Luka 24:44 - New Testament

⁴⁴ Ɛlɛ́, eheyi-wɛ se: «Mbʋ́ pʋ-tɔm maaheyi-mɩ alɩwaatʋ ndʋ́ ma nɛ mɩ ɖɩɩwɛɛ yɔ, ḿbʋ́ labɩnɩ ɛzʋnɔ yɔ. Mbʋ́ pʋyɔɔ yɔ, pɩɩwɛɛ se mɔn-tɔm ndʋ́ tɩtɩŋa paama Mooyiizi nɛ náyaa nɛ keɣsi maɖaa pa-takayɩsɩ taa yɔ, tɩla.»

Luka 24:44 ပူးပေါင်းရင်းမြစ်များ

Maatiyee 1:22

Pɩtɩŋa payɩ pɩlaba ḿbʋ́ se tɔm ndʋ́ Kɩpaɣlʋ katɩŋnɩ náyʋ nɔɔyʋ yɔɔ nɛ ɛyɔɔdɩ yɔ, tɩla. Ńdʋ́ lɛ se:

Maatiyee 16:21

Alɩwaatʋ ńdʋ́ʋ́ Yesu pazɩ ɛ-tɔmkpɛlɩkɩyaa yɔɔdɩnaʋ nɛ ɛkaɖɩ-wɛ se pʋwɛɛ se ewolo Yeruusalɛm nɛ ɛtɔɔ kʋñɔŋ siŋŋ Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pe-nesi taa nɛ pakʋ-ɩ nɛ ɛsɩ nɛ kɩyakɩŋ naadozo wiye lɛ, Ɛsɔ fezi-i.

Maatiyee 26:54

Ŋgʋ́, yee malabɩ ḿbʋ́, ɛzɩma tɔm ndʋ́ pama Ɛsɔtɔm Takayaɣ taa yɔ, tɩpɩzɩɣ tɩla? Pamawa se pʋwɛɛ se tɩla ḿbʋ́.»

Maatiyee 26:56

Ɛlɛ́, pɩtɩŋa pɩlabɩ ḿbʋ́ se tɔm ndʋ́ náyaa ma Ɛsɔtɔm Takayaɣ taa yɔ, tɩla.» Peeɖe ɛ-tɔmkpɛlɩkɩyaa tɩŋa payɩ mɩzɩ ɖama nɛ peyebi-i.

Maarkɩ 9:31

Mbʋ́ pʋyɔɔ yɔ, ɛwɩlaɣ ɛ-tɔmkpɛlɩkɩyaa. Eheyaɣ-wɛ se: «Pɔkɔŋ kpaʋ Ɛyʋ Pɩyalʋ nɛ paɖʋzɩ-ɩ ɛyáa nesi taa nɛ pakʋ-ɩ nɛ ɛsɩ. Kɩyakɩŋ naadozo wiye lɛ, Ɛsɔ fezi-i.»

Luka 21:22

Mbʋ́ pʋyɔɔ yɔ, alɩwaatʋ ńdʋ́ʋ́ Ɛsɔ wɩlɩɣ ɛ-pana se ndʋ́ tɩtɩŋa pama ɛ-Tɔm Takayaɣ taa yɔ tɩla.

Luka 22:37

Mbʋ́ pʋyɔɔ yɔ, mankaɖɩɣ-mɩ se pʋwɛɛ se pɩtɩŋnɩ mɔ-yɔɔ nɛ tɔm ndʋ́ paama Ɛsɔtɔm Takayaɣ taa yɔ, tɩla. Ńdʋ́ lɛ se: ‹Azaɣ́a hɛkʋ taa paɖʋʋ-ɩ.› Toovenim lɛ, mɔn-tɔm ndʋ́ paamawa yɔ, tɩlakɩ ḿbʋ́.»

Luka 24:46

nɛ eheyi-wɛ se: «Ndʋ́ pama ka-taa yɔ lɛ se pʋwɛɛ se Weyi Ɛsɔ Lɩzaa Yɔ, ɛtɔɔ kʋñɔŋ nɛ ɛsɩ nɛ pepim-i. Kɩyakʋ naadozo ñɩŋgʋ wiye lɛ, pefezi-i nɛ ɛlɩɩnɩ pɩlaʋ taa.

Luka 9:22

Ɛtasɩ-wɛ heyuu se pʋwɛɛ se Ɛyʋ Pɩyalʋ ɛla kʋñɔŋ siŋŋ. Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pɔkɔŋ kizuu ɛ-tɔm nɛ pakʋ-ɩ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i nɛ sɩm taa.

Luka 9:44

«Ɩɖɔkɩ tɔm ndʋ́ meheyiɣ-mɩ lɛɛlɛɛyɔ yɔ camɩyɛ. Pɔkɔŋ Ɛyʋ Pɩyalʋ kpaʋ nɛ paɖʋzɩ ɛyáa nesi taa.»

Yohanɛɛsɩ 3:14

Ɛzɩma mbʋ́ Mooyiizi kopuzi ɖʋm weyi ɛlabɩnɩ ñɩ́ɣ́yʋ́ʋ yɔ ɖaʋ yɔɔ lakʋ taa, ḿbʋ́ ɖɔɖɔ pʋwɛɛ se pala Ɛyʋ Pɩyalʋ,

Yohanɛɛsɩ 5:39

Ɩtazɩɣ tɔm ndʋ́ pama Ɛsɔtɔm Takayaɣ taa yɔ tɩ-taa, mbʋ́ pʋyɔɔ yɔ, ɩmaɣzɩɣ se tɩhaɣ-mɩ wezuu maatɛŋ. Meheyiɣ-mɩ se ńdʋ́ lɩzɩɣnɩ ma-aseɣɖe!

Yohanɛɛsɩ 5:46

Mɔyɔɔdʋʋ ḿbʋ́, mbʋ́ pʋyɔɔ yɔ, mɔn-tɔm ɛmawa. Toovenim lɛ, yee iitisi ɛ-tɔm yɔ, iitisi ma-ñɩndʋ ɖɔɖɔ.

Tʋma Labʋ 13:33

ɖa pa-sayɩnaa ɛlabɩ-pʋ. Mbʋ́ pʋyɔɔ yɔ, efezi Yesu ɛzɩ ɛyɔɔdʋʋ nɛ pama Keɣsi Takayaɣ ñʋŋ naalɛ taa yɔ. Ɛyɔɔdaa se: ‹Ña lɛ man-Pɩyalʋ. Pɩkpaɣʋnɩ sɔnɔ yɔ, ma lɛ ña-Caa.›

Tʋma Labʋ 13:40

Pʋ-yɔɔ meheyiɣ-mɩ se ɩɖɔkɩ mɩ-tɩ camɩyɛ, ɩtaayele nɛ tɔm ndʋ́ náyaa ma pa-takayɩsɩ taa yɔ, tɩtalɩ-mɩ. Ńdʋ́ lɛ se: ‹Mbá mɩ ɩtakpaɣ Ɛsɔ nɛ ɩyaa pʋyʋ yɔ, iwelesi nɛ ɩnɩɩ nɛ pɩɖɩɣzɩ-mɩ nɛ ɩmʋʋ yem! Mbʋ́ pʋyɔɔ yɔ, malakɩ tʋmɩyɛ sɔsɔɖɛ naɖɩyɛ mɩ-alɩwaatʋ taa nɛ paa nɔɔyʋ eheyi-mɩ ɖɩ-tɔm yɔ, iitisiɣ.› » «Maañɩnɩɣ se pɩtalɩ-mɩ ḿbʋ́.»

Tʋma Labʋ 2:27

Mbʋ́ pʋyɔɔ yɔ, ña Kɩpaɣlʋ ŋŋyeki-m sɩɖaa taa nɛ mɛntɛŋɛlɩ. Ŋŋyeki ma ña-ñɩnʋ nɛ manɖazɩ.

Tʋma Labʋ 3:18

Tɔm ndʋ́ Ɛsɔ keheyi náyaa tɩŋa ɖooo lɔŋ yɔ, ńdʋ́ labɩnɩ ɛzʋnɔ yɔ. Ńdʋ́ lɛ se pʋwɛɛ se Weyi Ɛsɔ Lɩzaa Yɔ ɛtɔɔ kʋñɔŋ.

Tʋma Labʋ 7:37

Ɛnʋ ɖɔɖɔ heyini Izrɛɛlɩ ñɩma se: ‹Ɛsɔ kɔŋ-mɩ tiyinaʋ náyʋ nɔɔyʋ ɛzɩ ma yɔ, ɛkɛɣ mɩ-ñɩma taa nɔɔyʋ.›

Ebree 10:1

Ñɩm kɩbam mbʋ́ Krɩstʋ kɔnaa yɔ, Mooyiizi paɣtʋ kɛnɩ pɩ-kɩlɛmʋʋ yem. Tɩtɛkɛ pɩ-maɣmaɣ. Tɩɩpɩzɩɣ tɩñɔɔzɩ ɛyáa nɛ papɩsɩ kɩbama nɛ powolo Ɛsɔ cɔlɔ: ɛzɩma tɩpɩzɩɣ tɩtɩŋnɩ kɩlaŋ weyi palaɣ pɩnzɩ tɩŋa payɩ nɛ pɩfɛyɩ tɩnaɣ yɔ ɩ-yɔɔ nɛ tɩñɔɔzɩ ɛyáa?

Ebree 3:5

Mooyiizi lɛ, ɛɛlaba ɛ-tʋmɩyɛ camɩyɛ Ɛsɔ ɖɩɣa tɩŋa taa ɛzɩ Ɛsɔ tʋmlaɖʋ yɔ se ɛlɩzɩ tɔm ndʋ́ Ɛsɔ kɔŋ yɔɔdʋʋ yɔ tɩ-aseɣɖe.

Ebree 7:1

Mɛlkisedɛɛkɩ ɛnʋ, ɛɛkɛ Saalɛm wiyaʋ nɛ ɛtɛ ɛkɛ Ɛsɔ Caabiyuu cɔjɔ. Abraham lɩnɩ awiya naayɛ ɖɩwaɖɛ nɛ ɛkɔŋ lɛ, Mɛlkisedɛɛkɩ katɩ-ɩ nɛ ɛwazɩ Abraham ɛnʋ ɛ-yɔɔ.

Ebree 9:8

Ḿbʋ́ Fezuu Kiɖeɖeu wɩlaa se: alɩwaatʋ ndʋ́ Ɛsɔ kɩɖanɖʋʋ kajalaɣ hɔɔlʋʋ wɛɣ yɔ, nɔɔyʋ ɛɛpɩzɩɣ ɛsʋʋ lone nɖɩ́ ɖɩkɩlɩ kaɖɛ yɔ ɖɩ-taa.

1 Pɩyɛ 1:11

Krɩstʋ Fezuu ŋgʋ́ kɩɩwɛ pa-taa yɔ, kiiheyi-wɛ kʋñɔŋ ŋgʋ́ ɛkɔŋ tɔɔʋ yɔ nɛ koboyaɣ ŋgá ɛkɔŋ mʋ́ʋ yɔ pɔ-tɔm. Pʋ-yɔɔ pɛcɛyaɣ pa-tɩ se patɩlɩ alɩwaatʋ ndʋ́ pʋkɔŋ labʋ yɔ nɛ ɛzɩma mbʋ́ pɩlakɩ yɔ.

Wɩlʋʋ 19:10

Peeɖe mɔntɔlɩ ɛ-naŋgbanzɩ tɛɛ se moluŋ ɛ-tɛɛ. Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa mbá pɔɖɔkɩ aseɣɖe nɖɩ́ Yesu lɩzaa yɔ. Ɛsɔ tɛɛ pʋwɛɛ se ŋluŋ!» Aseɣɖe nɖɩ́ Yesu lɩzɩɣ yɔ, ńɖɩ́ seɣtiɣni náyaa.