Luka 24:19 - New Testament

¹⁹ Ɛlɛ́, ɛpɔzɩ-wɛ se: «Ɛbɛ laba tɛ?» Pocosi-i se: «Ɛzɩ ŋtanɩɩ mbʋ́ pɩlabɩ Nazarɛɛtɩ tʋ Yesu yɔ? Ɛɛkɛ náyʋ nɛ ɛlakɩ tʋma nɛ ɛyɔɔdʋʋ tɔm nɛ abalɩtʋ Ɛsɔ nɛ ɛyáa tɩŋa pɛ-ɛsɩndaa.

Luka 24:19 ပူးပေါင်းရင်းမြစ်များ

Maatiyee 21:11

Ɛyáa samaɣ ŋgá katɩŋaɣ-ɩ yɔ, kocosi-wɛ se: «Ɛnʋ lɛ náyʋ Yesu, ɛ-tɛ Nazarɛɛtɩ Galilee egeetiye taa.»

Maarkɩ 1:24

«Yesu Nazarɛɛtɩ tʋ, ɛbɛ ŋcaɣnɩ-ɖʋ? Ŋkɔm se ŋkʋ-ɖʋ yaa we? Mansɩm mbʋ́ ŋkɛnaa yɔ ɖeu, ŋkɛ Ɛsɔ Ɛyʋ.»

Luka 24:18

nɛ pa-taa weyi payaɣ se Kleyoopaasɩ yɔ, ɛpɔzɩ-ɩ se: «Ɛzɩ ñe-ɖeke koŋ ŋwɛnɩ Yeruusalɛm nɛ ŋtanɩɩ mbʋ́ pɩtɩŋa payɩ pɩlabɩ peeɖe kɩyakɩŋ ɩnɛ ɩ-taa yɔ?»

Luka 7:16

Peeɖe sɔɔndʋ kpa patɩŋa nɛ pasaŋ Ɛsɔ nɛ pɔtɔŋ se: «Náyʋ sɔsɔ nɔɔyʋ kɔm ɖɛ-hɛkʋ taa, Ɛsɔ kɔm ɛlɩzɩ ɛ-ɛyáa pɩ-taa.»

Yohanɛɛsɩ 3:2

Abalʋ ɛnʋ, ɛkʋyɩ ɖoó naayɛ taa nɛ ewolo Yesu cɔlɔ nɛ eheyi-i se: «Wɩlɩyʋ! Đɩnawa se Ɛsɔ tiyini-ŋ se ŋkɔɔ ŋwɩlɩ-ɖʋ ɛ-tɔm. Mbʋ́ pʋyɔɔ yɔ, nɔɔyʋ fɛyɩ se ɛpɩzɩɣ ɛla hama lakasɩ nzɩ́ ŋlaba yɔ nɛ Ɛsɔ fɛyɩ ɛ-cɔlɔ.»

Yohanɛɛsɩ 4:19

Halʋ ɛnʋ ecosi-i se: «Đajaa! Manaɣ se ŋkɛ náyʋ.

Yohanɛɛsɩ 6:14

Ɛyáa ḿbá, pana hama lakasɩ nzɩ́ Yesu laba yɔ lɛ, pɔtɔ se: «Toovenim, ɛnɛ lɛ náyʋ weyi paayɔɔdaa se ɛkɔŋ kedeŋa yɔɔ yɔ.»

Yohanɛɛsɩ 7:52

Peeɖe pɔpɔzɩ-ɩ se: «Ña ɖɔɖɔ ŋkɛ Galilee tʋ naa we? Yee ŋkalɩ Ɛsɔtɔm Takayaɣ camɩyɛ yɔ, ŋnaɣ se náyʋ nɔɔyʋ fɛyɩ se ɛkɛ Galilee egeetiye taa tʋ.» [

Tʋma Labʋ 10:38

Ɛsɔ kɛwɛ Nazarɛɛtɩ tʋ Yesu cɔlɔ nɛ eyele e-Fezuu Kiɖeɖeu tii ɛ-yɔɔ nɛ kɩha-ɩ ɖoŋ. Pʋ-yɔɔ ɛcɔwaɣ lona ndɩ ndɩ taa nɛ ɛlakɩ ɛyáa ɖeu nɛ eholuu mbá patɩŋa payɩ pɛwɛ Satanɩ nesi taa yɔ.

Tʋma Labʋ 2:22

Peeɖe Pɩyɛ tasɩ-wɛ heyuu se: «Izrɛɛlɩ ñɩma mɩ! Iwelesi nɛ ɩnɩɩ ndʋ́ meheyiɣ-mɩ yɔ: mɩ-maɣmaɣ ɩtɛm sɩm ḿbʋ́ se Nazarɛɛtɩ tʋ Yesu lɛ weyi Ɛsɔ wɩlɩ-mɩ e-ɖoŋ yɔ. Mbʋ́ pʋyɔɔ yɔ, ɛtɩŋnɩ ɛ-yɔɔ nɛ ɛla hama lakasɩ ndɩ ndɩ nɛ ɛwɩlɩ kawɩlɩsɩ mɩ-hɛkʋ taa.

Tʋma Labʋ 7:22

Ḿbʋ́ hanɩ Mooyiizi waɖɛ nɛ ɛkpɛlɩkɩ mbʋ́ Ejiptɩ ñɩma sɩma yɔ pɩtɩŋa payɩ nɛ ɛyɔɔdʋʋ tɔm nɛ ɛlakɩ tʋma nɛ abalɩtʋ.