Luka 16:2 - New Testament

² Pʋ-yɔɔ ɛya-ɩ nɛ eheyi-i se: ‹Ña! Manɩɣ pɔyɔɔdʋʋ ñɔ-tɔm se we? Kɛdɩ-m ɛzɩma mbʋ́ ña-tʋmɩyɛ ɖɔŋ yɔ. Ŋŋtasɩɣ kɛʋ man-tʋmlaɖʋ!›

Luka 16:2 ပူးပေါင်းရင်းမြစ်များ

Maatiyee 12:36

Mankaɖɩɣ-mɩ se kɩyakʋ ŋgʋ́ Ɛsɔ hʋʋnɩ ɛyáa yɔ, ɛyáa kɔŋ heyuu Ɛsɔ nɛ pa-maɣmaɣ pɔ-nɔsɩ mbʋ́ piyeba nɛ pɔyɔɔdɩ tɔm ndʋ́ tɩfɛyɩ wazaɣ yɔ.

Maatiyee 20:8

«Wɩsɩ tɛma lɛ, ñɩm tʋ ɛnʋ eheyi weyi ɛcɔŋnɩ tʋmlaɖaa yɔɔ yɔ se: ‹Yaa-wɛ nɛ ŋhɛyɩ-wɛ pe-liidiye. Ɛlɛ́, pazɩnɩ wayɩ wayɩ ñɩma nɛ pɩɖɩɣnɩ kajalaɣ ñɩma.›

Luka 12:20

Ɛlɛ́, Ɛsɔ heyi-i se: ‹Kɩmɛlɛŋ ña! Sɔnɔ ɖoó anɛ a-taa maɣmaɣ ŋsɩkɩ. Ɛlɛ́, akaɣ kpaɣʋ mbʋ́ pɩtɩŋa ŋɖaɣnaa nɛ ŋsɩɩ ña-tɩ yɔ?› »

Luka 12:42

Ɛlɛ́, ɛpɩsɩnɩ-ɩ se: «Akɛ tʋmlaɖʋ kɩbanʋ weyi ɛwɛ lɛɣtʋ yɔ? Ɛnʋ lɛ weyi ɛ-caa yekini-i ɖɩɣa se ɛcɔŋnɩ kɔ-yɔɔ nɛ ɛcɛlɩɣ tʋmlaɖaa lɛlaa tɔɔnaɣ alɩwaatʋ ndʋ́ pʋmʋnaa yɔ.

Luka 16:1

Yesu tasɩ ɛ-tɔmkpɛlɩkɩyaa tuuu eduuye se: «Ñɩm tʋ nɔɔyʋ kɛwɛnɩ tʋmlaɖʋ nɛ ɛcɔŋnɩ-ɩ ɛ-ñɩm yɔɔ. Nakʋyʋ wiye lɛ, powolo peheyi-i se: ‹Ña-tʋmlaɖʋ wɛɛkɩɣ ña-ñɩm.›

Luka 16:3

Peeɖe tʋmlaɖʋ ɛnʋ ɛhʋ ɛ-taa se: ‹Nɔɔnɔɔ man-caa lɩzɩɣ-m tʋmɩyɛ taa, malakɩ ɛzɩma lee? Mɛnfɛyɩ ɖoŋ se maahayɩ. Ŋgʋ́, sʋlʋmʋʋ ñɛwɛ-m fɛyɛ.

Room 14:12

Pʋ-yɔɔ lɛ, paa ɖa-taa weyi lɛ, ɛkɔŋ heyuu Ɛsɔ mbʋ́ ɛlaba yɔ nɛ ɛ-maɣmaɣ ɛ-nɔɔ.

1 Kɔrɛntɩ 1:11

Mbʋ́ pʋyɔɔ yɔ, Klowee tɛ ñɩma heyi-m se iyou.

1 Kɔrɛntɩ 4:2

Mbʋ́ pʋpɔzʋʋ weyi paɖʋzɩ e-nesi taa pʋyʋ yɔ lɛ se: ɛla mbʋ́ pʋmʋnaa yɔ.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 5:10

Mbʋ́ pʋyɔɔ yɔ, pʋwɛɛ se ɖatɩŋa payɩ ɖiwolo Krɩstʋ ɛsɩndaa nɛ ɛhʋʋnɩ-ɖʋ tɔm nɛ ɛhɛyɩ paa weyi kɩbandʋ yaa kɩdɛkɛdɩm mbʋ́ ɛɛlaba alɩwaatʋ ndʋ́ ɛɛwɛ e-tomnaɣ taa yɔ pʋ-yɔɔ.

1 Timootee 4:14

Taaniɣzi kʋjɔʋ ŋgʋ́ Fezuu Kiɖeɖeu labɩ-ŋ yɔ. Kɩlabɩ-ŋ-kʋ alɩwaatʋ ndʋ́ paayɔɔdɩ ñɔ-yɔɔ tɔm ndʋ́ tɩlɩnɩ Ɛsɔ cɔlɔ nɛ sɔsaa tɩnɩ ñɔ-yɔɔ nesi yɔ.

1 Timootee 5:24

Paacazɩɣ ɛyáa lɛlaa maɣzʋʋ nɛ pʋcɔ pana pa-kɩwɛɛkɩm. Pɩkazɩ lɛlaa lɛ, pɛtɛŋ-wɛ maɣzʋʋ nɛ pʋcɔ pana pa-ñɩmbʋ.

1 Pɩyɛ 4:10

Ɛsɔ labɩ paa mɩ-taa weyi kʋjɔʋ nɛ kɩ-ndɩ se ɛla tʋma ndɩ ndɩ. Pʋ-yɔɔ lɛ, pʋwɛɛ se paa weyi ɛkpaɣ-kʋ nɛ ɛlabɩnɩ tʋmɩyɛ camɩyɛ nɛ ɛsɩnɩ lɛlaa.

1 Pɩyɛ 4:5

Pɔkɔŋ sɩŋʋʋ Ɛsɔ ɛsɩndaa nɛ paa weyi eheyi-i mbʋ́ ɛlaba yɔ. Toovenim lɛ, ɛɖaŋ kpam se ɛhʋʋnɩ sɩɖaa nɛ ɛsɛ tɩnaa patɩŋa payɩ.

Wɩlʋʋ 20:12

Mana ɖɔɖɔ sɩɖaa: ɖoŋ tɩnaa nɛ ajamaa pasɩŋ kewiyaɣ kpelaɣ ŋ́gá kɛ-ɛsɩndaa. Pukuli takayɩsɩ nasɩyɩ. Pukuli lɛɛka ɖɔɖɔ, ŋ́gá lɛ wezuu takayaɣ. Mbʋ́ sɩɖaa laba yɔ, pʋ-tɔm paama takayɩsɩ ńzɩ́ sɩ-taa, pʋ-yɔɔ pahʋʋnɩ-wɛ.