Luka 2:11 - New Testament

¹¹ Ńdʋ́ lɛ se palʋlɩ-mɩ Ñʋʋ Yaɖʋ ɖoó anɛ a-taa Daaviidi tɛ Bɛtlɛhɛm. Ɛnʋ lɛ Kɩpaɣlʋ, ɛnʋ lɛ Weyi Ɛsɔ Lɩzaa Yɔ.

Luka 2:11 ပူးပေါင်းရင်းမြစ်များ

Maatiyee 1:16

nɛ Yakɔɔbʋ ñalʋlɩ Yozɛɛfʋ nɛ ɛ́lɛ́ kpaɣ Maarɩɩ. Maarɩɩ ɛnʋ ɛlʋlɩnɩ Yesu weyi payaɣ se Krɩstʋ yɔ, pʋ-tɔbʋʋ se Weyi Ɛsɔ Lɩzaa Yɔ.

Maatiyee 1:21

Ɛlʋlʋʋ pɩɣa ŋ́gá lɛ, ŋyaa-kɛ se Yesu, mbʋ́ pʋyɔɔ yɔ, ŋ́gá kɔŋnɩ ɛyáa ñʋʋ yabʋ nɛ kalɩzɩ-wɛ pa-kɩwɛɛkɩm taa.»

Maatiyee 16:16

Ɛlɛ́, Siimɔɔ Pɩyɛ cosi-i se: «Ña lɛ Weyi Ɛsɔ Lɩzaa Yɔ. Ña lɛ Ɛsɔ wezuu tʋ Pɩyalʋ.»

Maatiyee 16:20

Peeɖe Yesu paɣ́ ɛ-tɔmkpɛlɩkɩyaa se pataala nɛ nɔɔyʋ nɩɩ se ɛnʋ lɛ Weyi Ɛsɔ Lɩzaa Yɔ.

Luka 1:43

Ma anɩ nɛ ña weyi ŋlʋlʋʋ Kɩpaɣlʋ yɔ, ŋkɔɔ mɛn-tɛ! Ŋɖʋ-m hɩɖɛ siŋŋ!

Luka 1:69

Ɛkɔnɩ-ɖʋ ɖoŋ tʋ ɛ-tʋmlaɖʋ wiyaʋ sɔsɔ Daaviidi liɖe taa. Ɛnʋ yakɩnɩ ɖa-ñʋʋ.

Luka 2:26

nɛ keheyi-i se ɛnaɣ Weyi Kɩpaɣlʋ Lɩzaa nɛ etiyi-i yɔ nɛ pʋcɔ ɛsɩ.

Luka 2:4

Pʋ-yɔɔ Yozɛɛfʋ kʋyɩ Nazarɛɛtɩ, Galilee egeetiye taa se ewoki Bɛtlɛhɛm, Yudee egeetiye taa ɖenɖe paalʋlɩ wiyaʋ sɔsɔ Daaviidi yɔ. Mbʋ́ pʋyɔɔ yɔ, ɛkɛ Daaviidi liɖe taa tʋ.

Yohanɛɛsɩ 1:41

Mbʋ́ Andree ɛnʋ ɛcalɩ labʋ yɔ lɛ se: ɛñɩnɩ ɛ-ɖalʋ Siimɔɔ nɛ eheyi-i se: «Đɩna Meesii.» Meesii tɔbʋʋ se Weyi Ɛsɔ Lɩzaa Yɔ.

Yohanɛɛsɩ 1:45

Pʋwayɩ lɛ, Filiipu na Nataanayɛɛlɩ nɛ eheyi-i se: «Đɩna weyi Mooyiizi ma ɛ-tɔm paɣtʋ takayaɣ taa nɛ náyaa yɔɔdɩ ɛ-tɔm ɖɔɖɔ yɔ. Ɛnʋ lɛ Nazarɛɛtɩ tʋ Yozɛɛfʋ pɩyalʋ weyi payaɣ se Yesu yɔ.»

Yohanɛɛsɩ 11:27

Maarta cosi-i se: «Ɛɛɛ, Kɩpaɣlʋ! Mentisaa se ña lɛ Weyi Ɛsɔ Lɩzaa Yɔ. Ña lɛ ɛ-Pɩyalʋ, ña ɛɛɖʋwa se ŋkɔŋ kedeŋa yɔɔ.»

Yohanɛɛsɩ 20:31

Piyele ndʋ́ tʋtʋ wɛ ka-taa yɔ, pama-tʋ se ɩwɛnɩ lidaʋ se Yesu lɛ Ɛsɔ Pɩyalʋ nɛ ɛtɛ ɛkɛ Weyi Ɛsɔ Lɩzaa Yɔ nɛ piyele pɩtɩŋnɩ ɛ-yɔɔ nɛ ihiɣ wezuu.

Yohanɛɛsɩ 4:25

Ɛlɛ́, halʋ ɛnʋ eheyi Yesu se: «Manawa se Weyi Ɛsɔ Lɩzaa yɔ ɛkɔŋ, ɛnʋ payaɣ se Krɩstʋ. Ɛkɔŋ lɛ, ɛlɩzɩ-ɖʋ pɩtɩŋa payɩ pʋ-tɔbʋʋ.»

Yohanɛɛsɩ 4:42

Peeɖe peheyi halʋ ɛnʋ se: «Lɛɛlɛɛyɔ, pɩtɛkɛ tɔm ndʋ́ ŋheyi-ɖʋ yɔ, ti-ɖeke tɩ-yɔɔ ɖɩwɛnɩ lidaʋ Yesu yɔɔ. Ɛlɛ́, ɛyɔɔdaa nɛ ɖa-maɣmaɣ ɖɩnɩɩ nɛ ɖɩna se toovenim ɛkɛ ɛyáa tɩŋa payɩ ñʋʋ yaɖʋ, pʋ-yɔɔ ɖɩwɛnɩ lidaʋ ɛ-yɔɔ.»

Yohanɛɛsɩ 6:69

Đɩwɛnɩ lidaʋ ñɔ-yɔɔ nɛ ɖɩtɩlɩ se ña lɛ Ɛsɔ Ñɩnʋ.»

Yohanɛɛsɩ 7:41

Lɛlaa ñɔtɔŋ se: «Ɛnʋ lɛ Weyi Ɛsɔ Lɩzaa Yɔ!» Ɛlɛ́, lɛlaa ñapɩsɩna se: «Weyi Ɛsɔ Lɩzaa Yɔ, ɛpɩzɩɣ ɛlɩɩnɩ Galilee egeetiye taa yaa we?

Tʋma Labʋ 10:36

Ɩtɩlɩ se Ɛsɔ tiyini Yesu Krɩstʋ se ɛkɔɔ eheyi Izrɛɛlɩ ñɩma Laŋhɛzɩyɛ Tɔm. Yesu Krɩstʋ ɛnʋ lɛ ɛyáa tɩŋa payɩ Kɩpaɣlʋ.

Tʋma Labʋ 13:23

E-liɖe taa palʋlɩ Izrɛɛlɩ ñɩma ñʋʋ yaɖʋ Yesu ɛzɩ Ɛsɔ kaɖʋʋ yɔ.

Tʋma Labʋ 17:3

Ɛlɩzɩ-wɛ tɩ-tɔbʋʋ nɛ ɛtɩŋnɩ tɩ-yɔɔ nɛ eheyi-wɛ se Weyi Ɛsɔ Lɩzaa Yɔ, pɩɩwɛ ḿbʋ́ se ɛtɔɔ kʋñɔŋ siŋŋ nɛ ɛkɔɔ ɛsɩ nɛ efe nɛ ɛlɩɩnɩ sɩɖaa taa. Eheyi-wɛ se Yesu weyi ɛkɛdɩɣ-wɛ ɛ-tɔm yɔ, ɛnʋ lɛ Weyi Ɛsɔ Lɩzaa Yɔ.

Tʋma Labʋ 2:36

Pʋ-yɔɔ lɛ, pʋwɛɛ se Izrɛɛlɩ ñɩma mɩ mɩtɩŋa, ɩnɩɩ ɖeu se: Yesu weyi ɩkam-ɩ kaamaŋkaɣ yɔɔ yɔ, ɛnʋ lɛ Weyi Ɛsɔ Lɩzaa nɛ ɛkɛ Kɩpaɣlʋ yɔ!»

Tʋma Labʋ 5:31

Efezi-i lɛ, ɛkpazɩ-ɩ nɛ ɛcaɣzɩ lone kɩbanɖɛ taa ɛ-cɔlɔ nɛ ɛpɩsɩ-ɩ Wiyaʋ Sɔsɔ weyi ɛkɛ Ñʋʋ Yaɖʋ yɔ se ɛwɩlɩ Izrɛɛlɩ ñɩma nʋmɔʋ nɛ pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm.

1 Kɔrɛntɩ 15:47

Tɛtʋ pamanɩ kajalaɣ ɛyʋ nɛ ɛkɛ kedeŋa yɔɔ ñɩnʋ. Naalɛ tʋ yɔ, ɛ́lɛ́ ñalɩnɩ ɛsɔdaa.

Filiipu 2:11

pʋtɔ se Yesu Krɩstʋ lɛ Kɩpaɣlʋ se Caa Ɛsɔ hɩɖɛ ɛsɛɛ.

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.

Koloosi 2:6

Pʋ-yɔɔ lɛ, ɖenɖe itisaa se Krɩstʋ Yesu lɛ Kɩpaɣlʋ yɔ, ɩcaɣ wezuu mɩ nɛ ɩ mɩ-kpɛndʋʋ taa.

1 Yohanɛɛsɩ 4:14

Đa lɛ, ɖɩnawa nɛ ɖɩlɩzɩɣ aseɣɖe se Caa Ɛsɔ tiyi ɛ-Pɩyalʋ kedeŋa yɔɔ se ɛya ɛyáa ñʋŋ.

1 Yohanɛɛsɩ 5:1

Weyi etisiɣ se Yesu lɛ Weyi Ɛsɔ Lɩzaa Yɔ yɔ, ɛkɛ Ɛsɔ pɩɣa. Đɔɖɔ lɛ, weyi ɛsɔɔlʋʋ Caa Ɛsɔ weyi ɛha-ɩ wezuu yɔ, ɛsɔɔlʋʋ ɖɔɖɔ e-piya.