Luka 15:24 - New Testament

²⁴ Mbʋ́ pʋyɔɔ yɔ, man-pɩyalʋ ɛnɛ, pʋwɛ ɛzɩ ɛsɩba nɛ efe yɔ. Eeleba nɛ manɖaɣnɩ-ɩ naʋ.› Peeɖe papazɩ kazandʋ tɔɔʋ.

Luka 15:24 ပူးပေါင်းရင်းမြစ်များ

Maatiyee 8:22

Yesu cosi-i se: «Kɔɔ ŋtɩŋ-m, yele sɩɖaa nɛ pepi pa-sɩɖaa.»

Maarkɩ 8:22

Yesu nɛ ɛ-tɔmkpɛlɩkɩyaa pɛtɛzɩ teŋgu lɛ, patalɩ Bɛtsayɩda. Peeɖe powoni yʋlʋm nɔɔyʋ ɛ-cɔlɔ nɛ pewini-i se etukuni-i nɛ ɛ-ɛsɛ kuli.

Luka 10:19

Iwelesi nɛ ɩnɩɩ, maha-mɩ ɖoŋ se ɩɖɔ ɖʋmaa nɛ pɩcasɩ pɔ-yɔɔ nɛ ɩwa Kañadʋ ɖoŋ tɩŋa payɩ. Pʋyʋ nɔɔyʋ ɛɛlakɩ-mɩ.

Luka 15:23

Ɩkɔnɩ neɣye nɖɩ́ ɖɩwɛ num camɩyɛ yɔ nɛ ɩkʋ nɛ ɖɩtɔɔ kazandʋ.

Luka 15:25

Pɩlakaɣ ḿbʋ́ lɛ, ɛ-pɩyalʋ sɔsɔ ñaawɛnɩ tɛyɛ. Ɛ́lɛ́ kpeŋaɣ nɛ ɛwɩzɩnɩ ɖɩɣa lɛ, ɛnɩɩ soo nɛ payɛ pa-taŋ.

Luka 15:32

Ɛlɛ́, pʋmʋnaa se ɖɩla kazandʋ nɛ laŋhʋlʋmɩyɛ. Mbʋ́ pʋyɔɔ yɔ, pʋwɛ ɛzɩ ñe-neu kasɩba nɛ efe yɔ, eeleba nɛ manɖaɣnɩ-ɩ naʋ.› »

Luka 15:4

«Yee mɩ-taa nɔɔyʋ ɛwɛnɩ heŋ mɩnʋʋ nɛ ɩ-taa kʋɖʋm le, eeyeki kʋɖʋm fɛyɩ mɩnʋʋ weyi ɩkazaa yɔ ñɩtʋ ɖɩtɔɔyɛ nɛ ɛɖɛɛ heu ɛnʋ ɛ-ñɩnʋʋ nɛ pʋkɔɔ pɩsɩɩnɩ alɩwaatʋ ndʋ́ ɛna-ɩ yɔ yaa we?

Luka 19:10

Mbʋ́ pʋyɔɔ yɔ, Ɛyʋ Pɩyalʋ kɔm se ɛñɩnɩ mbá peleba yɔ nɛ ɛya pa-ñʋʋ.»

Luka 9:60

Peeɖe Yesu cosi-i se: «Yele sɩɖaa nɛ pepi pa-sɩɖaa. Ña lɛ, wolo ŋsusi ɛyáa Ɛsɔ Kewiyaɣ tɔm.»

Yohanɛɛsɩ 11:25

Yesu heyi-i se: «Mefeziɣni sɩɖaa nɛ mahaɣ-wɛ wezuu. Weyi ɛwɛnɩ lidaʋ mɔ-yɔɔ yɔ, paa ɛsɩba yɔ, ɛwɛɣ wezuu.

Yohanɛɛsɩ 5:21

Toovenim lɛ, ɛzɩma mbʋ́ efeziɣ sɩɖaa nɛ ɛhaɣ-wɛ wezuu yɔ, ḿbʋ́ ɖɔɖɔ ɛ-Pɩyalʋ ma, mahaɣ mbá me-liu wɛɛ yɔ wezuu.

Room 11:15

Mbʋ́ pʋyɔɔ yɔ, Ɛsɔ lɔʋ Yuda ñɩma ḿbá yɔ, ɛ nɛ ɛyáa lɛlaa peceɣaa. Yee pɩkɛ ḿbʋ́ lɛ, ɛzɩma pʋwɛɣ alɩwaatʋ ndʋ́ ɛɖaɣnɩɣ-wɛ mʋ́ʋ yɔ? Pʋwɛɣ ɛzɩ ɛyʋ sɩkʋʋ nɛ efe nɛ pʋwɛɣ yɔ.

Room 12:15

Mɩ nɛ mbá pamayɩɣ amaya yɔ, ɩkpɛndɩ ɩmayɩ. Mɩ nɛ mbá paba wiliɣ yɔ, ɩkpɛndɩ iwili.

Room 6:11

Pʋ-yɔɔ lɛ, mɩ-maɣmaɣ ɩkpaɣ mɩ-tɩ se ɩwɛ ɛzɩ sɩɖaa yɔ nɛ kɩwɛɛkɩm tatasɩ wɛnaʋ ɖoŋ mɩ-yɔɔ. Ɩkpaɣ mɩ-tɩ ɖɔɖɔ se ɩwɛ wezuu mɩ nɛ Krɩstʋ Yesu mɩ-kpɛndʋʋ taa se pɩkɛdɩnɩ Ɛsɔ.

Room 6:13

Ɩtaakpaɣ mi-pilinzi nɛ ɩlabɩnɩ kɩwɛɛkɩm ɛzɩ mbʋ́ palakɩnɩ mbʋ́ pɩtatʋʋzɩ yɔ. Ɛlɛ́, mɩ-maɣmaɣ ɩkpaɣ mɩ-tɩ nɛ ɩcɛlɩ Ɛsɔ ɛzɩ mbá pasɩba nɛ pefe yɔ. Đɔɖɔ lɛ, ɩkpaɣ mi-pilinzi ńzɩ́ nɛ ɩcɛlɩ-ɩ ɛzɩ mbʋ́ palakɩnɩ mbʋ́ pʋtʋʋzaa yɔ.

Room 8:2

Mbʋ́ pʋyɔɔ yɔ, ɛzɩma mbʋ́ mɛwɛ Fezuu Kiɖeɖeu ŋgʋ́ kɩtɩŋnɩ Krɩstʋ Yesu yɔɔ nɛ kɩhaɣ-ɖʋ wezuu yɔ ki-nesi taa yɔ pʋ-yɔɔ lɛ, puholi-m nɛ kɩwɛɛkɩm nɛ sɩm pe-nesi taa.

1 Kɔrɛntɩ 12:26

Yee piliŋa nakɛyɛ ɛnɩɣ siziŋ yɔ, pilinzi tɩŋa nɩɣ siziŋ ɖɔɖɔ ɛzɩ ŋ́gá yɔ. Yee pasam piliŋa nakɛyɛ yɔ, ka nɛ pilinzi tɩŋa pamayɩɣ amaya.

Efɛɛzɩ 2:1

Mɩ lɛ, ɖooo lɛ, ɩɩsɩbɩ mɩ-kɩdɛkɛdɩm nɛ mɩ-kɩwɛɛkɩm pɔ-yɔɔ.

Efɛɛzɩ 2:5

Pʋ-yɔɔ efezi ɖa nɛ Krɩstʋ alɩwaatʋ ndʋ́ ɖɩɩsɩbɩ ɖa-kɩwɛɛkɩm yɔɔ ḿbʋ́ yɔ. Yee ḿbʋ́, lootiye yɔɔ ɛyabɩ mɩ-ñʋʋ.

Efɛɛzɩ 5:14

Pʋ-yɔɔ pɔtɔŋ se: «Weyi ña ŋɖou yɔ, fe, kʋyɩ nɛ sɩɖaa taa, Krɩstʋ ñalɩmɩyɛ ñalɩɣ ñɔ-yɔɔ.»

Koloosi 2:13

Đooo lɛ, ɩɩkɛ sɩɖaa mɩ-kɩwɛɛkɩm yɔɔ. Ɩɩkɛ ɖɔɖɔ sɩɖaa mbʋ́ pʋyɔɔ yɔ, pataapɛlɩ-mɩ. Ɛlɛ́, lɛɛlɛɛyɔ Ɛsɔ tɩŋnɩ Krɩstʋ yɔɔ nɛ ɛha-mɩ wezuu: ekpeɣ-ɖʋ ɖa-kɩwɛɛkɩm tɩŋa payɩ.

1 Timootee 5:6

Ɛlɛ́, weyi ɛ́lɛ́ wɛɛ ɛlakɩ yem yem yɔ, paa ɛwɛ wezuu yɔ, ɛtɛm sɩbʋ.

Yuudi 1:12

Ɛyáa ḿbá, alɩwaatʋ ndʋ́ ikpeɣliɣ ɖama nɛ ɩkpɛndɩɣ ɩtɔkɩ tɔɔnaɣ se pɩwɩlɩ se ɩsɔɔlɩ ɖama yɔ, pa-lakasɩ kpaɣ-mɩ fɛyɛ. Mbʋ́ pʋyɔɔ yɔ, pɛɖɛlɛsɩɣ niye alɩwaatʋ ndʋ́ pɔtɔkɩ kazandʋ yɔ, fɛyɛ ɛɛkpaɣ-wɛ. Pamaɣzɩɣ pa-maɣmaɣ pa-tɩ yɔɔ ɖeke. Pɛwɛ ɛzɩ mɩndʋ ndʋ́ heɣlim kpakɩɣ nɛ tiiyeki se tɛʋ ɛnɩɩ yɔ. Pɛwɛ ɖɔɖɔ ɛzɩ tɩŋ weyi ɩɩlʋlʋʋ pee nɛ halɩ pɩkpɛndɩnɩ ɩ-lʋlʋʋ alɩwaatʋ yɔ. Pɛwɛ ɛzɩ tɩŋ weyi ɩwɩlaa nɛ pɛkpɛzɩ-ɩ yɔ.

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.