Luka 18:12 - New Testament

¹² Kpɩtaʋ taa lɛ, kɩyakɩŋ naalɛ mɔhɔkʋʋ nɔɔ. Mbʋ́ pɩtɩŋa mehikiɣ yɔ, mantayɩɣ-pʋ tam hiu nɛ mahaɣ-ŋ hɔɔlʋʋ kʋɖʋmʋʋ.›

Luka 18:12 ပူးပေါင်းရင်းမြစ်များ

Maatiyee 5:20

Mankaɖɩɣ-mɩ se yee ɩtala mbʋ́ Ɛsɔ liu wɛɛ yɔ nɛ pɩkɩlɩ paɣtʋ wɩlɩyaa nɛ Farɩsɩ ñɩma yɔ, ɩɩsʋʋ e-Kewiyaɣ taa wiɖiyi kaʋ.»

Maatiyee 6:1

Yesu tasɩ-wɛ heyuu se: «Ɩkpa mɩ-tɩ! Ɩtaala mbʋ́ pʋpɔzʋʋ se pala Ɛsɔ nʋmɔʋ taa yɔ ɛyáa samaɣ taa se pana-mɩ. Pɩtɛkɛ ḿbʋ́, ɩɩmʋʋ kɩhɛyʋʋ nakʋyʋ mɩ-Caa weyi ɛwɛ ɛsɔdaa yɔ ɛ-cɔlɔ.

Maatiyee 6:16

Yesu tasɩ-wɛ heyuu se: «Yee ɩhɔkʋʋ nɔɔ lɛ, ɩtaañɩŋ mɩ-ɛsɩndaa ɛzɩ tɛɛ nɛ pʋ-yɔɔ ñɩma lakʋʋ yɔ. Peyeki se pɛ-ɛsɩndaa ɛlɛɣzɩ nɛ ɛyáa tɩŋa na-wɛ se pɔhɔkʋʋ nɔɔ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ.

Maatiyee 6:5

Yesu tasɩ-wɛ heyuu se: «Yee ɩsɛɣ Ɛsɔ lɛ, ɩtaala ɛzɩ tɛɛ nɛ pʋ-yɔɔ ñɩma lakʋʋ yɔ. Pɔsɔɔlɩ sɩŋʋʋ Ɛsɔ ɖɩsɛyɛ taa nɛ habɛɛ nɔsɩ alɩwaatʋ ndʋ́ pɛsɛɣ Ɛsɔ yɔ se ɛyáa ɛna-wɛ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ!

Maatiyee 9:14

Yesu tɛm yɔɔdʋʋ ḿbʋ́ lɛ, Lɩm Sɔʋ Sɔnzɩ Laɖʋ Yohanɛɛsɩ tɔmkpɛlɩkɩyaa wolo ɛ-cɔlɔ nɛ pɔpɔzʋʋ-ɩ se: «Pɩlabɩ ɛzɩma ɖa nɛ Farɩsɩ ñɩma ɖɩhɔkʋʋ nɔɔ tam nɛ ñɔ-tɔmkpɛlɩkɩyaa ñaahɔkʋʋ?»

Luka 11:42

Farɩsɩ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩtayɩɣ nɛ ɩkpɛndɩɣnɩ ɖozi hatʋ maɣmaɣ tam hiu nɛ ɩhaɣ Ɛsɔ pɩtɛ kʋɖʋmbʋ. Ɛlɛ́, ɩtɔsɔɔlɩ-ɩ nɛ ɩɩlakɩ mbʋ́ pʋtʋʋzaa yɔ. Ŋgʋ́, pɩ-naalɛ pɩɩmʋnaa se ɩla nɛ ɩtaasɔɔ lɛɛbʋ yɔɔ ɖɔɖɔ.

Luka 17:10

Ḿbʋ́ ɖɔɖɔ pʋwɛnɩ-mɩ. Yee ɩkɔm ɩla mbʋ́ Ɛsɔ kaɖʋ-mɩ yɔ nɛ pɩtɛ lɛ, ɩtɔ se: ‹Đɩtamʋnɩ se ɖɩkɛ tʋmlaɖaa. Mbʋ́ pɩɩwɛɛ se ɖɩla yɔ, ḿbʋ́ ɖɩlaba.› »

Room 3:27

Yee ḿbʋ́ lɛ, ɛbɛ yɔɔ ɛyáa kʋndʋʋ yɔ? Nabʋyʋ fɛyɩ. Ɛlɛ́, ɛbɛ yɔɔ kpem? Papɩzɩɣ pakʋndɩ se pɔɖɔŋ paɣtʋ yɔɔ yaa we? Pɩtɛkɛ ḿbʋ́! Ɛlɛ́, pɛwɛnɩ lidaʋ yɔɔ papɩzɩɣ pakʋndɩ.

1 Kɔrɛntɩ 1:29

Ɛlabɩ ḿbʋ́ se nɔɔyʋ ɛtaapɩzɩ ɛtasɩ ɛ-tɩ kpazʋʋ Ɛsɔ ɛsɩndaa.

Galaatɩ 1:14

Đɔ-ɖɔndɩyɛ taa lɛ, malakaɣ ɖɔ-cɔzɔnaa Yuda ñɩma sɔnzɩ nɛ pɩkɩlɩ ɛyáa sakɩyɛ. Mbʋ́ pʋyɔɔ yɔ, maaɖɔkɩ-sɩ nesi naalɛ kpam.

Efɛɛzɩ 2:9

Pɩtɛkɛ mɩ-tʋma yɔɔ pɩyabɩ mɩ-ñʋʋ. Pɩlabɩ ḿbʋ́ se nɔɔyʋ ɛtaakʋndɩ.

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.