Luka 16:14 - New Testament

¹⁴ Yesu yɔɔdaɣ ḿbʋ́ lɛ, Farɩsɩ ñɩma nɩɩ tɔm ńdʋ́ tɩtɩŋa. Peeɖe powoŋ-i, mbʋ́ pʋyɔɔ yɔ, pɛwɛ liidiye laɣzaɣ.

Luka 16:14 ပူးပေါင်းရင်းမြစ်များ

Maatiyee 23:13

Pʋwayɩ lɛ, Yesu kɛzɩ ɛ-tɩ nɛ paɣtʋ wɩlɩyaa nɛ Farɩsɩ ñɩma pɔ-yɔɔ nɛ eheyi-wɛ se: «Tɛɛ nɛ pʋ-yɔɔ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩɖɩkɩ ɛyáa nʋmɔʋ se pataasʋʋ Ɛsɔ Kewiyaɣ taa. Ŋgʋ́, mɩ-maɣmaɣ ɩɩsʋʋ, ɛlɛ́, iiyeki ɖɔɖɔ mbá pe-liu wɛ sʋʋ yɔ se paba ɛsʋʋ. [

Maatiyee 9:24

Peeɖe eheyi-wɛ se: «Ɩlɩɩ cɩnɛ, pɛlɛ ɛnʋ eɖou kuɖou, ɛtasɩ kɩsɩbʋ.» Ɛyɔɔdɩ ḿbʋ́ lɛ, powoŋ-i.

Luka 12:15

Pʋwayɩ lɛ, eheyi patɩŋa se: «Ɩɖɔkɩ mɩ-tɩ camɩyɛ nɛ ñɩm laɣzaɣ. Mbʋ́ pʋyɔɔ yɔ, paa ɛyʋ ɛwɛnɩ ñɩm ɛzɩma yɔ, e-wezuu caɣʋ ɛɛlɩɣnɩ pʋ-cɔlɔ.»

Luka 20:47

Ḿbá ɖɔɖɔ hɔɔzʋʋnɩ lelaa nesi taa mbʋ́ pɩtɩŋa payɩ pɛwɛna yɔ. Pɛsɛɣ Ɛsɔ nɛ pɩɖaɣlɩɣ se pɩwɩlɩ se ḿbá lɛ ɛyáa kɩbama. Meheyiɣ-mɩ se kɩyakʋ ŋgʋ́ Ɛsɔ kɔŋ se ɛhʋʋnɩ ɛyáa yɔ, ɛɖʋʋ-wɛ kʋñɔŋ ŋgʋ́ kɩfɛyɩ ɖaɣʋ yɔ.»

Luka 23:35

Ɛyáa samaɣ kasɩŋ peeɖe nɛ kɔcɔŋna nɛ Yuda ñɩma ñʋndɩnaa ñowoŋuu-i nɛ pɔtɔŋ se: «Yee toovenim se ɛkɛ Krɩstʋ Weyi Ɛsɔ Lɩzaa Yɔ yɔ, ɛya ɛ-maɣmaɣ ɛ-ñʋʋ ɛzɩ ɛyabʋ lɛlaa ñɩŋgʋ yɔ!»

Luka 8:53

Ɛlɛ́, powoŋ-i, mbʋ́ pʋyɔɔ yɔ, pɛtɛm naʋ se pɩɣa ŋ́gá kasɩba.

2 Timootee 3:2

Toovenim lɛ, ɛyáa kɔŋ nɩnaʋ pa-tɩ nɛ pɛ-ɛsɩyɛ sɛɛnɩ liidiye cazʋʋ nɛ pɛkɛ pɔpɔtɩnaa nɛ pakpazɩɣ pa-tɩ nɛ pɛwɛɛkɩɣ Ɛsɔ hɩɖɛ nɛ paañaŋ pa-ñɩma, paawɛɣ ɛsɩmɩyɛ, paañaŋ Ɛsɔ ñɩm.

Ebree 11:36

Peniɣzi lɛlaa ɖɔɖɔ nɛ polu-wɛ agbazɛɛ. Pɔhɔkɩ lɛlaa yoŋgbasɩ nɛ paɖʋ-wɛ salaka.