Luka 24:47 - New Testament

⁴⁷ Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Luka 24:47 ပူးပေါင်းရင်းမြစ်များ

Maatiyee 28:19

Iwolo ajɛya kpeekpe taa ɛyáa cɔlɔ nɛ ɩla nɛ papɩsɩ mɔn-tɔmkpɛlɩkɩyaa nɛ ɩlabɩ-wɛ lɩm sɔʋ sɔnzɩ Caa Ɛsɔ nɛ ɛ-Pɩyalʋ nɛ e-Fezuu Kiɖeɖeu pa-hɩɖɛ taa.

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 9:13

Iwolo ɩñɩnɩ Ɛsɔtɔm Takayaɣ taa tɔm ndʋ́ pamawa yɔ tɩ-tɔbʋʋ. Ńdʋ́ lɛ se: ‹Ma Ɛsɔ mɔntɔsɔɔlɩ mɩ-kɩlaŋ, ɛlɛ́, me-liu wɛɛ se ɩna ɖama pʋtɔdɩyɛ.› » Yesu tasɩ yɔɔdʋʋ se: «Pɩtɛkɛ mbá pamaɣzɩɣ se pɛkɛ kʋtʋʋzaa yɔ pa-wayɩ mɔnkɔma. Ɛlɛ́, mbá pasɩm pa-tɩ se pɛkɛ kɩwɛɛkɩm laɖaa yɔ pa-wayɩ mɔnkɔm se pɛlɛɣzɩ wɛtʋ.»

Luka 13:34

Hei! Yeruusalɛm ñɩma mɩ, ɩkʋʋ náyaa nɛ ɩyakɩ ɛyáa mbá Ɛsɔ tiyini-mɩ yɔ pɛɛ nɛ pasɩkɩ. Tam ɛzɩma mɔntɔsɔɔlɩ se menkpeɣli-mɩ mɔn-cɔlɔ nɛ mohuuzi mɩ-yɔɔ nɛ pʋyʋ ɛtaalabɩ-mɩ ɛzɩ ɖoyuu pabʋʋ kɩ-kalɩmasɩ yɔɔ yɔ nɛ ikizi?

Tʋma Labʋ 10:43

Náyaa tɩŋa lɩzɩ ɛ-aseɣɖe se: weyi ɛwɛɣnɩ lidaʋ ɛ-yɔɔ yɔ, pɩtɩŋɩɣnɩ ɛ-yɔɔ nɛ Ɛsɔ kpeɣ pʋdʋ ɛ-kɩwɛɛkɩm.»

Tʋma Labʋ 11:18

Panɩ tɔm ńdʋ́ lɛ, pɛhɛzɩ pa-tɩ nɛ pasaŋ Ɛsɔ se: «Yee ḿbʋ́, Ɛsɔ yebi ɖɔɖɔ se halɩ mbá pɛtɛkɛ Yuda ñɩma yɔ, pɛlɛɣzɩ wɛtʋ nɛ pehiɣ wezuu!»

Tʋma Labʋ 13:46

Peeɖe ɛ nɛ Barnaabaasɩ peheyi-wɛ kpayɩ se: «Mɩ pɩɩmʋnaa se ɖɩlɛyɩnɩ Ɛsɔtɔm heyuu nɛ pʋcɔ. Ɛlɛ́, ɖenɖe ikizi-tʋ nɛ ɩmaɣzɩɣ se ɩtamʋnɩ se ihiɣ wezuu maatɛŋ yɔ, ɖiyeki-mɩ ɖiwolo mbá pɛtɛkɛ Yuda ñɩma yɔ pɔ-cɔlɔ.

Tʋma Labʋ 2:38

Ɛ́lɛ́ cosi-wɛ se: «Ɩlɛɣzɩ wɛtʋ nɛ pala paa mɩ-taa weyi lɩm sɔʋ sɔnzɩ Yesu Krɩstʋ hɩɖɛ taa nɛ pekpeɣ-mɩ mɩ-kɩwɛɛkɩm. Peeɖe Ɛsɔ haɣ-mɩ e-Fezuu Kiɖeɖeu.

Tʋma Labʋ 20:21

Meheyi Yuda ñɩma nɛ mbá pɛtɛkɛ Yuda ñɩma yɔ se pɛlɛɣzɩ wɛtʋ Ɛsɔ ɛsɩndaa nɛ pɛwɛnɩ lidaʋ ɖa-Kɩpaɣlʋ Yesu yɔɔ.

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

Tʋma Labʋ 26:20

Ɛlɛ́, Damaasɩ ñɩma manpazɩnɩ Ɛsɔtɔm susuu. Pʋwayɩ lɛ, monsusi-tʋ ɖɔɖɔ Yeruusalɛm ñɩma nɛ Yudee egeetiye taa ñɩma tɩŋa nɛ ajɛya lɛɛna taa ñɩma. Meheyi-wɛ se pɛlɛɣzɩ wɛtʋ nɛ papɩsɩnɩ Ɛsɔ yɔɔ nɛ pala mbʋ́ pɩwɩlɩɣ se toovenim pɛlɛɣzɩ wɛtʋ yɔ.

Tʋma Labʋ 28:28

Pɔɔlɩ tasɩ-wɛ heyuu se pʋwɛɛ se patɩlɩ se mbá pɛtɛkɛ Yuda ñɩma yɔ, ḿbá Ɛsɔ tiyini ñʋʋ yabʋ tɔm tʋnɛ. Paba kɔŋnɩ-tʋ welesuu!

Tʋma Labʋ 3:19

Pʋ-yɔɔ lɛ, ɩlɛɣzɩ wɛtʋ nɛ ɩpɩsɩnɩ Ɛsɔ yɔɔ nɛ ekpeɣ-mɩ mɩ-kɩwɛɛkɩm.

Tʋma Labʋ 4:12

Ñʋʋ yaɖʋ nɔɔyʋ fɛyɩ nɛ pɩtasɩnɩ-ɩ. Mbʋ́ pʋyɔɔ yɔ, Ɛsɔ talɩzɩ nɔɔyʋ kedeŋa yɔɔ cɩnɛ se pɩtɩŋnɩ ɛ́lɛ́ yɔɔ nɛ pɩpɩzɩ pɩya ɖa-ñʋʋ.»

Tʋma Labʋ 5:31

Efezi-i lɛ, ɛkpazɩ-ɩ nɛ ɛcaɣzɩ lone kɩbanɖɛ taa ɛ-cɔlɔ nɛ ɛpɩsɩ-ɩ Wiyaʋ Sɔsɔ weyi ɛkɛ Ñʋʋ Yaɖʋ yɔ se ɛwɩlɩ Izrɛɛlɩ ñɩma nʋmɔʋ nɛ pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm.

Room 5:20

Paɖʋ paɣtʋ lɛ, kɩwɛɛkɩm tɛzɩ ɖɔʋ. Ɛlɛ́, ɖenɖe kɩwɛɛkɩm tɛzɩ ɖɔʋ yɔ, lootiye ñɔɖɔwa nɛ pɩkɩlɩ.

Efɛɛzɩ 1:6

Ɛlabɩ ḿbʋ́ se ɖɩsam-ɩ lootiye koboyaɣ ñɩnɖɛ nɖɩ́ ɛtɩŋnɩ ɛ-Pɩyalʋ kʋsɔɔlʋ yɔɔ nɛ ɛlabɩ-ɖʋ yɔ ɖɩ-yɔɔ.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

1 Yohanɛɛsɩ 2:12

Men-piya! Mamaɣ-mɩ takayaɣ kanɛ se meheyi-mɩ tɔm tʋnɛ, mbʋ́ pʋyɔɔ yɔ, Ɛsɔ tɛm tɩŋnaʋ Yesu Krɩstʋ yɔɔ nɛ ekpeɣ-mɩ mɩ-kɩwɛɛkɩm.