Luka 12:5 - New Testament

⁵ Mawɩlɩɣ-mɩ weyi pʋmʋnaa se ɩsɔɔndɩ yɔ: ɩsɔɔndɩ Ɛsɔ, mbʋ́ pʋyɔɔ yɔ, e-ɖeke ɛpɩzɩɣna ɛkʋ ɛyʋ nɛ ɛtɛ ɛɖʋ-ɩ ɖenɖe kʋñɔŋ maatɛŋ wɛɛ yɔ. Meheyiɣ-mɩ se ɛnʋ pʋmʋnaa se ɩsɔɔndɩ.

Luka 12:5 ပူးပေါင်းရင်းမြစ်များ

Maatiyee 10:28

Ɩtaasɔɔndɩ mbá pakʋʋ tomnaɣ nɛ paapɩzɩɣ pakʋ kalɩzaɣ yɔ. Ɛlɛ́, ɩsɔɔndɩ Ɛsɔ, mbʋ́ pʋyɔɔ yɔ, ɛpɩzɩɣ ɛkʋ ɛyʋ nɛ ɛtɛ ɛɖʋ e-tomnaɣ nɛ ɛ-kalɩzaɣ ɖenɖe kʋñɔŋ maatɛŋ wɛɛ yɔ.

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Maatiyee 25:46

Powokini-wɛ ɖenɖe kʋñɔŋ maatɛŋ wɛɛ yɔ nɛ piyele mbá patʋʋzaa yɔ, paba ñowolo ɖenɖe wezuu maatɛŋ wɛɛ yɔ.»

Maatiyee 5:22

Ɛlɛ́, ma meheyiɣ-mɩ se weyi ɛ-pana kpaɣnɩ lɛlʋ yɔ, pahʋʋnɩ-ɩ. Weyi ɛtʋʋ lɛlʋ se: ‹Kɩmɛlɛŋ ña!› Yɔ, powokini-i tɔm hʋyaa sɔsaa cɔlɔ. Weyi ɛ́lɛ́ tʋʋ lɛlʋ se: ‹Kpanzɩyʋ ña!› Yɔ, pɔkɔŋ-ɩ ɖʋʋ ɖenɖe kʋñɔŋ maatɛŋ wɛɛ yɔ.

Maarkɩ 13:23

Mɩ lɛ, mɛntɛm-mɩ heyuu pɩtɩŋa nɛ pɩɖɛɛ. Ɩɖɔkɩ mɩ-tɩ camɩyɛ kpam.»

1 Tesalooniki 4:6

Nɔɔyʋ ɛtaamuli ɛ-taabalʋ pʋnɛ pɩ-taa, ɛtaacɛtɩ-ɩ. Đɩɩtɛm-mɩ-tʋ heyuu nɛ ɖɩka mɩ-ñʋŋ taa siŋŋ se Kɩpaɣlʋ kɔŋ hɔm mbá palakɩ ḿbʋ́ yɔ pa-nɩŋgbaaŋ.

Ebree 10:31

Yee ḿbʋ́, pʋtɔɔ weyi ɛtɔlʋʋ Ɛsɔ wezuu tʋ nesi taa yɔ!

2 Pɩyɛ 2:4

Mbʋ́ pʋyɔɔ yɔ, Ɛsɔ tohuuzi ɛ-maɣmaɣ e-tiyiyaa mbá paalabɩ kɩwɛɛkɩm yɔ pɔ-yɔɔ. Ɛlɛ́, ɛɖʋ-wɛ kʋñɔŋ maatɛŋ taa se pɛwɛɛ cɩkpɛndʋʋ taa peeɖe nɛ pʋkɔɔ pɩsɩɩnɩ tɔm hʋʋ kɩyakʋ wiye.

Wɩlʋʋ 14:7

Eholaɣ ɖoŋ se: «Ɩsɔɔndɩ Ɛsɔ nɛ ɩɖʋ-ɩ hɩɖɛ, mbʋ́ pʋyɔɔ yɔ, ɛ-tɔm hʋʋ alɩwaatʋ talaa. Iluŋ ɛ-tɛɛ! Ɛnʋ labɩnɩ ɛsɔdaa nɛ tɛtʋ nɛ teŋgu nɛ hila.»

Wɩlʋʋ 15:4

Kɩpaɣlʋ! Awɛɛ se ɛɛsɔɔndʋʋ-ŋ nɛ eeyeki se ña-hɩɖɛ ɛsɛɛ? Ñe-ɖeke koŋ lɛ cɩɖɩcɩɖɩ tʋ. Ajɛya kpeekpe taa ɛyáa kaɣ kɔm nɛ poluŋ ñɛ-tɛɛ, mbʋ́ pʋyɔɔ yɔ, pana ɛzɩma mbʋ́ ŋtʋʋzɩ ña-lakasɩ taa yɔ.»

Wɩlʋʋ 20:14

Pɛpɛɖɩ sɩm nɛ ɖenɖe sɩɖaa wɛɛ yɔ miŋ sɔsɔŋ taa. Miŋ sɔsɔŋ ɛnʋ lɛ: sɩm naalɛ ñɩmbʋ.