Luka 13:13 - New Testament

¹³ Peeɖe ɛtɩnɩ halʋ ɛnʋ ɛ-yɔɔ nesi nɛ ɛ́lɛ́ tɩsɩŋ yiɣ yiɣ nɛ ɛpazɩ Ɛsɔ sam.

Luka 13:13 ပူးပေါင်းရင်းမြစ်များ

Maatiyee 9:8

Ɛyáa sakɩyɛ mbá paawɛɛ yɔ pana ḿbʋ́ lɛ, sɔɔndʋ kpa-wɛ nɛ pasa Ɛsɔ ɛzɩma mbʋ́ ɛha ɛyáa ɖoŋ ɛnʋ yɔ pʋ-yɔɔ.

Maarkɩ 16:18

Papɩzɩɣ pakpa ɖʋmaa mbá pañasɩɣ ɛyáa nɛ pasɩkɩ yɔ nɛ pe-nesi nɛ pɔñɔɔ mbʋ́ pʋkʋʋ ɛyáa yɔ ɖɔɖɔ, ɛlɛ́, pɩɩlakɩ-wɛ pʋyʋ. Patɩnɩɣ kʋdɔndɩnaa yɔɔ nesi ɖɔɖɔ nɛ pɔ-yɔɔ cɛ.»

Maarkɩ 5:23

ewiini-i cɔɔɔ se ewolo ɛtɩnɩ ɛ-pɩɣa peliɣa yɔɔ nesi nɛ kɔ-yɔɔ cɛ. Mbʋ́ pʋyɔɔ yɔ, kacaɣ sɩbʋ.

Maarkɩ 6:5

Ḿbʋ́ labɩna nɛ ɛtapɩzɩ se ɛla Ɛsɔ hama lakasɩ sakɩyɛ. Ɛlɛ́, kʋdɔndɩnaa pazɩ yɔɔ ɛtɩnɩ nesi nɛ pɔ-yɔɔ cɛ.

Maarkɩ 8:25

Yesu tasɩ e-nesi tɩnʋʋ yʋlʋm ɛnʋ ɛ-ɛsɛ yɔɔ lɛ, atɩkuli nɛ ɛcɔna nɛ ɛnaɣ pɩtɩŋa camɩyɛ kpayɩ kpayɩ.

Luka 13:12

Yesu na halʋ ɛnʋ ḿbʋ́ lɛ, ɛ́yáa-ɩ nɛ eheyi-i se: «Halʋ ña! Ña-kʋdɔŋ cɛba.»

Luka 18:43

Kpaagbaa ḿbʋ́ lɛ, ɛ-ɛsɛ kuli nɛ ɛtɩŋɩɣ Yesu wayɩ nɛ ɛsaŋ Ɛsɔ. Ɛyáa samaɣ tɩŋa na ḿbʋ́ lɛ, kasʋʋ Ɛsɔ sam yɔɔ ɖɔɖɔ.

Luka 4:40

Wɩsɩ ɖʋwa lɛ, mbá patɩŋa paawɛnɩ kʋdɔndɩnaa ndɩ ndɩ yɔ, powoni-wɛ Yesu cɔlɔ nɛ ɛtɩnɩ e-nesi paa weyi ɛ-yɔɔ nɛ ɛ-yɔɔ cɛ.

Tʋma Labʋ 9:17

Peeɖe Anaanɩyaasɩ kpaɣ nʋmɔʋ nɛ ɛkɔɔ ɛtalɩ Yudaasɩ tɛ. Ɛsʋ ɖɩɣa lɛ, ɛmaɣnɩ Sɔɔlɩ ɛnʋ nɛ ɛtɩnɩ ɛ-yɔɔ nesi nɛ eheyi-i se: «Man-taabalʋ Sɔɔlɩ! Kɩpaɣlʋ Yesu weyi ɛlɩzɩ ɛ-tɩ nɛ ɛwɩlɩ-ŋ alɩwaatʋ ndʋ́ ŋkɔŋaɣ yɔ, etiyini-m se mɔnkɔɔ mala nɛ ñɛ-ɛsɛ kuli nɛ Fezuu Kiɖeɖeu tii ñɔ-yɔɔ.»