔntɔɔ e-liidiye yɔ, mɛhɛyɩ-ɩ ɖɩ-tam naanza.»

Yohanɛɛsɩ 13:29

Yudaasɩ ɖɔkaɣnɩ pe-liidiye huyuu. Pʋ-yɔɔ pa-taa nabɛyɛ maɣzaɣ se Yesu heyaɣ-ɩ se ewolo ɛya kazandʋ wondu ndʋ́ pʋpɔzʋʋ-wɛ yɔ. Lɛlaa ñamaɣzaɣ se yaa eheyaɣ-ɩ se ɛlɩzɩ nabʋyʋ nɛ ɛha kʋñɔndɩnaa.

Tʋma Labʋ 10:2

Ɛlakaɣ mbʋ́ Ɛsɔ liu wɛɛ yɔ nɛ ɛ nɛ ɛ-hɔʋ taa ñɩma tɩŋa payɩ pañaŋ Ɛsɔ. Ɛsɩŋaɣnɩ Yuda ñɩma kʋñɔndɩnaa siŋŋ nɛ ɛpaŋ Ɛsɔ sɛʋ.

Tʋma Labʋ 10:31

nɛ eheyi-m se: ‹Kɔɔrnɛɛyɩ! Ɛsɔ nɩ ñe-tenduu nɛ ɛna sɩnaʋ mbʋ́ ŋsɩŋnɩ kʋñɔndɩnaa yɔ.

Tʋma Labʋ 10:4

Peeɖe ɛcɔnɩ tiyiyu ɛnʋ nɛ sɔɔndʋ kpa-ɩ nɛ ɛpɔzɩ-ɩ se: «Kɩpaɣlʋ! Alaafɩya lɛ?» Ɛ́lɛ́ cosi-i se: «Ɛsɔ nɩ ñe-tenduu nɛ ɛna sɩnaʋ mbʋ́ ŋsɩnɩ kʋñɔndɩnaa yɔ, ɛɛsɔʋ ñɔ-yɔɔ.

Efɛɛzɩ 4:28

Weyi ɛmɩlaɣ yɔ, ɛtaatasɩ mɩlʋ́ʋ. Ɛlɛ́, ɛñaɣ pana nɛ ɛla tʋmɩyɛ nɛ toovenim nɛ ɛ-maɣmaɣ e-nesi nɛ ehiɣ nɛ ɛha weyi ɛwɛ kʋñɔŋ taa yɔ.

1 Timootee 6:17

Ñɩm tɩnaa lɛ, heyi-wɛ se pataakpazɩ pa-tɩ. Pataataa pa-ñɩm, mbʋ́ pʋyɔɔ yɔ, pɩɩwɛɣ tam. Ɛlɛ́, pataa Ɛsɔ weyi ɛhaɣ-ɖʋ pɩtɩŋa payɩ sakɩyɛ se ɖa-laŋa ɛhʋlʋmɩnɩ-pʋ yɔ.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

Ebree 6:10

Ɛsɔ lɛ weyi ɛhʋʋ tɔm nɛ toovenim yɔ. Ɛɛsɔʋ mɩ-camɩyɛ lakasɩ yɔɔ. Ɛɛsɔʋ ɖɔɖɔ sɔɔlɩm mbʋ́ ɩsɔɔlɩ-ɩ nɛ ɩtɩŋɩɣnɩ pʋ-yɔɔ nɛ ɩsɩŋnɩ ɛ-ñɩma yɔ pʋyɔɔ. Ḿbʋ́ ɖɔɖɔ ɩwɛɛ ɩlakɩ lɛɛlɛɛyɔ.

Yakubu 1:27

Weyi ɛɖɔkʋʋ suluwaa nɛ lelaa pa-kʋñɔmɩŋ taa nɛ ɛɖɔkʋʋ ɛ-tɩ se kedeŋa yɔɔ kɩdɛkɛdɩm ɛtaapisi-i yɔ, ɛnʋ tɩŋɩɣnɩ Caa Ɛsɔ wayɩ ɛzɩ pʋmʋnaʋ yɔ nɛ pɩkɛdɩɣnɩ ɛ́lɛ́.

Yakubu 2:14

Man-taabalaa! Yee ɛyʋ ɛwɛɛ nɛ ɛyɔɔdʋʋnɩ nɔɔ yem se: «Mɛwɛnɩ lidaʋ Ɛsɔ yɔɔ» nɛ ɛɛwɩlɩɣ-kʋ nɛ lakasɩ kɩbanzɩ lɛ, pɩwazɩɣ-ɩ we? Lidaʋ ŋ́gʋ́ kɩpɩzɩɣ kɩya ɛ-ñʋʋ naa we?

1 Yohanɛɛsɩ 3:17

Yee nɔɔyʋ ɛwɛnɩ ñɩm nɛ ɛna se ɛ-taabalʋ fɛyɩnɩ pʋyʋ nɛ piteheyi-i natʋyʋ lɛ, ɛzɩma ɛpɩzɩɣ ɛtɔ se ɛsɔɔlɩ Ɛsɔ yɔ?

1 Yohanɛɛsɩ 4:20

Yee nɔɔyʋ ɛtɔm se ɛsɔɔlɩ Ɛsɔ nɛ ɛpaɖɩɣ lɛlaa yɔ, ɛkɛ pɔpɔtʋ. Mbʋ́ pʋyɔɔ yɔ, ɛzɩma ɛpɩzɩɣ ɛsɔɔlɩ Ɛsɔ weyi ɛɛnaɣ ɛ́lɛ́ yɔ nɛ pɩkazɩ ɛpaɖɩ ɛ-taabalʋ weyi ɛ nɛ ɩ panaɣ ɖama yɔ?