Luka 21:7 - New Testament

⁷ Ɛlɛ́, pɔpɔzɩ-ɩ se: «Wɩlɩyʋ! Đooye pɩkaɣ labʋ ḿbʋ́? Ɛbɛ kɔŋ-ɖʋ wɩlʋʋ alɩwaatʋ ndʋ́ pɩtɩŋa payɩ pɩlakɩ ḿbʋ́ yɔ?»

Luka 21:7 ပူးပေါင်းရင်းမြစ်များ

Maatiyee 24:3

Pɩkɛdaa lɛ, Yesu wolo Somiŋ Pʋʋ yɔɔ nɛ ɛcaɣ nɛ ɛ-tɔmkpɛlɩkɩyaa wolo ɛ-cɔlɔ pe-ɖeke nɛ pɔpɔzɩ-ɩ se: «Heyi-ɖʋ alɩwaatʋ ndʋ́ pɩkaɣ labʋ ḿbʋ́ yɔ nɛ mbʋ́ pʋkɔŋ wɩlʋʋ se ñɔ-kɔm nɛ kedeŋa tɛm pawɩzaa yɔ.»

Maarkɩ 13:14

Pʋwayɩ lɛ, Yesu tasɩ-wɛ heyuu se: «Alɩwaatʋ natʋyʋ ɩkɔŋ naʋ tɛyɔkɩyʋ weyi ɛtatʋʋzɩ Ɛsɔ ɛsɩndaa kpem yɔ, ɛsɩŋ ɖenɖe pɩtamʋnɩ se ɛsɩŋ yɔ. Weyi ɛkalɩɣ tɔm ńdʋ́ yɔ, pʋwɛɛ se ɛmaɣzɩ nɛ ɛnɩɩ tɩ-tɔbʋʋ camɩyɛ. Alɩwaatʋ ńdʋ́ tɩtalaa lɛ, mbá pɛwɛ Yudee egeetiye taa yɔ, pese pakpanɩ pʋŋ taa.

Luka 21:32

Toovenim lɛ, meheyiɣ-mɩ se: ɛyáa mbá pɛwɛnɩ pɛ-ɛsɛ ɛzʋnɔ yɔ, paasɩkɩ patɩŋa nɛ pʋcɔ pɩtɩŋa payɩ pɩla ḿbʋ́.

Luka 21:6

«Mbʋ́ pɩtɩŋa payɩ ɩnaɣ ɛzʋnɔ yɔ, alɩwaatʋ natʋyʋ pɔkɔŋ tuzuu pɩtɩŋa payɩ nɛ pɛpɛɖɩ. Pɩɩkazɩɣ pɩyɛ naɖɩyɛ lɛɛɖɛ yɔɔ.»

Luka 21:8

Yesu cosi-wɛ se: «Ɩɖɔkɩ mɩ-tɩ camɩyɛ, ɩtaayele nɛ nɔɔyʋ yili-mɩ. Mbʋ́ pʋyɔɔ yɔ, ɛyáa sakɩyɛ kɔŋ Kʋɖʋm kʋɖʋm nɛ peyili-mɩ nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ. Pakaɣ-mɩ heyuu ɖɔɖɔ se: ‹Alɩwaatʋ talaa.› Ɛlɛ́, ɩtaamʋ pɔ-tɔm nɛ ɩtɩŋ-wɛ.