Luka 22:3 - New Testament

³ Peeɖe Satanɩ lɩmaɣza sʋ Yudaasɩ weyi pakʋm-ɩ hɩɖɛ se Iskarɩyɔɔtɩ yɔ ɛ-taa. Ɛkɛ ɖɔɖɔ Yesu tɔmkpɛlɩkɩyaa hiu nɛ naalɛ taa lɛlʋ.

Luka 22:3 ပူးပေါင်းရင်းမြစ်များ

Maatiyee 10:4

nɛ Siimɔɔ weyi payaɣ se Yɔɔ Kandɩyʋ yɔ nɛ Yudaasɩ Iskarɩyɔɔtɩ weyi ekitaa ɛkpa Yesu nɛ ɛ́ɖʋzɩ koyindinaa nesi taa yɔ.

Maatiyee 26:23

Ɛlɛ́, ecosi-wɛ se: «Weyi ma nɛ ɩ ɖɩtɔkɩ ñanaɣ kʋɖʋmaɣ taa yɔ, ɛnʋ kɔŋnɩ-m kpaʋ nɛ ɛ́ɖʋzɩ koyindinaa nesi taa.

Maatiyee 4:10

Yesu heyi-i se: «Satanɩ ɖɛɛ mɔ-yɔɔ! Mbʋ́ pʋyɔɔ yɔ, pama Ɛsɔtɔm Takayaɣ taa se: ‹Ña-Kɩpaɣlʋ Ɛsɔ ɖeke koŋ tɛɛ pʋwɛɛ se ŋluŋ nɛ ŋla ɛ-tʋmɩyɛ.› »

Luka 22:21

Paa ḿbʋ́ yɔ, ɩcɔnɩ ɩna: «Weyi ɛkɔŋ-m ɖʋzʋʋ koyindinaa nesi taa yɔ, ma nɛ ɩ ɖɩtɔkɩna cɩnɛ!

Luka 6:16

nɛ Yakubu pɩyalʋ Yudaasɩ nɛ Yudaasɩ Iskarɩyɔɔtɩ. Ɛnʋ kitini ɛkpa Yesu nɛ ɛ́ɖʋzɩ koyindinaa nesi taa.

Yohanɛɛsɩ 12:6

Pɩtɛkɛ kʋñɔndɩnaa yɔɔ ɛmaɣzaɣ nɛ ɛyɔɔdɩ ḿbʋ́. Ɛlɛ́, ɛkɛ mɩ́lʋ́ yɔɔ ɛyɔɔdaɣ ḿbʋ́: ɛnʋ ɖɔkaɣnɩ liidiye huyuu nɛ ɛmɩlɩɣ mbʋ́ paɖʋwaɣ kɩ-taa yɔ.

Yohanɛɛsɩ 13:18

Pɩtɛkɛ mɩtɩŋa mɔyɔɔdʋʋ, mansɩm mbá malɩzaa yɔ. Ɛlɛ́, pʋwɛɛ se tɔm ndʋ́ pama Ɛsɔtɔm Takayaɣ taa yɔ, tɩla. Ńdʋ́ lɛ se: ‹Weyi ma nɛ ɩ ɖɩtɔkaɣ yɔ, ɛpɩsaa ɛkʋyʋʋ mɔ-yɔɔ.›

Yohanɛɛsɩ 13:2

Đanaɣ ɖanaa lɛ, ɛ nɛ ɛ-tɔmkpɛlɩkɩyaa pɔtɔkɩ tɔɔnaɣ. Naze lɛ, Satanɩ tɛm ɖʋʋ Siimɔɔ Iskarɩyɔɔtɩ pɩyalʋ Yudaasɩ taa se ɛkpa-ɩ nɛ ɛ́ɖʋzɩ koyindinaa nesi taa.

Tʋma Labʋ 5:3

Peeɖe Pɩyɛ pɔzɩ-ɩ se: «Anaanɩyaasɩ! Pɩlabɩ ɛzɩma nɛ ŋyele nɛ Satanɩ peɣzi-ŋ nɛ halɩ ŋcɛtɩnɩ Fezuu Kiɖeɖeu taa nɛ ŋsɩɩ ña-tɩ tɛtʋ ndʋ́ ŋpɛdaa yɔ ti-liidiye hɔɔlʋʋ lɛɛkʋ?