Luka 15:22 - New Testament

²² Patalɩ ɖɩɣa lɛ, ɛ-caa heyi ɛ-tʋmlaɖaa se: ‹Iwolo lɛɛlɛɛ ɩkpaɣ toko kitibuu ŋgʋ́ kɩkɩlɩ ɖeu yɔ nɛ ɩkɔnɩ isuu-i. Ɩlɛɛ-ɩ kokooye nɛ naataŋgbala.

Luka 15:22 ပူးပေါင်းရင်းမြစ်များ

Luka 15:21

Ɛlɛ́, ɛ-pɩyalʋ ɛnʋ eheyi-i se: ‹Caa! Mayʋsɩnɩ Ɛsɔ nɛ mɛntɛ mayʋsɩnɩ-ŋ. Mantatasɩ mʋnaʋ se ŋya-m se ña-pɩyalʋ.›

Luka 15:23

Ɩkɔnɩ neɣye nɖɩ́ ɖɩwɛ num camɩyɛ yɔ nɛ ɩkʋ nɛ ɖɩtɔɔ kazandʋ.

Room 13:14

Ɩkpaɣ Kɩpaɣlʋ Yesu Krɩstʋ wɛtʋ ɛzɩ mi-you wondu yɔ. Ɩtaatasɩ yebu nɛ mɩ-maɣmaɣ mɩ-wɛtʋ hɔm-mɩ nɛ ɩla mbʋ́ mi-liu wɛɛ yɔ.

Room 3:22

Ńdʋ́ lɛ se: mbá patɩŋa payɩ pɛwɛnɩ lidaʋ Yesu Krɩstʋ yɔɔ yɔ, Ɛsɔ pɩsɩɣ-wɛ kʋtʋʋzaa. Mbʋ́ pʋyɔɔ yɔ, pɛfɛyɩ ndɩ nɛ ɖama:

Room 8:15

Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.

Galaatɩ 3:27

Mbá mɩ mɩtɩŋa payɩ palabɩ lɩm sɔʋ sɔnzɩ Krɩstʋ yɔɔ yɔ, mɩ nɛ ɩ ɩpɩsɩ kʋɖʋm.

Efɛɛzɩ 6:15

Ɩkpaɣ mi-kpekpeka ŋgá ɩwɛnɩ Laŋhɛzɩyɛ Tɔm ɖisusiye yɔ ɛzɩ naataŋgbala wena ɩlɛɣ yɔ.

Wɩlʋʋ 19:8

Paha-ɩ waɖɛ se esuu wondu ndʋ́ tɩwɛ fɛlɛ fɛlɛ nɛ tɩñɩlɩzɩɣ nɛ tɩwɛɛ cɩɖɩcɩɖɩ yɔ.» Fɛlɛ fɛlɛ wondu ńdʋ́ lɛ tʋma kɩbana wena Ɛsɔ ñɩma laba yɔ.

Wɩlʋʋ 2:17

‹Weyi ɛwɛnɩ nɩŋgbaaŋ lɛ, ɛnɩɩ tɔm ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, mahaɣ-ɩ tɔɔnaɣ ŋgá kalɩɣnɩ ɛsɔdaa nɛ payaɣ-kɛ se maanɩ yɔ. Mahaɣ-ɩ ɖɔɖɔ pɩyɛ kʋhʋlʋmɩyɛ. Pama ɖɩ-yɔɔ hɩɖɛ kɩfaɖɛ, nɔɔyʋ tasɩm-ɖɩ nɛ pɩtasɩnɩ weyi pɛcɛlɩɣ-ɩ-ɖɩ yɔ.› »

Wɩlʋʋ 3:18

Pʋ-yɔɔ mantasɩɣ-wɛ tɔm se pɔkɔɔ mɔn-cɔlɔ nɛ paya sika ŋgá pɔhɔbɩ-kɛ miŋ nɛ kañɩlɩsɩɣ camɩyɛ yɔ nɛ papɩsɩ ñɩm tɩnaa. Pɔkɔɔ paya wondu kʋhʋlʋmʋtʋ nɛ posuu nɛ pataawɛɛ tombolo nɛ pana pɛ-fɛyɛ. Pɔkɔɔ paya ɖɔɖɔ kɔyɛ nɛ pelizi pɛ-ɛsɛ taa nɛ papɩzɩ pana.

Wɩlʋʋ 6:11

Peeɖe pɛcɛlɩ paa pa-taa weyi toko kʋhʋlʋmʋʋ kitibuu waaa. Ɛlɛ́, peheyi-wɛ se pɛwɛɛ pe-ɖeɖe nɛ pʋkɔɔ pɩsɩɩnɩ alɩwaatʋ ndʋ́ pɛtɛzɩ kʋʋ pa-taabalaa nɛ mbá pa nɛ wɛ palakɩ tʋmɩyɛ, nɛ pɩɩwɛɛ se pakʋ-wɛ ɛzɩ ḿbá yɔ.

Wɩlʋʋ 7:9

Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa