Luka 17:25 - New Testament

²⁵ Ɛlɛ́, pʋcɔ pɩla ḿbʋ́ lɛ, pʋwɛɛ se ɛtɔɔ kʋñɔŋ siŋŋ nɛ lɛɛlɛɛyɔ ɛyáa panɛ pekizi-i.

Luka 17:25 ပူးပေါင်းရင်းမြစ်များ

Maatiyee 16:21

Alɩwaatʋ ńdʋ́ʋ́ Yesu pazɩ ɛ-tɔmkpɛlɩkɩyaa yɔɔdɩnaʋ nɛ ɛkaɖɩ-wɛ se pʋwɛɛ se ewolo Yeruusalɛm nɛ ɛtɔɔ kʋñɔŋ siŋŋ Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pe-nesi taa nɛ pakʋ-ɩ nɛ ɛsɩ nɛ kɩyakɩŋ naadozo wiye lɛ, Ɛsɔ fezi-i.

Maatiyee 21:42

Peeɖe ɛpɔzɩ-wɛ se: «Ɩtakalɩ tɔm ndʋ́ pama Ɛsɔtɔm Takayaɣ taa yɔ kaʋ yaa we? Ńdʋ́ lɛ se: ‹Pɩyɛ nɖɩ́ kuduyiŋ mayaa kpaɣaɣ pɔlɔ yɔ, ńɖɩ́ pɩsɩnɩ ɖɩkɩlɩ wazaɣ atɩŋa payɩ lɛɛlɛɛyɔ. Kɩpaɣlʋ labɩna ḿbʋ́. Asaaa! Pʋwɛ ɖeu kpem!›

Maarkɩ 10:33

Eheyi-wɛ se: «Đɩkpaɣʋ Yeruusalɛm yɔ, pakpaɣ Ɛyʋ Pɩyalʋ nɛ paɖʋzɩ-ɩ cɔjɔnaa sɔsaa nɛ paɣtʋ wɩlɩyaa pe-nesi taa. Paba kʋʋ ɛ-tɔm nɛ paɖʋ se pakʋ-ɩ nɛ pakpaɣ-ɩ paɖʋzɩ mbá pɛtɛkɛ Yuda ñɩma yɔ pe-nesi taa

Maarkɩ 12:10

Peeɖe ɛpɔzɩ-wɛ se: «Ɩtakalɩ tɔm ndʋ́ pama Ɛsɔtɔm Takayaɣ taa yɔ yaa we? Ńdʋ́ lɛ se: ‹Pɩyɛ nɖɩ́ kuduyiŋ mayaa kpaɣaɣ pɔlɔ yɔ, ńɖɩ́ pɩsɩnɩ ɖɩkɩlɩ wazaɣ nɛ pɩkɩlɩ atɩŋa payɩ lɛɛlɛɛyɔ.

Maarkɩ 8:31

Yesu wɩlaɣ ɛ-tɔmkpɛlɩkɩyaa se peɖiɣzini se ɛnʋ Ɛyʋ Pɩyalʋ lɛ, pʋwɛɛ se ɛtɔɔ kʋñɔŋ siŋŋ nɛ Yuda ñɩma sɔsaa nɛ cɔjɔnaa sɔsaa nɛ pa-paɣtʋ wɩlɩyaa pekizi ɛ-tɔm nɛ pakʋ-ɩ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i.

Maarkɩ 9:31

Mbʋ́ pʋyɔɔ yɔ, ɛwɩlaɣ ɛ-tɔmkpɛlɩkɩyaa. Eheyaɣ-wɛ se: «Pɔkɔŋ kpaʋ Ɛyʋ Pɩyalʋ nɛ paɖʋzɩ-ɩ ɛyáa nesi taa nɛ pakʋ-ɩ nɛ ɛsɩ. Kɩyakɩŋ naadozo wiye lɛ, Ɛsɔ fezi-i.»

Luka 18:31

Pɩkɛdaa lɛ, Yesu kɛsɩ ɛ-tɔmkpɛlɩkɩyaa hiu nɛ naalɛ nɛ eheyi-wɛ se: «Ɩna, ɖɩkpaɣ Yeruusalɛm. Peeɖe Ɛyʋ Pɩyalʋ tɔm ndʋ́ tɩtɩŋa payɩ náyaa kamawa yɔ, tɩkɔŋ labʋ.

Luka 18:33

Pɔkɔŋ-ɩ luu agbazɛɛ nɛ pakʋ-ɩ. Kɩyakɩŋ naadozo wiye lɛ, Ɛsɔ fezi-i.»

Luka 24:46

nɛ eheyi-wɛ se: «Ndʋ́ pama ka-taa yɔ lɛ se pʋwɛɛ se Weyi Ɛsɔ Lɩzaa Yɔ, ɛtɔɔ kʋñɔŋ nɛ ɛsɩ nɛ pepim-i. Kɩyakʋ naadozo ñɩŋgʋ wiye lɛ, pefezi-i nɛ ɛlɩɩnɩ pɩlaʋ taa.

Luka 9:22

Ɛtasɩ-wɛ heyuu se pʋwɛɛ se Ɛyʋ Pɩyalʋ ɛla kʋñɔŋ siŋŋ. Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pɔkɔŋ kizuu ɛ-tɔm nɛ pakʋ-ɩ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i nɛ sɩm taa.

Yohanɛɛsɩ 1:11

Ɛkɔm ɛ-maɣmaɣ ɛ-tɛ, ɛlɛ́, ɛ-ñɩma tamʋ-ɩ.

Yohanɛɛsɩ 12:38

Pɩlabɩ ḿbʋ́ se tɔm ndʋ́ náyʋ Ezaayii ma ɖooo lɔŋ yɔ, tɩla. Ńdʋ́ lɛ se: «Kɩpaɣlʋ! Atisi tɔm ndʋ́ ɖɩyɔɔdaa yɔ? Anɩ Kɩpaɣlʋ wɩlɩ e-ɖoŋ weyi ɛɛwɛ mɛsaɣ tɛɛ yɔ?»