Luka 19:9 - New Testament

⁹ Peeɖe Yesu tɔm se: «Sɔnɔ ɖɩɣa kanɛ ka-taa ɛyáa tɩŋa hiɣ ñʋʋ yabʋ. Mbʋ́ pʋyɔɔ yɔ, Zaacee kɛ Abraham sayɩ ɖɔɖɔ.

Luka 19:9 ပူးပေါင်းရင်းမြစ်များ

Luka 13:16

Halʋ ɛnɛ, ɛkɛ Abraham sayɩ weyi Satanɩ ɖʋ-ɩ kʋñɔŋ pɩnzɩ hiu nɛ lutozo yɔ. Pɩtaamʋnɩ se malɩzɩ-ɩ kʋñɔŋ ŋ́gʋ́ kɩ-taa kɩyakʋ kɩhɛzʋʋ wiye yaa we?»

Luka 13:30

Pʋ-yɔɔ lɛ, mbá pɛkɛ wayɩ ñɩma lɛɛlɛɛyɔ yɔ, pa-taa nabɛyɛ pɩsɩɣ kajalaɣ ñɩma nɛ mbá paba kɛ kajalaɣ ñɩma lɛɛlɛɛyɔ yɔ, pa-taa lɛlaa ñapɩsɩ wayɩ ñɩma.»

Luka 16:24

Peeɖe ɛmabɩ kubuka se: ‹Hayɩ mɔn-cɔzɔ Abraham! Na man-pʋtɔdɩyɛ nɛ ŋtiyi Lazaarɩ nɛ elii lɩm e-niye nɔɔ taa nɛ elizi me-liu tɛɛ nɛ piniɣdi-m. Mbʋ́ pʋyɔɔ yɔ, malakɩ kʋñɔŋ pɩŋŋ miŋ ɛnɛ ɛ-taa.›

Luka 16:30

Peeɖe abalʋ ɛnʋ eheyi-i se: ‹Caa Abraham! Yee sɩɖaa taa nɔɔyʋ ɛpɩsɩna nɛ ɛmaɣnɩ-wɛ yɔ, pɛlɛɣzɩɣ wɛtʋ.›

Luka 2:30

Mbʋ́ pʋyɔɔ yɔ, ma-maɣmaɣ mana Ñʋʋ Yaɖʋ nɛ mɛ-ɛsɛ,

Luka 3:8

Ɩla lakasɩ nzɩ́ sɩwɩlɩɣ se ɩlɛɣzɩ wɛtʋ yɔ. Ɩtaamaɣzɩ se mɩ-cɔzɔ lɛ Abraham yɔ, pɩtɛma. Mbʋ́ pʋyɔɔ yɔ, meheyiɣ-mɩ se Ɛsɔ pɩzɩɣ ɛla nɛ pɛɛ anɛ apɩsɩ Abraham liɖe taa ñɩma.»

Room 4:16

Pʋ-yɔɔ lɛ, lidaʋ ŋgʋ́ ɖɩwɛnɩ Ɛsɔ yɔɔ yɔ, kʋ-yɔɔ ɛɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ falaa se pʋwazɩ Abraham sayɩnaa tɩŋa payɩ. Pɩtɛkɛ mbá pɛcɛlɩ-wɛ paɣtʋ yɔ, pe-ɖeke pʋwazɩɣ. Ɛlɛ́, pɩkpɛndɩnɩ mbá pɛwɛnɩ lidaʋ ɖɔɖɔ ɛzɩ ɖɔ-cɔzɔ Abraham yɔ, mbʋ́ pʋyɔɔ yɔ, ɛnʋ lɛ ɖatɩŋa payɩ ɖɔ-cɔzɔ.

Galaatɩ 3:14

Ɛsɔ labɩ ḿbʋ́ se pɩtɩŋnɩ Yesu Krɩstʋ yɔɔ nɛ ɛha ñɩm kɩbam mbʋ́ ɛɖʋwa se ɛhaɣ Abraham yɔ mbá pɛtɛkɛ Yuda ñɩma yɔ ɖɔɖɔ. Ḿbʋ́ ɛtɩŋnɩ lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ ɛha-ɖʋ e-Fezuu Kiɖeɖeu ŋgʋ́ ɛɖʋwa se ɛhaɣ-ɖʋ yɔ.

Galaatɩ 3:29

Yee ɩkɛ Krɩstʋ ñɩma yɔ, pɩwɩlɩɣ ɖɔɖɔ se ɩkɛ Abraham sayɩnaa. Pʋ-yɔɔ lɛ, Ɛsɔ haɣ-mɩ mbʋ́ ɛɖʋwa se ɛhaɣ Abraham nɛ e-liɖe taa ñɩma yɔ.

Galaatɩ 3:7

Pʋ-yɔɔ lɛ, pʋwɛɛ se ɩtɩlɩ se mbá pɛwɛnɩ lidaʋ Ɛsɔ yɔɔ yɔ, ḿbá kɛnɩnɩ Abraham sayɩnaa siŋŋ.

1 Pɩyɛ 2:10

Đooo mbá mɩ ɩtaakɛ liɖe kʋɖʋmɖɩyɛ taa ñɩma yɔ, lɛɛlɛɛyɔ, ɩpɩsɩ ɛ-ñɩma. Đooo mbá mɩ Ɛsɔ taana mɩ-pʋtɔdɩyɛ yɔ, lɛɛlɛɛyɔ, ɛna mɩ-pʋtɔdɩyɛ.