Luka 19:44 - New Testament

⁴⁴ pakʋ mɩtɩŋa payɩ. Pɔyɔkʋʋ mɩ-ɖɩsɩ, pɩɩkazɩɣ pɩyɛ naɖɩyɛ se ɖɩwɛ lɛɛɖɛ yɔɔ. Mbʋ́ pʋyɔɔ yɔ, ɩtaatɩlɩ alɩwaatʋ ndʋ́ Ɛsɔ kaakɔm se ɛya mɩ-ñʋʋ yɔ.»

Luka 19:44 ပူးပေါင်းရင်းမြစ်များ

Maatiyee 24:2

Ɛlɛ́, eheyi-wɛ se: «Ɩnaʋ pɩtɩŋa payɩ ɛzʋnɔ yɔ, toovenim lɛ, meheyiɣ-mɩ se pɩɩkɔŋ pɩyɛ naɖɩyɛ kazʋʋ lɛɛɖɛ yɔɔ, pɔkɔŋ tuzuu atɩŋa payɩ nɛ pɛpɛɖɩ.»

Maarkɩ 13:2

Peeɖe ecosi-i se: «Ŋnaɣʋ-kɛ ɛzʋnɔ yɔ, pɔkɔŋ tuzuu pɩtɩŋa payɩ nɛ pɛpɛɖɩ. Pɩɩkazɩɣ pɩyɛ naɖɩyɛ lɛɛɖɛ yɔɔ.»

Luka 1:68

«Pasa ɖa-Kɩpaɣlʋ Ɛsɔ, mbʋ́ pʋyɔɔ yɔ, ɛkɔm ɛya ɛ-ɛyáa Izrɛɛlɩ ñɩma ɖa ɖa-ñʋʋ. Ɛkɔm se ɖɩhɛzɩ.

Luka 1:78

Mbʋ́ pʋyɔɔ yɔ, ɖɛ-Ɛsɔ kɛ pʋtɔdɩyɛ náyʋ siŋŋ: etiyiɣni ɛ-ñalɩmɩyɛ nɛ ɖɩñalɩ ɖɔ-yɔɔ ɛzɩ wɩsɩ yɔ.

Luka 19:42

nɛ ɛtɔ se: «Yee ɩɩtɩɩsɩm mbʋ́ pɩhaɣ-mɩ laŋhɛzɩyɛ sɔnɔ kɩyakʋ kʋnɛ yɔ paa ñɩɩɩ yɔ, iihiɣ-ɖɩ! Ɛlɛ́, lɛɛlɛɛyɔ, pʋwɛ-mɩ mɛsaɣ tɛɛ.

Luka 21:6

«Mbʋ́ pɩtɩŋa payɩ ɩnaɣ ɛzʋnɔ yɔ, alɩwaatʋ natʋyʋ pɔkɔŋ tuzuu pɩtɩŋa payɩ nɛ pɛpɛɖɩ. Pɩɩkazɩɣ pɩyɛ naɖɩyɛ lɛɛɖɛ yɔɔ.»

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.