Luka 12:32 - New Testament

³² Yesu tasɩ ɛ-tɔmkpɛlɩkɩyaa heyuu se: «Mbá mɩ ɩtɔɖɔɔ yɔ, ɩtaasɔɔndɩ. Mbʋ́ pʋyɔɔ yɔ, mɩ-Caa sɔɔlaa se ɩsʋʋ e-Kewiyaɣ taa.

Luka 12:32 ပူးပေါင်းရင်းမြစ်များ

Maatiyee 14:27

Kpaagbaa ḿbʋ́ lɛ, eheyi-wɛ se: «Ɩɖɔkɩ mɩ-tɩ kpam, sɔɔndʋ ɛtaakpa-mɩ, ma.»

Maatiyee 20:16

Peeɖe Yesu tasɩ yɔɔdʋʋ se: «Ḿbʋ́ wayɩ ñɩma kɔŋ pɩsʋʋ kajalaɣ ñɩma nɛ kajalaɣ ñɩma ñapɩsɩ wayɩ ñɩma.»

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Maatiyee 7:15

Yesu tasɩ-wɛ heyuu se: «Ɩɖɔkɩ mɩ-tɩ nɛ mbá pɛcɛtɩɣ se pɛkɛ náyaa yɔ. Pɔkɔŋ mɩ-cɔlɔ lɛ, pɛwɛ ɛzɩ heŋ, naze lɛ, pɛkɛ kpemtɔɔyɩsɩ kañadɩnaa.

Luka 10:21

Yesu yɔɔdaɣ ḿbʋ́ lɛ, Fezuu Kiɖeɖeu yele nɛ ɛ-laŋɩyɛ hʋlʋmɩ siŋŋ nɛ ɛtɔ se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋmɛsɩ ñɔ-tɔm lɔŋsɩnɖaa nɛ lɛɣsɩnɖaa nɛ ŋkuli tɩ-yɔɔ nɛ mbá pɛtɛkɛ pʋyʋ yɔ panɩɩ tɩ-tɔbʋʋ. Man-Caa! Ñɔsɔɔlɩna se pɩla ḿbʋ́ nɛ pɩla ɖɔɖɔ.»

Yohanɛɛsɩ 18:36

Yesu pɩsɩnɩ-ɩ se: «Pɩtɛkɛ kedeŋa kanɛ kɔ-yɔɔ kewiyaɣ mɔntɔwaa. Yee ŋ́gá maatɔwaa yɔ, man-tʋmlaɖaa kalʋbɩ mɔ-yɔɔ se pataaɖʋzɩ-m Yuda ñɩma ñʋndɩnaa nesi taa. Ŋgʋ́, lɛɛlɛɛyɔ kɛtɛkɛ kedeŋa kanɛ kɔ-yɔɔ ñɩŋga.»

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 20:29

Ma Pɔɔlɩ mɛntɛm naʋ se ma-wayɩ lɛ, mbá pɛwɛ ɛzɩ kpemtɔɔyɩsɩ nzɩ́ ñɔɔsɩ wɩɣ-sɩ yɔ, pɔkɔŋ lɩʋ mɩ-ŋgbɛyɛ taa, paakaɣ sɔm nɔɔyʋ kaʋ.

Room 6:23

Kɩwɛɛkɩm kɩhɛyʋʋ lɛ sɩm. Ɛlɛ́, kʋjɔʋ ŋgʋ́ Ɛsɔ lakɩ-ɖʋ falaa yɔ lɛ wezuu maatɛŋ ŋgʋ́ ɖihiɣ ɖa nɛ ɖa-Kɩpaɣlʋ Krɩstʋ Yesu ɖɛ-kpɛndʋʋ taa yɔ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

Filiipu 2:13

Toovenim lɛ, Ɛsɔ yekina se itisi nɛ ɩla tʋmɩyɛ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ.

2 Tesalooniki 1:11

Pʋ-yɔɔ ɖɩwɛɛ ɖɩsɛɣ ɖɛ-Ɛsɔ mɩ-yɔɔ se eyele nɛ ɩmʋnɩ mbʋ́ pʋ-yɔɔ ɛya-mɩ yɔ. Đɩsɛɣ-ɩ ɖɔɖɔ se ɛtɩŋnɩ e-ɖoŋ yɔɔ nɛ eyele ɩla camɩyɛ lakasɩ nzɩ́ sɩtɩŋa payɩ ɩɖʋwa yɔ nɛ ɩtɛzɩ wɛʋ kpekpeka mi-lidaʋ wɛnaʋ taa.

2 Tesalooniki 1:5

Ḿbʋ́ wɩlɩɣnɩ se Ɛsɔ tɔm hʋʋ tʋʋzaa. Pɩlabɩ ḿbʋ́ se ɩmʋnɩ e-Kewiyaɣ ŋgá kɔ-yɔɔ ɩtɔkɩ kʋñɔŋ yɔ ka-taa ñɩma.

Ebree 12:28

Pʋ-yɔɔ lɛ, ɖɩwɛnɩ Ɛsɔ yɔɔ ɛsɩmɩyɛ, mbʋ́ pʋyɔɔ yɔ, ɛha-ɖʋ kewiyaɣ ŋgá kɛfɛyɩ ñamsʋʋ yɔ: ɖiluŋ ɛ-tɛɛ ɛzɩ pɩkɛdɩnaʋ-ɩ yɔ nɛ ñamtʋ nɛ sɔɔndʋ.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

2 Pɩyɛ 1:11

Pʋ-yɔɔ Ɛsɔ kɔŋ-mɩ haʋ waɖɛ se ɩsʋʋ e-Kewiyaɣ ŋgá kaatɛŋ yɔ ka-taa yem hɛɛɛ. Ŋ́gá lɛ ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ ɛ-ñɩŋga.

Wɩlʋʋ 1:6

nɛ eyele ɖɩkɛ kewiyaɣ taa ñɩma nɛ cɔjɔnaa ɛ-Caa Ɛsɔ tʋmɩyɛ taa. Ɛnʋ lɛ, ɛwɛɛ koboyaɣ taa nɛ ɛwɛɛ ɖoŋ pɩnzɩ ɛgbaŋ ɛgbaŋ! Pɩla ḿbʋ́!

Wɩlʋʋ 22:5

Đoo ɛɛtasɩɣ yuu. Paatasɩɣ tɛɖʋʋ kanɖʋ ñalɩmɩyɛ yaa wɩsɩ ñɩnɖɛ, mbʋ́ pʋyɔɔ yɔ, Kɩpaɣlʋ Ɛsɔ ñalɩmɩyɛ kɔŋ pɔ-yɔɔ ñalʋʋ. Đɔɖɔ lɛ, pɔkɔŋ tɔɔʋ kewiyaɣ pɩnzɩ ɛgbaŋ ɛgbaŋ.