Luka 23:4 - New Testament

⁴ Ɛlɛ́, Pilaatɩ heyi Cɔjɔnaa sɔsaa nɛ ɛyáa samaɣ ŋgá kɛwɛ peeɖe yɔ se: «Maanaɣ ɛzaɣ́tʋ ndʋ́ abalʋ ɛnɛ ɛlaba nɛ pʋwɛɛ se mankʋ ɛ-tɔm yɔ.»

Luka 23:4 ပူးပေါင်းရင်းမြစ်များ

Maatiyee 27:19

Pilaatɩ kacaɣ tɔm ɖɩhʋyɛ. Pɩkɛdaa lɛ, ɛ-halʋ tiyi se peheyi-i se: «Taaɖʋ ñɔ-nɔɔ ɛyʋ kʋtʋʋzʋ ɛnʋ ɛ-tɔm taa. Monɖozi-i ɖeɖe ɖoó taa nɛ ɛ-tɔm labɩ-m kʋñɔŋ pɩtɩɩfɛyɩ.»

Maarkɩ 15:14

Ɛtasɩ-wɛ pɔzʋʋ se: «Ɛlɛ́ kɩwɛɛkɩm mbʋ́ kpem ɛlaba?» Ɛlɛ́, pɛtɛzɩ kubusi mabʋ ɖoŋ se: «Kam-ɩ kaamaŋkaɣ yɔɔ!»

Luka 23:22

Pilaatɩ tasɩ-wɛ pɔzʋʋ tozo ɖeɖe se: «Ɛlɛ́, ɛbɛ kpem ɛwɛɛkaa? Mantana mbʋ́ ɛwɛɛkaa nɛ pʋpɔzʋʋ se pakʋ-ɩ yɔ. Pʋ-yɔɔ lɛ, meyeki-i. Ɛlɛ́, pʋwɛɛ se polu-i agbazɛɛ nɛ pʋcɔ ɛɖɛɛ.»

Yohanɛɛsɩ 18:38

Peeɖe Pilaatɩ pɔzɩ-ɩ se: «Ɛbɛ ŋtɩɩyaɣ kpem se toovenim?» Pilaatɩ tɛm Yesu pɔzʋʋ ḿbʋ́ lɛ, ɛtasɩ lɩʋ Yuda ñɩma cɔlɔ nɛ ɛkaɖɩ-wɛ se: «Ma lɛ, maanaɣ mbʋ́ pʋ-yɔɔ pʋpɔzʋʋ se pakʋ abalʋ ɛnɛ ɛ-tɔm yɔ.

Tʋma Labʋ 25:25

Mɔncɔnɩ tɔm ńdʋ́ tɩ-taa lɛ, ɛtala kɩwɛɛkɩm mbʋ́ pʋpɔzʋʋ se pakʋ-ɩ yɔ. Ɛlɛ́, ɛzɩma mbʋ́ ɛ-maɣmaɣ ɛpɔzaa se powoni-i Room wiyaʋ sɔsɔ cɔlɔ yɔ, mentisaa ɖɔɖɔ se powoni-i.

Tʋma Labʋ 3:13

Đɔ-cɔzɔnaa Abraham nɛ Izaakɩ nɛ Yakɔɔbʋ pɛ-Ɛsɔ ɖʋnɩ ɛ-tʋmlaɖʋ Yesu hɩɖɛ. Mɩ lɛ, ɩkpa-ɩ mɩ-maɣmaɣ nɛ ɩɖʋzɩ ñʋndɩnaa nesi taa. Wiyaʋ Pilaatɩ tɔm se eyeki-i, ɛlɛ́, ikizi.

Ebree 7:26

Toovenim lɛ, Yesu lɛ cɔjɔ sɔsɔ weyi pʋmʋnaa se ɖɩwɛna yɔ: ɛwɛ cɩɖɩcɩɖɩ, paanaɣ ndʋ́ paawanɩ-ɩ yɔ, ɛtala kɩwɛɛkɩm nabʋyʋ. Ɛ nɛ kɩwɛɛkɩm laɖaa pɛfɛyɩ ɖoli kʋɖʋm, ɛwɛ ɖooo ɛsɔdaa.

1 Pɩyɛ 1:19

Ɛlɛ́, Krɩstʋ weyi ɛwɛ ɛzɩ heɣa ŋgá kɔ-yɔɔ fɛyɩ azuluma yaa pɩtacam ko-ɖoli yɔ, ɛnʋ pala ɖɔ-yɔɔ. Kɩlaʋ ŋ́gʋ́ kɩkɩlɩnɩ wazaɣ.

1 Pɩyɛ 2:22

Ɛtala kɩwɛɛkɩm nabʋyʋ. Wiɖiyi patanɩɩ ɛ-nɔɔ taa cɛtɩm tɔm natʋyʋ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.