Luka 16:11 - New Testament

¹¹ Yee ɩtalabɩnɩ kedeŋa yɔɔ cɩnɛ ñɩm mbʋ́ pʋpɔzʋʋ yɔ lɛ, acɛlɩɣ-mɩ ñɩm maɣmaɣ siŋŋ yɔ?

Luka 16:11 ပူးပေါင်းရင်းမြစ်များ

Maatiyee 6:24

Yesu tasɩ-wɛ heyuu se: «Nɔɔyʋ ɛɛpɩzɩɣ ɛla caanaa naalɛ tʋma. Yee ɛlakɩ ḿbʋ́ yɔ, ɛpaɖɩɣ lɛlʋ nɛ ɛsɔɔlɩ lɛlʋ. Yaa pʋtɔma, ɛnɩɣnɩ lɛlʋ nɛ eyele lɛlʋ. Ḿbʋ́ ɖɔɖɔ pʋwɛɛ: ɩɩpɩzɩɣ ɩsa Ɛsɔ nɛ ɩtɛ ɩwɛnɩ liidiye laɣzaɣ.»

Luka 12:33

Ɩpɛdɩ mɩ-ñɩm nɛ ɩtayɩ kʋñɔndɩnaa pi-liidiye. Ɩwɛnɩ liidiye huyiŋ weyi ɩɩtʋlʋʋ wiɖiyi kaʋ yɔ nɛ ñɩm mbʋ́ pɩɩtɛŋ yɔ ɛsɔdaa ɖenɖe mɩ́láa ɛɛmɩlɩɣ nɛ pʋyʋ ɛɛpɩzɩɣ pɩwɛɛkɩ-pʋ kaʋ yɔ.

Luka 16:12

Yee ɩtalabɩnɩ lɛlʋ ñɩm mbʋ́ pʋpɔzʋʋ yɔ lɛ, acɛlɩɣ-mɩ mɩ-ñɩmbʋ yɔ?

Luka 16:9

Ma meheyiɣ-mɩ se: ɩkpaɣ kedeŋa yɔɔ cɩnɛ ñɩm mbʋ́ ɩwɛna yɔ nɛ ɩñɩnɩnɩ ɛgbaɣdɩnaa nɛ yee pʋkɔma pɩtɛɖɩɣ-mɩ lɛ, Ɛsɔ kamʋ-mɩ ɛ-ɖɩɣa ŋgá kaayɔkʋʋ kaʋ yɔ ka-taa.

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

Wɩlʋʋ 3:18

Pʋ-yɔɔ mantasɩɣ-wɛ tɔm se pɔkɔɔ mɔn-cɔlɔ nɛ paya sika ŋgá pɔhɔbɩ-kɛ miŋ nɛ kañɩlɩsɩɣ camɩyɛ yɔ nɛ papɩsɩ ñɩm tɩnaa. Pɔkɔɔ paya wondu kʋhʋlʋmʋtʋ nɛ posuu nɛ pataawɛɛ tombolo nɛ pana pɛ-fɛyɛ. Pɔkɔɔ paya ɖɔɖɔ kɔyɛ nɛ pelizi pɛ-ɛsɛ taa nɛ papɩzɩ pana.