Luka 20:16 - New Testament

¹⁶ Ɛkɔŋ nɛ ɛkʋ-wɛ nɛ ɛcaa ɛyáa kɩfama nɛ pɔcɔŋnɩ-ɩ ɛ-hayɩm ḿbʋ́ pʋ-yɔɔ.» Ɛyáa samaɣ nɩ tɔm ńdʋ́ lɛ, kɔtɔ se: «Kaza! Pɩɩtɩɩlakɩ ḿbʋ́ kpem!»

Luka 20:16 ပူးပေါင်းရင်းမြစ်များ

Maatiyee 21:34

Pɩkɛdaa lɛ, pɩtalɩ tɩŋ ɩnʋ i-pee koyuu. Peeɖe ɛkʋsɩ e-tiyiyaa nabɛyɛ se powolo ɛ-tʋmlaɖaa ḿbá pɔ-cɔlɔ nɛ pamʋ e-ɖeɖe nɛ powona.

Maatiyee 21:41

Pocosi-i se: «Ɛkɔŋ ɛkʋ azaɣ́a ḿbá, pɩɩlakɩ-ɩ pʋtɔdɩyɛ kaʋ nɛ piyele ɛcaa ɛyáa kɩfama se pɔcɔnɩ-ɩ ɛ-tɩŋ yɔɔ camɩyɛ nɛ pokoyuu i-pee nɛ powokini-i alɩwaatʋ ndʋ́ pʋpɔzʋʋ yɔ.»

Maatiyee 22:7

Wiyaʋ nɩ ḿbʋ́ lɛ, ɛ-pana kpa pɩŋŋ nɛ etiyi ɛ-sɔɔjanaa nɛ powolo pakʋ ɛ-tʋmlaɖaa kʋyaa ḿbá nɛ piyele pɔsɔ pɛ-tɛtʋ miŋ.

Maarkɩ 12:9

Yesu tɛm tuuu eduuye ńɖɩ́ lɛ, ɛpɔzɩ-wɛ se: «Hayɩm tʋ ɛnʋ, ɛbɛ ɛlakɩ ɛ-tʋmlaɖaa ḿbá? Ɛkɔŋ ɛkʋ-wɛ nɛ ɛcaa ɛyáa kɩfama nɛ ɛlɛɣzɩ po-lone taa.»

Luka 19:27

Piyele mon-koyindinaa mbá pekizaa se mantaatɔɔ kewiyaɣ yɔ, ɩkɔnɩ-wɛ cɩnɛ nɛ ɩkʋ-wɛ mɛ-ɛsɩndaa.› »

Luka 20:15

Peeɖe pakpa-ɩ palɩzɩ-ɩ nɛ hayɩm ḿbʋ́ pʋ-wayɩ nɛ pakʋ-ɩ. Tɔɔ! Hayɩm tʋ ɛnʋ, ɛbɛ ɛlakɩ ɛ-tʋmlaɖaa ḿbá?

Tʋma Labʋ 13:46

Peeɖe ɛ nɛ Barnaabaasɩ peheyi-wɛ kpayɩ se: «Mɩ pɩɩmʋnaa se ɖɩlɛyɩnɩ Ɛsɔtɔm heyuu nɛ pʋcɔ. Ɛlɛ́, ɖenɖe ikizi-tʋ nɛ ɩmaɣzɩɣ se ɩtamʋnɩ se ihiɣ wezuu maatɛŋ yɔ, ɖiyeki-mɩ ɖiwolo mbá pɛtɛkɛ Yuda ñɩma yɔ pɔ-cɔlɔ.

Room 11:1

Pʋ-yɔɔ mɔnpɔzʋʋ se: Ɛsɔ lɔ Izrɛɛlɩ ñɩma naa we? Pɩtatɩɩkɛʋ ḿbʋ́ kpem! Mbʋ́ pʋyɔɔ yɔ, ma-maɣmaɣ mɛnkɛ Izrɛɛlɩ tʋ. Mɛnkɛ Abraham liɖe taa tʋ, mɛwɛ Bɛnjamɛɛ cejewiye taa.

Room 11:11

Pʋ-yɔɔ mɔnpɔzʋʋ se: pucoɖuu Izrɛɛlɩ ñɩma nɛ pɔtɔlɩ yɔ, pɔtɔlaa se kʋyʋʋ fɛyɩ yaa we? Pɩtɛkɛ ḿbʋ́ kpem! Ɛlɛ́, pɛ-ɛzaɣ́tʋ yɔɔ lɛ, mbá pɛtɛkɛ Yuda ñɩma yɔ, papɩzaa pehiɣ ñʋʋ yabʋ se Yuda ñɩma ɛsɛzɩ ɛsɩyɛ pɔ-yɔɔ.

Room 3:31

Pɩwɩlɩɣ se lidaʋ yɔɔ lɛ, paɣtʋ tɛkɛ pʋyʋ yaa we? Toovenim lɛ, pɩtɛkɛ ḿbʋ́! Ɛlɛ́, ɖɩwɛnɩ lidaʋ yɔ, ɖɩwɩlɩɣ mbʋ́ paɣtʋ kɛnaa kpem yɔ.

Room 3:4

Toovenim lɛ, pɩtɛkɛ ḿbʋ́! Pʋwɛɛ se paa weyi ɛtɩlɩ se paa ɛyáa tɩŋa ɛcɛtɩɣ yɔ, Ɛsɔ ñɛkɛ toovenim tʋ. Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Pʋwɛɛ se patɩlɩ-ŋ se ŋkɛ toovenim tʋ ñɔ-yɔɔdaɣ taa, nɛ yee pahʋʋnɩ-ŋ yɔ, ŋwakɩ.»

Room 3:6

Toovenim lɛ, pɩtɛkɛ ḿbʋ́! Yee ɛtatʋʋzɩ lɛ, ɛzɩma ɛpɩzɩɣ ɛhʋʋnɩ ɛyáa tɩŋa tɔm yɔ?

Room 6:15

Se we ɖɩkaɣ yɔɔdʋʋ kpem yɔ? Paɣtʋ tatasɩ ɖoŋ wɛnaʋ ɖɔ-yɔɔ nɛ ɖɩwɛɛ Ɛsɔ lootiye taa yɔɔ pɩha-ɖʋ nʋmɔʋ se ɖɩla kɩwɛɛkɩm naa we? Pɩtɛkɛ ḿbʋ́ kpem!

Room 6:2

Pɩtɛkɛ ḿbʋ́ kpem! Mbá ɖa ɖɩwɛ ɛzɩ sɩɖaa nɛ kɩwɛɛkɩm tatasɩ wɛnaʋ ɖoŋ ɖɔ-yɔɔ yɔ, ɛzɩma ɖɩpɩzɩɣ ɖɩwɛɛ pɩ-taa ɖɔɖɔ yɔ?

Room 7:13

Mbʋ́ pʋwɛ ɖeu yɔ, pɩpɩsɩnɩ mbʋ́ pʋkʋʋ ma yɔ yaa we? Pɩtɛkɛ ḿbʋ́ kpem! Kɩwɛɛkɩm kɔnɩnɩ-pʋ. Ḿbʋ́ kɩwɛɛkɩm wɩlɩ pɩ-maɣmaɣ pɩ-tɩ keɣlee: pɩtɩŋnɩ mbʋ́ pʋwɛ ɖeu yɔ pʋ-yɔɔ nɛ pʋkʋ-m. Ḿbʋ́ pɩtɩŋnɩ mbʋ́ paɖʋ paɣtʋ taa yɔ pʋ-yɔɔ nɛ kɩwɛɛkɩm tɛzɩ pɩ-tɩ wɩlʋʋ kpaagbaa keɣlee se pɩfɛyɩ ɖeu kpem.

Room 7:7

Se we ɖɩɩyɔɔdɩ yɔ? Mooyiizi paɣtʋ kɛ kɩwɛɛkɩm naa we? Pɩtɛkɛ ḿbʋ́ kpem! Ɛlɛ́, tɩ-yɔɔ pɩtɩŋnaa nɛ mantɩlɩ mbʋ́ pɩkɛ kɩwɛɛkɩm yɔ. Mbʋ́ pʋyɔɔ yɔ, yee pataaɖʋ tɩ-taa se: «Taaɖʋ ɛsɩyɛ lɛlʋ ñɩm yɔɔ» yɔ, mantaatɩlɩ mbʋ́ ɛsɩyɛ ɖʋʋ kɛnaa yɔ.

Room 9:14

Se we ɖɩyɔɔdʋʋ yɔ? Đɩyɔɔdʋʋ se Ɛsɔ kɛ weyi ɛtatʋʋzɩ yɔ yaa we? Đɩɩtɩɩyɔɔdʋʋ ḿbʋ́ kpem!

1 Kɔrɛntɩ 6:15

Ɩtatɩlɩ se mi-tomnasɩ kɛ Krɩstʋ tomnaɣ pilinzi naa we? Pʋwɛ ɖeu se pakpaɣ Krɩstʋ tomnaɣ piliŋa nɛ pɛcɛlɩ halʋ weyi ɛlakɩ acɛyɛ yɔ yaa we? Aayɩ! Pɩfɛyɩ ɖeu ḿbʋ́ kpem.

Galaatɩ 2:17

Yee ɖɩcaɣ se ɖɩtɩŋnɩ Krɩstʋ yɔɔ nɛ ɖɩkɛ kʋtʋʋzaa Ɛsɔ ɛsɩndaa nɛ piyeki se ɖɩna se ɖɩkɛ kɩwɛɛkɩm laɖaa ɛzɩ lɛlaa yɔ yɔ, pɩwɩlɩɣ se Krɩstʋ ɛnʋ ɛwɩlɩɣnɩ-ɖʋ kɩwɛɛkɩm nʋmɔʋ naa we? Toovenim lɛ, pɩtɛkɛ ḿbʋ́!

Galaatɩ 3:21

Pɩwɩlɩɣ se paɣtʋ kʋyʋʋ mbʋ́ Ɛsɔ ɖʋwa se ɛlakɩ yɔ pʋ-yɔɔ yaa we? Toovenim lɛ, pɩtɛkɛ ḿbʋ́! Yee paaɖʋ paɣtʋ natʋyʋ nɛ tɩhaɣ ɛyáa wezuu yɔ, tɩɩpɩzaa nɛ tɩpɩsɩ-wɛ kʋtʋʋzaa Ɛsɔ ɛsɩndaa. Ŋgʋ́, pataɖʋ natʋyʋ ḿbʋ́.

Galaatɩ 6:14

Ma lɛ, ɖa-Kɩpaɣlʋ Yesu Krɩstʋ sɩbʋ kaamaŋkaɣ yɔɔ yɔ, pi-ɖeke mankʋndʋʋna, nabʋyʋ fɛyɩ nɛ pɩtasɩnɩ-pʋ. Sɩm ḿbʋ́ pʋ-yɔɔ pɩtɩŋnaa nɛ kɩdɛkɛdɩm mbʋ́ pʋwɛ kedeŋa yɔɔ yɔ, pɩtatasɩ ɖoŋ nɩɩyɩ wɛnaʋ mɔ-yɔɔ nɛ ma ɖɔɖɔ mɛnkɛ sɩɖʋ pɩ-ɛsɩndaa.