Luka 21:8 - New Testament

⁸ Yesu cosi-wɛ se: «Ɩɖɔkɩ mɩ-tɩ camɩyɛ, ɩtaayele nɛ nɔɔyʋ yili-mɩ. Mbʋ́ pʋyɔɔ yɔ, ɛyáa sakɩyɛ kɔŋ Kʋɖʋm kʋɖʋm nɛ peyili-mɩ nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ. Pakaɣ-mɩ heyuu ɖɔɖɔ se: ‹Alɩwaatʋ talaa.› Ɛlɛ́, ɩtaamʋ pɔ-tɔm nɛ ɩtɩŋ-wɛ.

Luka 21:8 ပူးပေါင်းရင်းမြစ်များ

Maatiyee 24:11

Ɛyáa sakɩyɛ kɔŋ lɩʋ se pɛkɛ náyaa nɛ peyili ɛyáa sakɩyɛ.

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 4:17

Yesu talɩ Kapɛrnayum lɛ, ɛpazɩ Ɛsɔtɔm susuu nɛ eheyiɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ!»

Luka 17:23

Pɔkɔŋ-mɩ heyuu se ɛwɛ cɩnɛ yaa peeɖe yɔ. Ɛlɛ́, ɩtaase iwolo se ɩñɩnɩɣ-ɩ.

Luka 21:7

Ɛlɛ́, pɔpɔzɩ-ɩ se: «Wɩlɩyʋ! Đooye pɩkaɣ labʋ ḿbʋ́? Ɛbɛ kɔŋ-ɖʋ wɩlʋʋ alɩwaatʋ ndʋ́ pɩtɩŋa payɩ pɩlakɩ ḿbʋ́ yɔ?»

Luka 21:9

Yee ɩnɩ pɔyɔɔdʋʋ you nɛ ɖama wayɩ lɩʋ pɔ-tɔm lɛ, sɔɔndʋ ɛtaakpa-mɩ. Mbʋ́ pʋyɔɔ yɔ, pʋwɛɛ se pɩla ḿbʋ́ nɛ pʋcɔ. Ɛlɛ́, alɩwaatʋ tatalɩda.»

Yohanɛɛsɩ 5:43

Mɔnkɔm man-Caa lone taa, ɛlɛ́, ɩɩcaɣ se ɩmʋ-m. Ŋgʋ́, yee nɔɔyʋ ɛkɔmnɩ ɛ-maɣmaɣ e-ɖoŋ yɔ, ɩmʋʋ-ɩ nesi naalɛ.

Yohanɛɛsɩ 8:24

Pʋ-yɔɔ meheyi-mɩ se yee itetisi se: ‹Ma lɛ weyi mɛnkɛnaa yɔ› yɔ, ɩsɩkɩ mɩ-kɩwɛɛkɩm taa.»

Yohanɛɛsɩ 8:28

Peeɖe Yesu heyi-wɛ se: «Alɩwaatʋ ndʋ́ ɩkpazɩɣ Ɛyʋ Pɩyalʋ kaamaŋkaɣ yɔɔ yɔ, ɩtɩlɩɣ se: ‹Ma lɛ weyi mɛnkɛnaa yɔ.› Ɩtɩlɩɣ ɖɔɖɔ se maalakɩ pʋyʋ nɛ ma-maɣmaɣ mɔn-sɔɔlɩm: tɔm ndʋ́ man-Caa wɩlɩ-m yɔ, ńdʋ́ mɔyɔɔdʋʋ.

1 Kɔrɛntɩ 6:9

Ɩtatɩlɩ se kɩdɛkɛdɩm laɖaa ɛɛkaɣ sʋʋ Ɛsɔ Kewiyaɣ taa yaa we? Ɩtaacɛtɩ mɩ-tɩ: acɛyɛ laɖaa yaa sɩɩnaa layaa yaa acɛyɛ laɖaa yaa abalaa mbá pacaɣ ɖama yɔ

Efɛɛzɩ 5:6

Itaayele nɔɔyʋ yili-mɩ nɛ ɛ-tɔm ndʋ́ tɩfɛyɩ wazaɣ nakɛyɛ yɔ: pʋ-yɔɔ Ɛsɔ pana kpaɣnɩ mbá paañaŋ-ɩ yɔ.

2 Tesalooniki 2:3

Ɩtaayele nɛ nɔɔyʋ yili-mɩ natʋyʋ taa kaʋ. Mbʋ́ pʋyɔɔ yɔ, pʋcɔ kɩyakʋ ŋ́gʋ́ kɩtalɩ lɛ, ɛyáa haɣ Ɛsɔ siɣ́ye nɛ Kañadʋ weyi ɛkɔŋ tɛmnaʋ asayʋʋ yɔ, ɛlɩzɩ ɛ-tɩ nɛ pana-ɩ.

2 Timootee 3:13

Ɛlɛ́, kañadɩnaa nɛ cɛtɩyaa pɛtɛzɩɣ labʋ kɩdɛkɛdɩm nɛ pɛcɛtɩ lɛlaa, ɛlɛ́ pɔkɔŋ pa-maɣmaɣ cɛtʋʋ.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

2 Yohanɛɛsɩ 1:7

Meheyiɣ-mɩ ḿbʋ́, mbʋ́ pʋyɔɔ yɔ, cɛtɩyaa sakɩyɛ lɩ kedeŋa yɔɔ nɛ paakaɖɩɣ kpayɩ se toovenim Yesu Krɩstʋ pɩsɩ ɛyʋ nɛ ɛkɔɔ kɔ-yɔɔ. Yee nɔɔyʋ ɛlakɩ ḿbʋ́ yɔ, pʋdʋ kɛ cɛtɩyʋ nɛ ɛtɛ ɛkɛ Krɩstʋ koyindu.

Wɩlʋʋ 1:3

Weyi ɛkalɩɣ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ, ehiɣ ɛ-tɩ! Mbá paba ñewelesiɣ-tʋ nɛ pɔɖɔkʋʋ-tʋ yɔ, pehiɣ pa-tɩ! Mbʋ́ pʋyɔɔ yɔ, alɩwaatʋ wɩzɩ talʋʋ.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.