Luka 18:31 - New Testament

³¹ Pɩkɛdaa lɛ, Yesu kɛsɩ ɛ-tɔmkpɛlɩkɩyaa hiu nɛ naalɛ nɛ eheyi-wɛ se: «Ɩna, ɖɩkpaɣ Yeruusalɛm. Peeɖe Ɛyʋ Pɩyalʋ tɔm ndʋ́ tɩtɩŋa payɩ náyaa kamawa yɔ, tɩkɔŋ labʋ.

Luka 18:31 ပူးပေါင်းရင်းမြစ်များ

Maatiyee 16:21

Alɩwaatʋ ńdʋ́ʋ́ Yesu pazɩ ɛ-tɔmkpɛlɩkɩyaa yɔɔdɩnaʋ nɛ ɛkaɖɩ-wɛ se pʋwɛɛ se ewolo Yeruusalɛm nɛ ɛtɔɔ kʋñɔŋ siŋŋ Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pe-nesi taa nɛ pakʋ-ɩ nɛ ɛsɩ nɛ kɩyakɩŋ naadozo wiye lɛ, Ɛsɔ fezi-i.

Maatiyee 27:63

nɛ peheyi-i se: «Đajaa! Đɩtɔzʋʋ se alɩwaatʋ ndʋ́ pɔbɔtʋ ɛnɛ ɛɛwɛnɩ ɛ-ɛsɛ yɔ, ɛtɔm se kɩyakɩŋ naadozo wayɩ lɛ, efeŋ.

Maarkɩ 8:9

Ɛyáa mbá pɔtɔɔ tɔɔnaɣ ŋ́gá yɔ, patalɩ ɛzɩ kutokiŋ naanza yɔ. Pɛtɛma lɛ, Yesu heyi-wɛ se pekpe.

Luka 10:30

Peeɖe Yesu tuu-i eduuye se: «Nakʋyʋ wiye abalʋ nɔɔyʋ lɩnɩ Yeruusalɛm nɛ etiki Yeriikoo. Etikaɣ lɛ, ɛlɩɩ mɩ́láa nabɛyɛ yɔɔ nɛ pakpa-ɩ pɔhɔɔ-ɩ nɛ efiɣni nɛ pɔhɔzɩ ɛ-yɔɔ wondu nɛ pɛpɛɖɩ-ɩ nɛ pacaŋ pɛɖɛɛ.

Luka 9:22

Ɛtasɩ-wɛ heyuu se pʋwɛɛ se Ɛyʋ Pɩyalʋ ɛla kʋñɔŋ siŋŋ. Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pɔkɔŋ kizuu ɛ-tɔm nɛ pakʋ-ɩ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i nɛ sɩm taa.

Luka 9:51

Alɩwaatʋ wɩzɩ talʋʋ se Yesu ɛkpa ɛsɔdaa. Pʋ-yɔɔ ɛɖʋwa kpem se ewoki Yeruusalɛm.